Arqueologia

Dendi Güiquipeya
Sartal a: Güiquipeandu, Landeal
Labutus d'Arqueologia.

L'Arqueologia (del griegu «ἀρχαίος» archaios (antiguu), i «λόγος» logos (céncia o estuyu)) es una disciplina qu'estuya las socieais a través los sus restus materialis, seyan estus intencionalis o non. La huerça arqeologus nel pasau definierun l'arqueologia comu el estuyu sistemáticu de los restus materialis de la via umana ya desapaecia.

Algotrus arqueologus se centrarun enos aspetus condutistas i definierun l'arqueologia comu la recostrucion la via los puebrus antiguus.

En angunus paisis, especialmenti enos Estaus Unius, l'arqueologia á siu considerá siempri comu una sudisciplina de l'antropologia. Mentris esta se centraba nel estuyu las culturas umanas, l'arqueologia se dedicaba al estuyu de las manifestacionis materialis dessas mesmas culturas.

La muelna arqueologia entra en relacion con otras disciplinas científicas. Assina, los arqueologus, por establecel la cronologia, escomeçarun a gastal metodus de datacion desarrollaus por otras céncias: el sistema del carbonu 14 (radiocarbonu) hue desarrollau polos físicus nuclearis, las ténicas de datacion geológica son debias a los geólegus i las ténicas d'estuyu de los restus de fauna sonin obra de los paleontólegus.

Amás, pa recostruil antíguas holmas de via, los arqueólogus gastan procedimentus de la sociologia, la demografia, la geografia, la economia o las céncias políticas.