Botica

Dendi Güiquipeya
Sartal a: Güiquipeandu, Landeal
Estanterias duna botica

Una botica es un lugal o establecimientu dondi un boticariu ejerci la farmacia, es dizil, proporciona servíciu de salú a un pacienti ofreciénduli conseju, dispensándu-li boticas frutu desti conseju o por receta méica, i algotrus produtus de parafarmacia cumu produtus de cosmética, alimentus especialis, produtus de igieni pressonal, ortopedia, etc.

Una botica puei tenel un laboratoriu d´análisis clínicus u unu d´elaboración de proutus meicinalis meyanti las hórmulas mahistralis u preparaus oficinalis.

Pessonal duna botica[eital | edit source]

La botica es el lugal dondi el boticariu esarrolla el su labutu profesional. Puei sel una botica comunitaria, abierta al púbricu u una botica ospitalaria al serviciu d´esta istitución.

Nuna botica siempri ebi bel un boticariu, peru tamién s´alcuentra pressonal ausilial, que ayua al boticariu ena dispensación i receción de pidius.

El pessonal tiini las siguientis huncionis:

  • Dilihencial i controlal los proutus.
  • Faturación i enhormación en boticas.
  • Dispensal fármacus i proutus de parafarmacia.
  • Enhormal a los vezerus sobri la su utilización.
  • Eterminal parámetrus anatómicu-fisiolóhicus sencillus i homental ábitus saludabris enus vezerus.
  • Elaboral preparaus meicamentosus, dietéticus i cosméticus, bahu protocolus establecius i supervisión el facultativu.
  • Realizal análisis clínicus elementalis i normalizaus, bahu la supervisión el facultativu.

La entitulariá duna botica es esclusiva pa licenciaus u dotoraus en farmacia. Pala botica ospitalaria, en España, es mestel el entítulu d´especialista.