Cola Cao
Dendi Güiquipeya
|
||
| Proutu | Bebia látea al cacau | |
| Prouciu pol | Grupo Nutrexpa | |
| Engredientis | Cacau, açuca, nues de Kola, salis mineralis |
|
Cola Cao es una marca e chocolati en polvu propieá e la impresa española "Grupo Nutrexpa", naciu en 1946.
Enos añus 50 arcança la fama en tol pais gracias a la su populal canción ("Canción del Negrito"), ena que s'anunciaba nel arradiu cumu «almuerçu i meriendilla ideal».
En 1962, cola llegá e la telivisión a España, esmiençan los sus primerus comercialis, que adatan la sintonia arradiufónica a unus dibuhus animaus.
10 añus aluspués, en 1972, Cola Cao pasa a sel «alimentu olímpicu» al convertilsi en patrocinaol de los huegus olímpicus de Múnich 72.
Enos añus ochenta se prouci Cola Cao VIT una velsión istantánea i enriquecia con vitaminas del Cola Cao crásicu. Ehó e proucilsi a finalis de los ochenta.
1989 es el añu en que Cola Cao llega a China (高乐高 Gao-le-Gao); i en 1992 güervi a sel «alimentu olímpicu» enos huegus de Barcelona 92.
A meyaus de los noventa, col eslogan el mismo sabor de Cola Cao con la mitad de calorías (el mesmu sabol de Cola Cao cola metá e calorias) s'espunta una velsión de Cola Cao sin açuca i con eulcorantis anombrá Cola Cao Bajo en Calorias (Cola Cao Bahu en Calorias), qu'a meyaus de la presenti décaa chambó el su nombri a Cola Cao Light.
A finalis de los noventa, prencipius del sigru XXI, reapaici una velsión istantánea e Cola Cao, esta vezi anombrá Cola Cao Turbo. Col su espuntu, el Cola Cao crássicu se renombró a Cola Cao Original.
Cola cao tiini preséncia entrinacional tamién en Purtugal i Chili, ondi está presenti enas varieais Cola Cao Original, Cola Cao Energy, Cola Cao Bajo en Calorías i los cerealis Pillows de Cola Cao.
[eital] Atihus
- Páhina oficial de Cola Cao (en castillanu)
- Páhina oficial de Nutrexpa (en castillanu)
- La publiciá e Cola Cao en TeAcuerdas.com (en castillanu)
- Anunciu e Cola Cao (en castillanu)
