Barril

Dendi Güiquipeya
Sartal a: Güiquipeandu, Landeal
Pintura Bouguereau, andi s'almira una zagala bibiendu dun barril

El barril [baˈrɪl] (de barru, mas el sufiju -il) es un tipu cacharru gastau comu recipienti líquius hechu de barru al tornu.

Partis el barril[eital | edit source]

Las partis el barril se deviin en dos: el barril propiamenti dichu i las gubiernas. El cuelpu el barril es abombau i tien destintas holmas pendientis de la cabusia i usiu que tenga. Puei cuental con galanuras destraçás con el cuillu u sel rasu.

Las gubiernas el barril son tres: la boca, el pitu i las asas. Éstas s’añiin endispués la hechura el barril. Pola boca se jecha el líquiu i nel lau fronteru se halla el pitu que es pondi sal.

Tipus barrilis[eital | edit source]

Dessistin muchus tipus barrilis. El prencipal tipu barril se llama barril, piporru u botiju. Cámbian sigún los lugaris, la cabusia i el gastu. Los prencipalis la cacharreria estremeña son velaquí estus:

  • Barril. La su cabusia va dende el meyu litru hata los tres, sigún el grandol. Tipus especialis barrilis son: el espigau, de mas de tres litrus (entri tres i quatru); el alfoljeru, entri sieti i ochu litrus; el de cincu en dos de ¾ litru; gañaneru, de dies a dozi litrus.
  • Barrila. Apaiciu al barril nolmal, pero mas espiparrau.
  • Barril caçaol. Es mu espiparrau, d’apeninas un litru, llamau assina pol sel el que s’estilaba gastal entri caçaoris colgau al ombru.
  • Micu. De ½ litru.
  • Pichi. Tamién llamau espichi.
Detalli barril.

Enfriamientu líquiu[eital | edit source]

El líquiu que se jecha nun barril s’enfria anque esté al sol. El mistériu es el enfriamientu pol vaporación. En huendu el barru material porosu, has que en ambienti secu aconteça que el cacharru sui, de mois que se el líquiu se vapora. L’áugua vaporá desipa la enelgia térmica d'adrentu el barril, hiziendu que s’enfrii (2,219 kilojúlius pol ca gramu áugua vaporá). Parti l’áugua d'adrentu puei trascolal el barru, saliendu polos porus, anque es mucha la que dehuyi polos buracus la boca u el pitu.

Atijus[eital | edit source]



Alfareria estremeña

Cacharrus: Barril · Pichi · Piporru · Cántaru · Caçuela · Barreña · Tinaja · Maricona · Moça · Colegial  · Colegiala  · Embelecu  · Churrera  · Micu  · Pistolu  · Peseteru  · Jarra · Calboteru

Laboris cacharreru: Alvedrial · Gobernal · Cozel · Colaera · Tundil (alfareria)

Estrumentus el cacharreru: Tornu  · Lagareta · Calderu moru · Ensecaeru · Masaera · Zaqui · Rebabera · Raspaera · Cuillu · Sacabocau


Guipal más endirguis al tentu...