Wikipedia en estremeñu

Dendi Güiquipeya
(Rederihiu dendi Güiquipeya)
Sartal a: Güiquipeandu, Landeal
Wikipedialogo-ext.png

La Wikipedia en estremeñu, mentá como Güiquipedia, es la versión la ciclopedia libri Wikipedia en lengua estremeña. Güiquipedia s'escrivi de manera colavorativa por mé de voluntarius, premitiendu que los endilguis sean modificaus por qualquiera pressona con acessu por mé dun precuraol web. El proyetu tuvu nacencia el 24 Eneru 2007, fundiá por Angi Ronceru, enque no diva a sel hata el 26 Mayu 2008 quandu el proyetu es muau al su propiu domiñu. En esta web se trata de hazel una ciclopedia en estremeñu.

Características[eital | edit source]

El lema la Güiquipedia es «Si tienis conocencia de la tu coltura, por qué no la tienis de la tu palra?», i poemus descreví-la comu «un girón pa destribuil la conocencia la realidá estremeña ena su propia lengua, ena que tolos estremeñus puean colavoral, tantu ena su destensión, comu en el crecimientu el léssicu estremeñu pa conseguil concencial-mus de qu'avemus derechu de palral en estremeñu».

Essistin tres características essencialis del proyetu Güiquipedia que definin la su función ena Redi:

  • Es una ciclopedia, entendía cumu soporti que premiti arrejuntal i trasmitil la información de horma enhilá.
  • Es un wiki, polo que, con poquinas desquitis, puei sel editá por qualisquiera.
  • Es de conteníu abiertu i gasta la licencia GFDL.

Güiquipedia tien un haci políticas que asseñalan qué enhormación se devi de entral o no. Estas políticas se gastan pa resolvel pobremas al tentu añidición, revisteu, muación o aborramientu d'endilguis.

Edición[eital | edit source]

En Güiquipedia qualquiera pressona puei crial un endilgui nuevu en estremeñu i mesmu quasi que qualquiera vesitanti puei edital el conteníu, quitandu los endilguis que estén tapaus. Esti proyeutu hue criau ena idea de que la colavoración entre usuarius pol amejoramientu dun endilgui por un tiempu produzirá testus de calidá, aspecii de los proyetus de desenroamientu d'apricacionis libris.

Los endilguis volucionan duranti'l tiempu i estu está eno craru en el su estorial d'edicionis. A las vezis, están casus en que pressonas entran ena Güiquipedia a emplastal i dal faterna, produxiendu-si salvaginas i guerras d'edicionis: d'encontral angún artículu en mal estau, pega un apitíu a angunu de los zahorilis.

Políticas[eital | edit source]

  • Por causa de la diversidá i númiru participantis i ideologías, Güiquipedia precura de entagal los sus endilguis de la horma mas apurá que se puea. El ojetivu no es escrevil endilguis dende una almiración, sino presental abiertamenti ca postura a tentu dun tema concretu.
  • Se gastan un númiru convencionis tocantis al nombri los endilguis, optandu preferentimenti pola versión más gastá corrientimenti.
  • Las caravas a tentu del conteníu i edición dun endlrgui se hazin enas páginas carava los endilguis i no enos propius endilguis.
  • Ai un númiru temas que son hondeaus ahuera la Güiquipedia por no sel ciclopédicus sensu stricto. Un suponel: La Güiquipedia no contién definicionis dicionarius (comu verbus, aljetivus, etc.)

Neutralidá de conteníus[eital | edit source]

Es corrienti que angunas pressonas se vaigan ahumás por ideologías políticas, lingüísticas o almiracionis deferentis o que chocan conas sus opinionis. Velaí la razón pola que Güiquipedia ludia, gracias que los gironis por enhiestal una neutralidá en el conocieru.

Ya que es imposibli que la conocencia sea assoluta i neutral, en angunus endilguis devi de dexal-si el ergullu pressonal pa huera i dal passu al proyetu Güiquipedia premitiendu la libertá opinión.

Es emportanti sabel i conocel que naidi es dueñu de endilgui dengunu espuestu ena Güiquipeya.

Pressonal[eital | edit source]

Los colavoraoris la Güiquipedia actúan de continu de horma voluntaria. Ain varias hormas colavoración amás de crial o engrandal endilguis: se puein aprical las convencionis d'estilu establecías p'aquellus endilguis que no las tienin, assitiá-lus por materia, corregil faltas ortografía, hondeal testus con copyright, etc.

Pa colavoral no es mestel regristral-si, enque a los usuarius que no lo hazin se les embilman ciertas acionis, comu votal ena toma decisionis. Angunus colavoraoris tienin la albeliá d'aconllegal angunas operacionis hueraparti, comu el aborramientu d'endilguis, el atarugu páginas i tó essu. Sin embargu, estus usuarius no tienin capacidá de decisión mayol que la de qualquiera otra pressona, i las sus acionis se devin de acistal a las políticas adotás por tola comunidá.

Guipa tamién[eital | edit source]