Francisco Durán Domínguez
Dendi Güiquipeya
Francisco Durán Domínguez es un pueta cacereñu, autol los puemas Miedo sabroso i El mendigo.
Continius |
[eital] Via
Francisco nació nel Casal Caçris, Caçris el 17 Noviembri el 1911. Quandu nuevu trebahó cumu cabiceru una piara guarrus, con poquinu tiempu pa dil a la escuela. Sedria maestru suyu Ángel Rodríguez Campos, escrebiol coñociu embahu el moti "Helénides de Salamina".
La su afición polas letras vinu tras ensiñalsi a escrebil enas antíguas cartillas ena soleá campuza i mas tardi s'enliara a leyel a Luis Chamizo i a Gabriel y Galán i era motivau pol su mairi a la qual eicaria mas tardinu dendi la carci ¡Llora campesina, llora!.
Nel tracamundeu la Guerra Cevil, Francisco hue aprissionau pol várius mesis, ocassión qu'aprovechó pal escrebieru. Nestus tiempus carci escrebió Miedo sabroso (1939) i El mendigo (1940).
De que salió de la carci s'empreó ena RENFE hata hubilalsi.
[eital] Obra
Nu espubricó la su proyeición literária i los sus puemas. Los puemas mas sonaus son:
- Miedo sabroso. Esti puema ganó el primel prémiu en Palra populal ena primel eición el conculsu puesia Ruta de la Plata.
- El Milagro. Ganaol ena categoria Palra populal ena segunda eición el conculsu puesia Ruta de la Plata.
- La Pitera. Consiguió tamién el accesit ena categoria Palra populal tamién ena segunda eición el mesmu certamin.
- El Mendigo. Accesit ena categoria Palra populal ena quarta eición el conculsu puesia Ruta de la Plata.
[eital] Tema, estilu i luenga
Con un estilu chanu relata esperéncias las hentis los campus i los puebrus. Conoci la luenga el puebru i la gasta de suertu en puemas cumu La Pitera. Con tó i con essu, la su luenga es un estremeñu albondu castellanizau, anque precura siguil la línia grabielana nesti espetu. En El Milagro, a la escontra, sigui tema i luenga chamiciana.
[eital] Bibliografia
- García-Plata de Osma, Rafael, Ruta de la Plata. 10 años de poesía en Extremadura, Mairil, ei. Rafael García-Plata Quirós, 1986.
- Martínez Terrón, L., Primera antología de poesía extremeña, Caçris, ei. autol, 2005.
| Literatura n'estremeñu | |
|---|---|
|
Autoris: Juan José Camisón Fernández • Ismael Carmona Garcia • Francisco Durán Domínguez • Antòniu Garríu Correas • Aniceto Garrido Retortillo • Pablo Gonzálvez González • José María Alcón Olivera • José María Gabriel y Galán • Enrique Louzado Moriano Obras: Al tentu la providéncia • La Cohtitución Ehpañola en Ehtremeñu • El corral los mis agüelus • Ebanheliu sigún San Huan • Primera Gramática Ehtremeña • Primera Antología de Poesía Extremeña • El Prencipinu • Pan i verea • Requilorios Webs: Belsana • La billota literária • Cúyu pan esgarras? • EstremaWeb • Güiquipeya • La gurulla • Ogañu |
|
