Autopista
Una autopista es una via cerculación vículus terrestris de carga i automobis; es ligera, tien gran seguráncia i premiti la cerculación dun volumin tráficu consierabri, con una sérii caraiterísticas que la deferéncian duna carretera convencional. Las primeras vias costruias con esta confeguración se hizun en Alemaña duranti los añus trenta.
Caraiterísticas[Edital | Editá'l códigu]
Pa puel sel calificá comu autopista, una via cerculación debi tenel las siguientis caraiterísticas:
- Dos bandas de cerculación, una pa ca sintiu, entriseparás entri sí pol una franja ancha terrenu u pol vallas de proteción.
- A lo menus dos carrilis cerculación en ca banda.
- Arcenis lateralis en ca banda, paque un vículu puea tenelsi en chascu emelgéncia sin emparchal el tráficu.
- Curvas pocu prenunciás paque los vículus no tengan que abajal la velociá nel cerculaeru pol ellas.
- Asséncia cruzis a nivel, que se resuelvin pol mé passus superioris u inferioris.
- Entrás i salias con carrilis, separaus de los prencipalis, de desaceleración i d´aceleración paque los vículus que salin u entran ena autopista chambin la su velociá huera della.
- Las salias i entrás están assitiás quasi siempri nel lau derechu el sintiu la marcha, ya qu´el carril gochu es el d'alantramientu i, polo tantu, el mas ligeru.
- El acessu a los enmuebris colindantis cona autopista no se has dreitamenti dende la mesma, comu no seya que se gastin entrás i salias comu las descrebias anteriol. Enas zonas urbanas es nolmal la dessisténcia callis paralelas dispuestas a ca lau, mentás comu "vias de selviciu" u "coletoras", que premitin el acessu a los enmuebris que arrayan cona autopista sin pelturbal el tránsitu ena mesma.