Delta
Dendi Güiquipeya
Se llama delta al territoriu triangulal asiahau ena desembocaura dun riu, hormau meyanti seimentus que se asiahan a miía que la corrienti el riu va desapaeciendu. Está compuestu pol brazus u "cañus" fluvialis que separan a las islas enas que s´an veniu asiahandu los seimentus llevaus pol esi riu, al chegal a la mari, océanu u lagu. Los pósitus de los deltas de los rius mas grandis se caraterizan pol el hechu e qu´el riu se dividi en varius brazus que se van separandu i gorviendu a arrehuntalsi pa hormal un conhuntu e canalis ativus e inativus.
El delta mas famosu es el que horma riu Nilu, i es d´ondi procei el nombri con el que se llama a esta crasi e desembocaura. riu Nilu tiini una desembocaura caraterística, e horma marcadamenti triangulal, que se paci abondu a la horma la letra griega "Delta" (Δ), motivu pol el cual el estoriaol "Heródoto" le llamó asina.
[eital] La hormación de las islas
Duranti las crecias, los rius trasportan arena, grava i lodo que, una vezi seimentaus, dan el orihin a los deltas.
- Erosión: el riu naci en montañas u colinas. Nestas zonas elevás, el áugua fluyi i baha con huerza polas rocas.
- Trasporti: nel su cursu meyu, el riu avanza lentamenti i trasporta los seimentus rocosus. A vezis se horman meandrus, heneralmenti enas zonas de llanura previas a los deltas.
- Seimentación: los seimentus s´asiahan nel hondu el riu hormandu un montículu enas desembocauras de los rius. Alogu, los rius fluyin sobri ellus, dandu lugal a los rius distributarius.
[eital] Nacencia dun delta
El delta se horma pol el pósitu, nun espaciu que sueli tenel horma triangulal, el material arrastrau polos rius al proucilsi una disminución brusca e la velociá el fluhu, que puei sel causá pola su desembocaura ena mari, nun lagu, en otru riu con mayol anchón u enus océanus, inque estu úrtimu es menus frecuenti.
Los deltas i los estuarius costituyin las dos hormas prencipalis de desembocaura e los rius enas maris, océanus, lagus u en otrus rius mas grandis. La su presencia enas desembocauras está orihiná pola amplitú e las mareas. Cuandu las mareas son mu entensas, la desembocaura los rius enus océanus suelin sel el tipu estuariu, ya que duranti la pleamari se represan las auguas el riu, mentris que ena bahamari se prouci una gran aceleración de la velociá e las auguas, lo que impíi el pósitu e los seimentus que horman las islas nel chascu e los deltas. Es pol ellu que los deltas suelin proucilsi mas enus lagus, maris i hata en rius grandis, ondi las auguas nu sufrin la ación de las mareas cumu nel chascu e los océanus abiertus.
Sin embargu, desistin ececionis a esta regra, cumu nel chascu el Delta el Orinocu, en América el Sul, i el Níger, en África, que son lugaris ondi la ación de las mareas es abondu menus emportanti que enas latituis meyas.
En aquellus lugaris enus que la hormación el delta está dominau pol el riu i dependi menus de la ación de las mareas i las olas, se puei hormal un delta con horma polilobulal. El delta e riu Mississippi es un sabulugal d´esta crasi e hormacionis.
En algunus chascus mu pocu frecuentis, el delta s´alcuentra nun valli mu largu i se conoci cumu delta fluvial envertiu. A vezis, un riu se dividi en varias ramas nun área tierra adrentu, sólu pa golvel a arre3huntalsi i acontinal hata la mari. Estu sueli pasal en zonas enas que antiguamenti púu bel un lagu. El chascu mas emportanti d´esti tipu es el delta enteriol el riu Níger.
El material térreu que horma el delta es bastanti variau, puyendu estal hormau pol una mestura d´arcilla, limu i arena. Estus materialis puein sel muáus pola corrienti en hunción de la velociá d´ésta, i hazel un pósitu nel hondu la desembocaura u nu, sigún seya la mayol u menol entensiá e las mareas. El suelu los deltas es heneralmenti fértil, inque angunas vezis tiinin un nivel de sal argu elevau. Se horman enas desembocauras de rius pol el pósitu e materialis hata hormal la penetración de tierra ena mari. Tiinin horma triangulal. El sabulugal mas emportanti ena península Ibérica es el Delta el Ebru.
[eital] Deltas mas famosus
Angunus de los deltas mas famosus son los siguientis:
|
|
