ADIF
Dendi Güiquipeya
ADIF es el acrónimu la compañia "Administrador de Infraestructuras Ferroviarias" (Alministraol d'Infraestruturas Ferroviárias). La compañia sulhió cumu impresa estatal a través de la Lei Ferroviária promulgá en España. Anti la nolmativa uropea era mestel deferencial entri l'ativiá e mantenimientu las infraestruturas ferroviárias, qu'es un monopóliu natural, i el trasporti propiamenti iziu, qu'estaba obligau a almitil competéncia.
El 1 d'Eneru e 2005 acabihó el monopóliu la compañia Renfe i la impresa se dividió en dos:
- Renfe Operadora: s'encarga el trasporti e mercancias i pasaherus, en réhimin de competéncia con otras impresas.
- ADIF (Administrador de Infraestructuras Ferroviarias), que hestiona vias, estacionis, comunicacionis, ecétera, cobrandu un canon a las impresas usuárias de la redi, entri ellas a Renfe Operadora.
Dendi esi momentu, Renfe operadora s'encarga el trasporti e pasaherus pol ferrocarril en réhimin de libri competéncia mentris qu'ADIF mantieni el monopóliu e mantenimientu las infraestruturas ferruviárias en España.
[eital] Heréncias operativas
ADIF controla el tráficu ferroviáriu en España a través de seis heréncias operativas. S'alcuentran en:
- Lión - Control de la zona noroesti.
- Miranda de Ebro - Control de la zona norti.
- Barcelona - Control de la zona noresti.
- Madril - Control de la zona centru.
- Valéncia - Control de la zona esti.
- Sevilla - Control de la zona sul.
[eital] Ativiais d'ADIF
Tres son las prencipalis ativiais d'ADIF:
- Costrución pol encargu el Ministériu e Fomentu Español de nuevas línias ferroviárias, entri ellas las nuevas línias d'Arta Velociá.
- Mantenimientu e las infraestruturas necezárias pala operación ferroviária.
- Atribución de capaciais de la línias de la redi i hestión de la circulación en rehimin de seguráncia pala operación ferroviária.
El atual i únicu presienti hata el momentu d'ADIF es D. Antonio Gonzalez Marín.
Ogañu s'á criau un enti hestol qu'está colabutandu con el ministériu e fomentu. El su nombri es CECOF, Centro Coordinador de la Operación Ferroviaria Barcelona 2007, el cual s'está encargandu e:
- Acabihal las obras del AVE en Barcelona.
- Monopoliçal los enhormaoris pa una mayol atención al usuáriu.
- Ponel fecha al final de las obras.
CECOF á siu criá pol Victor Morlán, Secretáriu d'Infraestruturas del Ministériu e Fomentu resienti en Madril, qu'está temporalmenti en Barcelona.
La direción de CECOF esta hormá pol presienti d'ADIF Antonio Gonzalez, El Presienti e RENFE Operadora, Jose Salgueiro, asín cumu el Hefi e Vias i Obras (Mantenimientu d'Infraestruturas), el Arquitetu el proyeutu, i los hefis la impresa costrutora.
