Nirvana (banda)

Dendi Güiquipeya
Sartal a: Güiquipeandu, Landeal
Messagebox info.svg
Esti endilgui sobri Nirvana (banda) es el númeru 1500 ena Güiquipeya!
Logu de Nirvana.

Nirvana hue una banda estauniensi de grunge, oriunda d'Aberdeen, Washington. Con el déssitu del sencillu "Smells Like Teen Spirit", del álbum Nevermind, Nirvana arcendió enas listas musicalis en tol mundu i enició la esplosion de lo que hata essi momentu era punk underground i rock alternativo ena escena musical mundial, en un movimientu al que los meyus de la época se referirian comu "grunge". Algotras bandas de la escena musical de Seattle como Alice in Chains, Pearl Jam i Soundgarden tamien otuvierun populariá i, comu resultau, el rock alternativu se conviltió en un géneru dominanti ena arradiu i la televisión musical duranti la primera metá de la década de 1990.

Kurt Cobain, lídel de la banda, s'alcontró a sí mesmu referiu enos meyus de comunicacion comu "la vos duna generacion", i a Nirvana como la "banda símbolu" de la "Generación X". Cobain no estava bien cona atencion que tinian i decidió central la atencion del públicu házia la música de la banda, con el su trecel álbum de estúdiu In Utero.

La corta carrera de Nirvana acabijó cona muerti de Cobain en 1994, peru la su populariá puló entovia mas enos añus posterioris. Ochu añus endespues de la muerti de Cobain, "You Know You're Right", un demo nunca terminau que la banda via grabau dos mesis enantis de la muerti de Cobain, estuvu a la cabbeça de las listas d'arrádiu i música de tol mundu. La su música acontina huendu emitia por estacionis d'arrádio de tol mundu.