Gastronomía d'Estremaúra

La gastronomia d'Estremaúra es el conjuntu de pratus i tradicionis culinarias d'Estremaúra. Angunus utoris l'án denominau comu seria, gravi i austera, de pratus pastorilis i camperus. L'apertura de la Via la Plata á hechu que la cozina estremeña s'aya destendiu por otras regionis de la culinaria peninsulal, mentris que al mesmu tiempu la cozina estremeña s'á vistu enfluenciá por otras tradicionis. La essestencia d'albondus monasterius á dau passu a un esplendol culinariu de rezetas que án veniu de las sus cozinas. Estremaúra no tien salia al mari, i los pratus que ofreci son hundamentalmenti cárnicus i compuestus d'ortalizas diversas. Destacan los produtus derivaus del cerdu.