Dumbo

Dendi Güiquipeya
Sartal a: Güiquipeandu, Landeal

Dumbo es el quartu largometraji animau de Walt Disney Pictures. Basau nel libro pa zagalis omónimo de Helen Aberson i elustrau por Harold Pearl, Dumbo hue produciu por Walt Disney i estrenau el 23 outubri de 1941 por RKO Radio Pictures.

El pressonaji prencipal es Jumbo Jr., un alifanti antropomórficu que es cruelmenti apodau comu Dumbo (en ingrés, dumb senifica tantu «mudu» comu, despectivamenti, «tontu»). Es ridiculizau polas sus grandísimas orejas, enque descubri que puei volal gastandu-las comu alas. El su únicu collaciu es el ratón Timothy, parodiandu el estereotipau terrol de los elefantis házia los roeoris. Dumbo hue hecho pa recuperar las pérdidas financieras de Fantasia. Hue un ejerciciu deliberau de simpliciá i economia pa el estúdiu Disney, ogañu se consiera un crássicu l'animacion. Con 64 minutus, es una de las mas cortas piniclas animás de Disney.

Argumentu[eital | edit source]

Las cibueñas llegan, comu tolos añus, al circu pa repartil los bebés a las sus respetivas mairis. La señora Jumbo, una alifanta, descubri que el su chiquinu tien unas orejas enormis; tolas sus collacias se bulran del su bebé, pero la señora Jumbo le defiendi siempri, ata el puntu de sel entallá por enfrental-se a tó aquel que se ria del su zagal. El pequeñu Dumbo, maltratau i ridiculizau por tolos sus compañerus, namás cuenta cona ayua dun minúsculu ratoncitu llamau Timothy, que decii hazel d'él una estrella del circu.