Eráclitu

Dendi Güiquipeya

Agora ain pressonas trebajandu nesti endirgui Pol mó destu, puein haltal continius u abel marrus nel holmatu. Has el favol, enantis de hazel qualisquiel cámbiu, vaiti a la caraba al tentu desti endirgui pa puel coordinal la su redación.

Eráclitu u Eraclitu d'Éfesu [eˈɾaklitu] u [eɾaˈklitu](en griegu Ἡράκλειτος ὁ Ἐφέσιος [heráklɪːtos hos ep^hésios]) (Éfesu 544 e. C. - † 484 e. C.), hue un filósofu elenu, quiziá el mas genial de los llamaus presocráticus.

Continius 1 Via 2 Estilu 3 Obra 4 Bibliografia

[eital] Via

Los datus biográficus desti filósofu se los devemus a Diógeni Laérciu. Según esti, arcançó la frol la via (que pa los griegus estava pa los quarenta añus) ena LXIX olimpiá, es izil, pal añu 504 u 503 e. C., de mó i maea que la su via estuvu entri los sigrus VI i V. La su ativiá filosófica cessó pal 480. e. C., polo que concuerda cona datación Apolodoru i otrus autoris.

Eráclitu tuvu nacéncia ena ciá d’Éfesu, en Jónia, nel senu duna família aristócrata, de las mas emfrujientis ena ciá. El ámpriu comélciu desta ciá con otras coloñas comu las del sul itálicu i con el continenti griegu hizu qu’alquiriera un ambienti propíciu pa la filosofia i la céncia. Comu otrus nobris la epoca, Eráclitu se sentia aristócrata de sangri i éspiritu, de mó que mirava con despréciu al populachu, bichu que se repegaba al su pensaeru i dotrina filosófica. Con tó i con essu, anque huera de família poerosa i puyera velsi metiu en política facilmenti, Eráclitu rehusó d’encargalsi del gobiernu la ciá. Quijun ponelu comu βασιλεύς en Éfesu, pero no acetó el puestu, el qualu acupó su gelmanu. Tamién no acetó el cargu qu’el rei Dariu quiju ofreceli ena corti persa, srgún decumenta de holma duosa Diógeni Laérciu.

Es possibri que la su enterria al puebru huera vrniu del momentu en que los demócratas efesinus avientaran al su amigu Ermodoru de la ciá, algu qu’Eraclitu vidu síntoma duna política coquerosa i corruta. El dispréciu pol populachu i pol mal gobiernu golvierun a Eraclitu una presona amisentrá i pestosa, consierandu que lo qu’el pensava no quearia al arcanci el ombri corrienti. Más, l’única obra qu’escrivió la acolocó en el templu. Pol esti portamientu i lo esbariciosu los sus escritus, plontinu lo enmotarun ὁ σκοτεινός "el escuru".

Eraclitu izia que via deprendiu pol sí mesmu i que naidi le via ensiñau ná. Sin embargu, pol mu hurón que se golviera no pia inoral las corrientis el pensamientu i los grandis puemas épicus comu qualquiera aristócrata cultu de la epoca. Angunus antíguus consieravan al efesinu discípulu Jenófani, anque paici avel anacronismu, pos quandu nació Eráclitu, Jenófani ya via huyiu de Colofón. Es capás, essu sí, de vel estau familiarizau cona dotrina suya pola celcania las ciais i pola nombreria que cuentaba Henófani pol antuenci. Eraclitu se bulra de Omeru i lo desprécia, assín comu a otrus puetas l’Antigüeá pol inoral la razón. Se relaciona cona filosofia milésia en tantu qu’él tamién busca el prencípiu rigiol i se opón en conceción al pensaeru eleáticu, polo que no premaneceria inoranti destas corrientis.

De las destintas muertis que le dan a Eraclitu l’únicu que s’entrevei es que bichó solu i maletu, polo que din paí, d’idropesia. Sigún Ermipu, el efésiu hue a preguntali a los meicus si le pian estrael las umiais achuchánduli el bandul i comu le ijun que naina, agarró i se tumbó al solatu i mandó a unus zagalis que lo intierraran con istiercu, de mó que murió al sotru dia.

[eital] Estilu

[eital] Obra

[eital] Bibliografia

Filósofus pressocráticus
Autoris: Tali de Miletu • Anassimandru • Anassímeni • Pitágora • Filolau • Eraclitu • Jenófani • Parménidi • Zenón de Elea • Empédocli • Anasságora • Lucipu • Demócritu • Protágora • Górgia • Trasímacu • Caricli • Crítia • Pródicu • Ípia • Antifonti • Licofrón • Guipal mas endirguis al tentu... •