Nubi
Dendi Güiquipeya
Una nubi es una masa visibri hormá pol cristalis de ñevi u gotas d´áugua asiahás ena amofera. Las nubis dispersan tola lús visibri, razón pola que se ven brancas. Sin embargu, a vezis son tan guresas u densas que la lús nu las puei atravesal, i altonci se ven grisis u negras.
El crasificaeru e nubis d´alcuerdu colas sus caraterísticas visualis previini e la Organiçación Meteorolóhica Mundial i viini arrecohia nel "International Cloud Atlas".
Los nombris oficialis de las deferentis crasis de nubis se dan en latín. Desistin tres hénerus (genera) hundamentalis:
- Cúmulus (Cumulus): nubis d´esarrollu vertical.
- Estratus (Stratus): nubis estratificás.
- Nimbus (Nimbus): nubis escapazis de hormal llúvia.
Los grupus anterioris s´alcuentran en nubis de bahas, meyas u artas, i d´esarrollu vertical, dandu lugal a una crasificación de 9 tipus.
Continius |
[eital] Nubis verticalis Família D
Estas nubis suelin tenel huertis corrientis ascendentis, creciendu muchísimu endi las sus basis i hormándusi a emportantis artituis.
- Cumulonimbus (se asocia con huertis llúvias i nubis de trúbila) (Cb)
- Cumulonimbus incus
- Cumulonimbus calvus
- Cumulonimbus con mammatus
- Cumulus congestus
- Pyrocumulus
[eital] Nubis bahas Família C
A menus de 2 qm
- Stratus (St)
- Nimbostratus (Ns)
- Cumulus humilis (Cu)
- Cumulus mediocris (Cu)
- Stratocumulus (Sc)
- Cumulus
- Cumulonimbus
[eital] Nubis meyas Família B
De 2 a 5 qm
- Nimbostratus
- Altostratus (As)
- Altostratus undulatus
- Altocumulus (Ac)
- Altocumulus undulatus
- Altocumulus caballa
- Altocumulus castellanus
- Altocumulus lenticularis
[eital] Nubis artas Família A
A mas de 5 qm
- Cirrus (Ci)
- Cirrus uncinus
- Cirrus Kelvin-Helmholtz
- Cirrostratus (Cs)
- Cirrocumulus (Cc)
- Pileus
- Destraci d´avión, una dergaísima nubi, esarrollá pol el pasu duna aerunavi a artas artituis.
[eital] Nubis orugráficas
Amás destas desistin deferentis crasis de ñebla i un grupu apalti e nubis hucheau nubi orugráfica, alcuentrándusi:
- - Nubis lenticularis.
- - Nubis de Banner.
[eital] Hormaeru e las nubis
Angunas masas d´airi que horman la amófera terrestri llevan entri los sus componentis senificativas cantiáis d´áugua qu´aconsigun a partil de la evaporáncia el áugua la mari i e la tierra úmea. Arrehuntándusi d´esta horma partículas de polvu u zenizas qu´ai nel airi.
Estas masas d´aire calienti i úmeu tiran a elevalsi cuandu s´atopan con otra masa d´airi friu i secu. Las masas d´airi nu se mesturan entri sí cuandu chocan, están bien enlimitás i tiran a movelsi pa zonas de menol presión amoférica. Al elevalsi las masas d´airi calienti s´espandin al alcuentral menol presión enas arturas, d´alcuerdu cola lei e los gasis idealis, deminuyi tamién la su temperatura. Estu prevoca qu´el áugua que contienin estas masas d´airi se condensi hormandu las nubis.
Cuandu la masa d´aire cáliu i úmeu es horzá a subil mu artu ena troposfera, s´enfria de tal manera que se horman nubis de cristalis de hielu, hucheás cirrus, cirrostratus o cirrocumulus. A menol artitú se horman las nubis de gotas d´áugua, cumu son los artustratus, artucúmulus que heneralemnti acompañan a los frentis cálius, al igual que los stratus de menol artitú.
Los cúmulus, en chambu, acompañan a los frentis frius. Estas nubis tiran a crecel de horma vertical hata chegal a hormal masas d´artura conocias cumu cumulonimbus. Estas nubis de trúbila açonchan nel su enteriol un sistema e tolbellinus, ascendentis nel enteriol, i descendentis al esteriol. Si se dan las condicionis adecuás estus tolbellinus puein chegal hata el suelu en horma e tolnaus. La estática henerá pol el movimientu destus tolbellinus endrentu destas nubis es una posibri causa e las trúbilas elétricas.
[eital] Nubis enus pranetas el Sistema Solal
En pranetas deferentis de la Tierra las nubis puein estal hormás dotro material.
Las nubis de Venus están hechas de gotas d´áciu sulfúricu. Marti posei nubis d´áugua i e diósiu e carbonu. Titán está cubria duna densa ñebla d´idrocarburus la cual açoncha nubis de metanu. Los pranetas higantis Húpitil i Satulnu tiein nubis superioris d´amoníacu i posein nubis entelmeyas d´idrosulfuru d´amoño i nubis prohundas d´áugua. Uranu i Neutunu posein posibrienti nubis prohundas análogas a las hovianas i posein nubis superioris de metanu.
[eital] Clasificaeru e las nubis en estremeñu
Desistin una tupa nombris en estremeñu pa hucheal las nubis, sigún las sus caraterísticas:
- El su nombri mas heneral es nubi u barañu/baraña, gastándusi la parabra nubrau pa referilsi al tiempu amoféricu nel que ai una tupa nubis nel cielu.
- Cuandu una nubi es mu grandi i negra, se la huchea borregón.
- A las nubis que se quean hincás enas cimeras se las huchea açuñaus.
[eital] Atihus
- Atlas de nubis de Houze
- Todo de las nubes: fotos, pintura, meteorología, 200 fotos de nubes reales y pintadas
- Afotus de nubis, dehitalis, galerias de bardi
- Imáhis el satéliti Meteosat
- nubes.org - La Páhina las Nubis
[eital] Referéncias
- International Cloud Atlas pubricau pola World Meteorological Organization, Ginebra, Suiça, 1987.
- Cloud dynamics, R.A. Houze, Academic Press, 1993. ISBN 0123567711.
- Diccionario castellano-estremeñu, Ismael Carmona Garcia.
