Imiskoumbria

Dendi Güiquipeya

Imiskoumbria (en griegu Ημισκούμπρια [imisˈkubɾia], trescrebiu tamién cumu Imiskoumpria, Hmiskoumpria u Hmiskoumbria) es un populal grupu de hip-hop griegu.

Estória[Edital | Editá'l códigu]

El grupu nació nel 1993, pero el su primel contratu discográficu lo firmarun cona compañia FM Records. En tolos discus ellus mesmus conponin los temas, escrevin las letras i produzin.

El primel discu que grabarun, 30 χρόνια επιτυχίες, hue discu oru nel primel añu la su espubricacion.

El segundu discu, Ο δίσκος που διαφημίζετε, vendió 500.000 cópias nel 1997, añu en que salió a la calli.

Al sotru añu espubrican el famosu cenzillu Η μαγική τσατσάρα i el su tercel discu Στενές επαφές με 3ς τύπους del que namás vendin 30.000 cópias.

Nel 1999 trocan de discográfica i espubrican el quartu CD, entitulau 2030 con Universal Music.

Un añu mas tardinu, sacan Τη Λόλα απ’ τη φωτιά ποιος θα τη βγάλει;, ondi escomiençan sonis con mas basis eletrónicas volucionandu el su antíguu estilu.

Del 2004 i con nueva compañia, esta vezi cona mas enportanti en Grécia, Emi, es el discu Γυναικολογίες.

En Diziembri 2005 Universal/Def Jam espubrica un discu recopilatóriu i un DVD conapellau conos sus vídius mas sonaus.

El su últimu trebaju, Η απλή μέθοδος των τριών, con un son mas comercial i bastanti deferenti a tolo de patrás, es del 2006.

Miembrus[Edital | Editá'l códigu]

  • Δημήτρης Μεντζέλος (Dimítris Mentzélos): MC.
  • Μιθριδάτης (Mithridátis): MC.
  • Πρύτανης (Prýtanis): DJ.

Discografia[Edital | Editá'l códigu]

  • Βρώμιλος (Maqueta).
  • 30 χρόνια επιτυχίες, 1996.
  • Ο δίσκος που διαφημίζετε, 1997.
  • Στενές επαφές με 3ς τύπους, 1998.
  • 2030, 1999.
  • 2000 millenium edition, 2000.
  • Τη Λόλα απ’ τη φωτιά ποιος θα τη βγάλει;, 2001.
  • Γυναικολογίες, 2004.
  • Tha Def Jam yearz + The ultimate DVD, 2005.
  • Η απλή μέθοδος των τριών, 2006.

Atijus[Edital | Editá'l códigu]