Luenga china

Mapa que muestra los deferentis dialeutus chinus.

El chinu (中文, zhōngwén) es una luenga sino-tibetana, oficial en China, Taiwán i Singapul, i palrau en Indonésia i Malásia. En realidá, mas que una luenga es una família de luengas, enque la tradicion cultural china prefieri llamal dialeutus a las sus variedais lingüisticas.

El chinu es la idioma mas palrá en el mundu (mas de 900 millonis de palrantis comu luenga materna). Es unu las seis idiomas oficiails de la ONU.

Dialeutus chinus

Tradicionalmenti, los chinus án llamau dialeutus (方言, fāngyán) a lo que en realidá es una família de luengas mutuamenti ininteligiblis. Se puei dizil que las deferencias entre estos "dialeutos" son parecias a las que puea essestil entre las diversas luengas romancis.

Una clasificacion común de los dialeutos chinus es la siguienti:

• Mndarín (北方話 / 北方话), 836 millonis de palrantis.
• Wú (吳語 / 吴语), 77 millonis
• Cantonés o yuè (粵語 / 粤语), 71 millonis
• Dialeutus mǐn (閩語 / 闽语), 60 millonis
• Jìn (晉語 / 晋语), 45 millonis
• Xiāng o hunanés (湘語 / 湘语), 36 millonis
• Hakka o kèjiā (客家語 / 客家语), 34 millonis
• Gàn (贛語 / 赣语), 31 millonis
• Huī (徽語 / 徽语), 3,2 millonis
• Pínghuà (平話 / 平话), 2 millonis