Eladio Viñuela
| Eladio Viñuela Díaz | ||
|---|---|---|
| Enhormación pressonal | ||
| Nombri de nacencia | Eladio Viñuela | |
| Nacencia |
15 de febrero de 1937 Ibahernando (España) | |
| Muerti |
9 de marzo de 1999 (62 años) Madrid (España) | |
| Nacionalidá | Española | |
| Familia | ||
| Cónyugi | Margarita Salas (1963-1999) | |
| Educación | ||
| Educau en | Universidad Complutense de Madrid (Química) | |
| Supervisor doctoral | Alberto Sols García | |
| Enhormación profissional | ||
| Oficiu | Químico | |
| Ária | Biología molecular, biotecnología y virología | |
| Destincionis |
| |
Eladio Viñuela Díaz (n. Ibahernando, Caçris; 1937 - f. 1999), científicu estremeñu, relevanti por los sus estudius del virus de la pesti porcina africana (VPPA). En 1989, identificó la proteína de la superficii del virus que se uni a la célula receptora del macrófagu del cochinu. Amás, en 1995, determinó, uñíu a tou su equipu la secuencia de nucleótidus del genoma viral, [1] siendu en estu tamién pioneru en España.
Biografía
[Edital | Editá'l códigu]Emprencipió estudiandu Ciencias Biológicas en la Nuversidá Complutensi de Mairil, peru siguió con Ciencias Químicas. Jidu su tesis doctoral con Alberto Sols en el Centru de Investigacionis Biológicas (CIB) del Consejo Superior de Investigaciones Científicas (CSIC). Endispués ya casau con la tamién centífica Margarita Salas marcharun al laboratoriu del premiu Nobel Severo Ochoa en la Nuversidá de Nueva York en cata de nuevas investigacionis en el campu de la biología molecular.
En 1974, a su güelta a España, funda juntu a los profesoris Antonio García-Bellido, Federico Mayor Zaragoza y David Vázquez, y el respaldo de Severo Ochoa, el Centro de Biología Molecular Severo Ochoa, convirtiéndosi con tou el su labutu en una institución bien güena en la investigación biológica.[2]
Premius i reconocencias
[Edital | Editá'l códigu]El gobiernu extremeñu le concedió, a títulu postumu, [3]la Medalla de Extremadura.[2] Endispués en el año 2000 se inauguró un edificiu con su nombri en el campus de Badajós de la Nuversidá d'Estremaúra.[4]
Referencias
[Edital | Editá'l códigu]- ↑ Yáñez, R. J., J. M. Rodríguez, M. L. Nogal, L. Yuste, C. Enríquez, J. F. Rodríguez y E. Viñuela (1995). "Analysis of the complete nucleotide sequence of African swine fever virus." Virology 208(1): 249-278.
- ↑ 2,0 2,1 Concesión de la Medalla de Extremadura
- ↑ Fallece Eladio Viñuela, pionero y prestigioso maestro de la ciencia española (El País, 10/03/1999)
- ↑ «Edificios — Portal de la UEX - Bienvenido a la Universidad de Extremadura». www.unex.es. Consultado el 28 de abril de 2023.
