Clitómacu

Dendi Güiquipeya
Sartal a: Güiquipeandu, Landeal

Clitómacu (en griegu Κλειτόμαχος) hue un filósofu cartahinés que deprendió ena Acaémia.

Via[eital | edit source]

Clitómacu era d’orihin cartahinés, naciu quiziá pal 187 e. C. El su nombri verdaeru hue Asdruba. Estuviendu naquella ciá púnica le cumpria filosofal ena luenga natal enos tiempus moçus. Quandu arcançó la maurés, viahó pa las Atenas, andi se hizu discípulu Carnéadi, eminenti miembru la escuela l’Acaémia. Embahu la su direición escomençó a deprendel las torias filosóficas platónicas amás d’inlustralsi enas deferentis céncias. Hueraparti del conocimientu empartiu ena Acaémia, Clitómacu estuvu familiarizau conas dotrinas estocias i peripatéticas.

Quandu murió Carnéadi, Clitómacu queó al cargu la Acaémia, andi deprenderia destintus domas pol mé la su ferti produción escrita.

Gozó duna via larga, muriendu a finalis el su sigru, pal 109 e. C.

Obra[eital | edit source]

Hue un autol prolíficu, llegandu a escrebil mas de 400 obras, cuyas naina se conselva. Las referéncias a ellas se conocin pol mé Cicerón i Dióheni Laérciu. Pol Cicerón se tien enteración dangunus titulinus cumu De sustinendis offensibus i Περὶ αἱρέσεων, huendu esta úrtima un possibri bandeu polas escuelas filosóficas la epoca i las sus destintas dotrinas.

Abreviaturas[eital | edit source]

Esti autol, dalcuerdu con el catálogu abreviaturas el Liddell-Scott, alcibi l’abreviatura Clitom. del su nombri latinizau Clitomachus.

Bibliografia[eital | edit source]

  • Diógenes Laercio, Vida de los más ilustres filósofos griegos, trad. J. Ortiz y Sainz, Barcelona, Folio, 2002, II vol.
  • Liddell H., G., Scott R., A Greek-English Lexicon, Oxford, 1996.