Audrey Tautou

Dendi Güiquipeya
Sartal a: Güiquipeandu, Landeal
Audrey nel Festival de Cannes.

Audrey Tautou, atrís francesa, conocia prencipalmenti por vel siu la protagonista la penicla Le fabuleux destin d’Amelie Poulain.

Via[eital | edit source]

Audrey tuvu nacéncia el 9 Agostu 1976 en Beaumont, pero creció en Montluçon. Su pairi es dientista i su mairi maestra. Tien un gelmanu i dos germanas.

Dende chiquina l'enteressó el actuaeru, polo que s'enlió a hazel un cursu d'arti dramáticu ena escuela Corus Florent, bichu que entrevolava conos estuyus de Literatura Francesa.

En 1999 feguró ena la penicla Vénus beauté cona que hue nominá pal Prémiu Cesa a la mejol atrís revelacion. Al sotru añu ganó el Prix Suzanne-Bianchetti por sel l'atrís nueva mas prometeora el panorama francés.

Nel 2001 hizu el papel prencipal la penicla de Jean-Pierre Jeneut Le fabuleux destin d’Amélie Poulain, obra que l’ofreció nombradia nel andal internacional. Nel siguienti añu hizu un pequeñu papel ena multicurtural penicla L’auberge espagnole comu Martine.

Nel 2004, otra vezi en baju la direcion de Jean-Pierre Jeneut, quien llevó a la escena cinematográfica la novela de Sebastien Japrisot, Audrey protagoniza Un long dimanche de fiançailles. Le mereció tamien el nominaeru pal Prémiu Cesa a la mejol atrís.

Comu la su primel garnacha holivudiensi, l’artista francesa representó nel 2005 a Sophie Neveu ena penicla The Da Vinci code junta el estaunidensi Tom Hanks.

Prémius[eital | edit source]

Ganaus[eital | edit source]

  • 1998. Jeunes Premiers de Canal +. Cannes de Talentos.
  • 2000. Lumière de Paris i Prémiu Cesa pol Vénus beauté. Prémiu Suzanne-Bianchetti.
  • 2001. Trofeu Chopard/Studio Magazine las revelacionis.
  • 2002. Lumière a la mehol atrís.

Nominaerus[eital | edit source]

  • 2002. Prémiu Cesa a la mehol atrís pol Le fabuleux destin d’aAmélie Poulain.
  • 2005. Prémiu Cesa a la mehol atrís pol Un long dimanche de fiançailles.

Filmografia[eital | edit source]

  • Soins complets (2010).
  • Coco avant Chanel (2008).
  • Ensemble, c’est tout (2007).
  • Hors de prix (2006).
  • The Da Vinci Code (2006).
  • Les poupées russes (2005).
  • Un long dimanche de fiançailles (2004).
  • Nowhere to go but up (2003).
  • Pas sur la bouche (2003).
  • Happy end (2002).
  • Dirty pretty things (2002).
  • Les marins perdus (2001).
  • L’auberge espagnole (2001).
  • À la folie… pas du tout (2001).
  • Dieu est grand, je suis tout petite (2001).
  • Le fabuleux destin d’Amélie Poulain (2001).
  • Le battement d’ailes du papillon (2000).
  • Le libertin (1999).
  • Voyous voyelles (1999).
  • Épouse-moi (1999).
  • Triste à mourir (1999). Cortometragi.
  • Vénus beauté (1999).
  • La vieille barrière (1998). Cortometragi.

Atijus[eital | edit source]