Essacosioiessecontaessafobia

La essacosioiessecontaessafobia (del griegu ἑξακόσοι ἑξήκοντα ἑξά "666") es el mieu inracional al númiru 666.

Orihin

Esti mieu rescreci del velsículu 13:18 el Apocalissi, andi s’asseñala qu’el númiru 666 es la marca la béstia, atihau sigún la creyéncia veloí a Satán. Con tó los estuyosus opinan qu’el númiru nu hazi referéncia al diabru sinu a unu los emperaoris romanus, siguramenti Domicianu u Nerón. El cristianismu s’encargó de devurgal ena Antigüeá el mieu a dichu númiru i, mas recientimenti, el cini.

La fobia

Las pressonas con mieu al 666 evitan pol compretu lo mesmu al númiru tal qual cumu a las cantiais que duna u otra manera otengan cumu resurtau pol mé duna operación dichu númiru u la repitición el seis. Ansí tamién precuran evital dichu númiru en teléfonus, direcionis, cartas, canalis, ec.

Curiosiais

• Ronald Reagan muó el númiru la su casa en Bel Air que tinia 666 al 668. Curiosamenti el su nombri compretu está compuestu pol 6, 6, 6 letras: Ronald Wilson Reagan.
• En 1666 tuvu lugal el Gran Inciendu Londris.
• El 6 húniu el 2006 (06/06/06) los evanhélicus Ambassadors Ministries hizun una vehília pol 24 oras pa espantal los malus espíritus.
• La ciá de Honduras cambió los númirus teléfanu que tinian 6 cifras pol unus que tuvieran 7. El prefihu 666 hue dessinau a El Progreso cuyus ciaanus se pusun en contra pol mal agúriu que suponia tenel tal númiru. El prefihu que le didun hue el de 668, el mesmu númiru al que cambió Reagan el bichu la su casa.