Mieloidi
El términu mieloidi (mielo- + -oidi) es un adjetivu qu'en el sentíu más ampliu significa "pertenecienti a la médula ósea" o "similar a la médula ósea", y el adjetivu relacionau mielógenu (mielo- + -genu) significa "derivau de la médula ósea". En la hematopoyesis, dambus términus se refierin a células sanguíneas que s'originan d'una célula progenitora pa granulocitus, monocitus, eritrocitus, o plaquetas[1][2] (el progenitor mieloidi común o CMP) y a menú inclusu más específicamenti a la línea del mieloblastu (los mielocitus, monocitus, y los sus tipus hijus); por tantu, manqui töas las células sanguíneas, inclusu los linfocitus, nacin e la médula ósea, las células mieloidis en un sentíu específicu del términu pué distinguilsi las células linfoidis, es izil, linfocitus, los cuális vienin e células progenitoras linfoidis comunis (CLPs) que dan lugar a las células B y las células T.[2] La diferenciación d'estas células (es izil, linfopoyesis) no está completa jata que migran a los órganus linfáticus talis comu'l bazu y el timu pa programalsi por exposición a antígenus. Asín, enti los leucocitus, el términu mieloidi está asociau con el sistema inmuni innatu, en contrasti con linfoidi, que s'asocia con el sistema inmuni adaptativu. Igualmenti, mielógenu normalmenti se refieri a células sanguíneas blancas no linfocíticas,[3] y eritroidi pué usalsi a menú pa distinguil "lo relacionau con eritrocitus" y separaglu del significau pa mieloidi y linfoidi.[4] La paravra mielopoyesis tié sentíus diversus d'un modu paralelu a aquéllus de mieloidi, y mielopoyesis en el sentíu más estrictu es la formación regulá específicamenti de leucocitus mieloidis (mielocitus), permitiendu qu'el significau de mielopoyesis pué distinguilsi de eritropoyesis y linfopoyesis (inclusu manqui töas las células sanguíneas nacin en la médula).
Ai otru significau de mieloide que significa "pertenecienti a la médula espinal", pero es una hartá menus estialu. Mieloidi no debería confundilsi con mielina, refiriéndosi a una capa aislanti que cubri los axonis d'una hartá neuronas.
Los neoplasmas mieloidis siempri conciernin a la médula ósea y están relacionaus con las células hematopoyéticas.
Investigación[Edital | Editá'l códigu]
En la actualidá, las líneas celularis mieloidis s'estilan una hartá en laboratorius d'investigación pola su jerinelda proliferación. En concretu, son mu utilizás pa investigal los mecanismus de señalización celular e la apoptosis.[5]
Véasi tamién[Edital | Editá'l códigu]
Huentis[Edital | Editá'l códigu]
- ↑ Kawamoto H1, Minato N. "Myeloid cells". "The International Journal of Biochemistry & Cell Biology"; 36(8):1374–1379. 2004. PMID 15147715. doi=10.1016/j.biocel.2004.01.020
- ↑ 2,0 2,1 Orkin SH, Zon LI. "Hematopoiesis: an evolving paradigm for stem cell biology". Cell. 132(4):631–644. 2008. url=http://www.cell.com/cell/abstract/S0092-8674(08)00125-6. doi=10.1016/j.cell.2008.01.025. pmc=2628169. pmid=18295580
- ↑ "Definition of Myelogenous". MedicineNet. August 28, 2013. url = https://web.archive.org/web/20190216153111/https://www.medicinenet.com/script/main/art.asp?articlekey=4481
- ↑ Yuan J, Nguyen CK, Liu X, Kanellopoulou C, Muljo SA. "Lin28b reprograms adult bone marrow hematopoietic progenitors to mediate fetal-like lymphopoiesis". Science; 335(6073):1195–1200. 2012. url=http://www.ncbi.nlm.nih.gov/pmc/articles/PMC3471381/. doi=10.1126/science.1216557. pmc=3471381. pmid=22345399
- ↑ González D., Rodríguez, A.B., Pariente, J.A. (2014). "TNFa-induced apoptosis in human myeloid cell lines HL-60 and K562 is dependent of intracellular ROS generation". Molecular and Cellular Biochemistry 390: 281-287.
Atijus[Edital | Editá'l códigu]
En Commons ai conteníu multimedia sobre Mieloidi.
