Antonio Acevedo Hernández

Dendi Güiquipeya
Sartal a: Güiquipeandu, Landeal
P writing.svg Esti endirgui no tien huentis ni referéncias
Los continius duosus debin sel correutamenti atijaus pa demuestral que no se trata d'envestigacionis primárias.

Antonio Acevedo Hernández [an̪ˈtonjo aθeˈβeð̪o ɛɾˈna͂n̪deθ] (1887 - 1962) hue un escrebiol i autol de obras de teatru chilenu, consierau comu unu los mas emportantis del su país.

Vía[eital | edit source]

Tuvu nacéncia nel añu 1887, nel monicípiu de Tracacura, puebru chiquininu assitiau ena Región del Biobío. Iju dun ferroviáriu, sordau i contrabandista, escapó del su hogal, a la eá de dies añus. Nel tiempu en que estuvu huera, vivió con unus ferroviárius, quien lo cudiarun. Tiempu dispués, quiju gorvel al su hogal, pero pensandu enos castigus que le tiraria el su pairi pol bel escapau, deciyó no gorvel hata al cabu muchus añus.

Aluspués, hue a la ciá de Chillán. Aí estuvu trapiqueandu comu pintol, varrenderu, cargaol i mas paí. Nel poquinu tiempu libri que tinia, se deicaba a aprendel a escrebil i a leyel.

A la eá de dieziseis añus, llega a la capital, Santiago de Chile, andi el trebaju mas emportanti nel que estuvu, hue el de arbañil. Enos sus ratus libris, se deicaba a escrebil obras pa teatru. Nessa ciá recorrió muchas compañias teatru, pero denguna quiju arrepresental la su obra, hata qu'una compañia lo contrató, comu reitol.

Añus dispués hunda la Compañía Dramática de Teatro. Enas sus obras puei velsi un airi renovaol pa la su epoca, tratandu temas socialis, que la huerça los autoris el su tiempu no se bian atreviu a muestral.

Mueri en 1962, a la eá de setenticincu añus, ena ciá de Santiago, vítima de arteriosclerosi.

Obra[eital | edit source]

La obra Acevedo Hernández es de mucha emportáncia pa l'estória teatral chilena. Nun tiempu en que reinaba la çarzuela española i la comédia nel andal teatral chilenu, él s'atrevió a inoval i hazel un teatru de continíu mas social, muestrandu la dura realiá la via enas aldehueras las ciais i la dura vía los campusinus pa essi tiempu. Ena su obra se puei vistal un prohundu mensagi social i de crítica a la socieá chilena, pero tamién un mensagi asperança. Muchas vezis enas sus obras, se puei vel de craru qu'el papel d'éroi está arrepresentau pola crassi genti probi i, a la escontra, quasi siempri el bichu granuja está arrepresentau polos burguesis.

Bibliografia[eital | edit source]

  • Acevedo Hernández, Antonio, Chañarcillo, Santiago de Chile, 1937.

Atijus[eital | edit source]