Güiquipeya:Bienveníu

Dendi Güiquipeya
(Rederihiu dendi Bienviniu)
Sartal a: Güiquipeandu, Landeal

Bienviníu a la Güiquipedia[eital | edit source]

Bienveníu a la Güiquipedia! La versión en estremeñu prencipió el 24 Eneru 2007 i ya tenemus quasi que 2000 endilguis, i si mos ayúas, la ciclopedia libri ludiará mas ligeru.

Cómu se hazin los endilguis?[eital | edit source]

Esta ciclopedia de propósitu general está siendu entangá por genti comu tu i comu yo. En esti mesmu momentu, de juru alguien estará a edital o a escrevil angún artículu. No es mestel sel un usuariu registrau pa prencipial a contribuil, pero si lo eris, te sedrá mas faci agavillal-ti ena comunidá.

Pueis raceal pola Güiquipeya i trabajal en tolas páginas que quieras; namás tienis de seguil el atiju "edital" que está ena parti cimera de tolos endilguis (mesmu esti). Pueis esprimental ena zona prevas. Si estás con nusotrus, seguru que te empicas a la página cambius rezientis. Pueis (i devis) sel arrisgau editandu, porque muchus artículus s'án costruíu por mó de contribucionis de varias pressonas.

Los cincu lexis fundamentalis la Güiquipedia[eital | edit source]

Ain cincu puntus fundamentalis enos que te devis de reparal enus tus artículus i edicionis:

* Estu es una ciclopedia i tolas lavoris devin de dil en essa dereción.

* Devemus de sel neutralis quandu escrevamus qué.

* El ojetivu es enxaretal una ciclopédia de conteníu libri, assinque no se consienti en casu dengunu material con derechus d'autol (copyrights) sin el premissu correspondienti d'él.

* Wikipedia sigui unas normas d´etiqueta que devin de respetal-si.

* Tienis de sel valienti editandu páginas, enque siempri con conocimientu.

Portamientu[eital | edit source]

Amás d´essu, s´aspera que los contribuyentis se portin de horma civilizá i que los descutinius que puean produzil-si enas páginas descutiña de ca endilgui tengan el propósitu de amejoral el artículu, no tratal d'emponel ciertas almiracionis.

Precura de tenel buena ortografía, ya que es algu emportanti en el momentu d'una consulta; las pressonas comu tu i comu yo nessecitamus de testus de buena calidá.

Portamientu ena Güiquipeya

* Güiquipetiqueta

* Neutralidá

* Evital marrus de continu

El huturu[eital | edit source]

Es capás que piensis que la Güiquipedia acabará siendu un produtu de baxa calidá, ya que es un proyetu abiertu a tol mundu. Pero quiciá es, prejisamenti el hechu de que esté abiertu a tol mundu lo que hazi que una tupa artículus seyan buenus, i los convierta en material en costanti pogressu. Tendemus a agural pal mas altu común denominaol (denominaoris "mas baxus" tiendin respetuosamenti a no tocal los artículus sobre los que no tienin conocencia). Ai aquí a trabajal licenciaus, estudiantis, professoris i otras pressonas con mucha conocencia i tolos colavoraoris son bienveníus.