Cobitis vettonica

Dendi Güiquipeya
Sartal a: Güiquipeandu, Landeal
Cobitis vettonica
 (Lamprea, Colmilleja)
[[File:|250px|Cobitis vettonica]]
Otras denominacionis: {{{algotrasdenominacionis}}}
Destribución
Destribución de Cobitis vettonica
Crassificación científica
Reinu
Animalia
Filu
Cordata
Crassi
Actinopterygii
Ordin
Cypriniformis
Família
Cobitidae
Géniru
Cobitis
Espécii
C. vettonica
Autol
Doadrio & Perdices, 1997
Estau de conselvación
Conselvación deCobitis vettonica

La lamprea (Cobitis vettonica), tamién conocia comu colmilleja del Alagón[n 1], es una espécii de pezi la família Cobitidae endémica la cuenca el riu Alagón, en Estremaura. Enantis se creiba qu'era una subespécii de Cobitis paludica, peru agora es tratá comu una espécii diferenti originá pol aislamientu geográficu.[1]

Descrición[eital | edit source]

Se trata dun pezi relativamenti aplanau, con un longol menol de 10 centímetrus. A la contra qu'el restu los sus parientis, tien los barbillonis bucalis cortus abondu, a vezis cuasi invisibris. Las sus aletas, en general, son tamién más cortinas.

La espécii pressenta un huerti dimorfismu sessual, huendu las hembras muchu mayoris que los machus. La freça aconteci entri abril i juñu.[2] Son ovíparus i no realizan cudiaus parentalis dingunu.[3]

Destribución i ábita[eital | edit source]

Es una espécii endémica la Península Ibérica. La su ária destribución tien unus 50 km², i abita preferentimenti enos tramus con hondus con pieras de los culsus meyus i altus de los rius i arroyus pretenecientis a la cuenca el riu Alagón,[4] ena província Caçris i, mu puntualmenti, nel sul de la província de Salamanca. Prefii, pol tantu, auguas craras i ossigenás que, amás, están más a salvu la entervención umana.

Conselvación[eital | edit source]

Pol me la su poca capaciá dispersión, la degradación del su abitaeru pol parti el ombri i su utilización comu cebu vivu, las sus puebracionis án sufriu un gravíssimu descensu. Estu, agravau pola su escrusiviá i pola presséncia espéciis essóticas competioras, a propiciau que la Junta de Extremadura la encluya ena lista d'espéciis amenazás, catalogándola comu "Sensible a la alteración de su hábitat".[5]

Huentis[eital | edit source]

Notas[eital | edit source]

  1. Esti nombri, de nueva criación, mos vien pol me del español i se gasta pa deferenciala de l'otra colmilleja (Cobitis paludica), tamién pressenti en Estremaura i el restu la Península Ibérica.

Referéncias[eital | edit source]

Bibliografía[eital | edit source]

  • Pérez-Bote, J.L., Los peces de Extremadura. Universitas editorial, Baajó
  • Pérez-Bote, J.L., Peces. Claves para la identificación de la fauna extremeña. Univelsiá d'Estremaura, Servicio de Publicaciones. Caçris, 2000

Atijus[eital | edit source]