Canal Extremadura Televisión

Dendi Güiquipeya
Sartal a: Güiquipeandu, Landeal

Canal Extremadura Televisión es el nombri comercial la televisión autonómica d'Estremaura. La Socieá Pública de Televisión Estremeña, S.A.U. se crió el 27 marçu de 2005. Canal Extremadura Televisión i Canal Extremadura Radio, la emisora d'arradiu autonómica, pretenecin a la Corporación Extremeña de Medios Audiovisuales (CEXMA) criá ena Lei 4/2000.

Al atrás dun períodu d'emisión en prebas eniciau el 30 noviembri de 2005, el 15 hebreru de 2006 escomençó la su primel fasi de programacion con nuevi oras d'emision diaria, comprendias entri las 15:30 i las 00:30 oras. El su primel enhormativu, denominau Extremadura 20:30, s'estrenó el 7 juñu de 2006, con Rocío Gavira i Luis Daniel Martín comu presentaoris, i Carlos Benito comu "Ombri el Tiempu". La direcion d'enhormativus corría de la manu d'Águeda Zarco.

Las sus enstalacionis s'alcuentran en Méria, la capital autonómica, ondi amás de la su séi propia tien un centru de producion nel Centru Territorial de Televisión Española. Amás, cuenta con delegacionis en Caçris, Baajós, Praséncia, Villanueva la Serena i Mairil.