Pairi Anhi
Dendi Güiquipeya
El Pairi Anhi o Pateraggelos, tamién conociu comu The Father, es un filólogu dombenitensi. Se trata del primel çahoril la Güiquipeya[1], amás de sel el hundaol de la mesma[2] i, pol tantu, unu los usuárius mas emportantis de la muestra güiqui. Los sus endirguis se centraron ena primel etapa (ena Encubaora), eitandu 676 vedis nel domiñu definitivu (ext.wikipedia.org)[3]. Ogañu está inativu[4].
Continius |
[eital] Via
Ángel Roncero, que assín se llama ena via real, s'enteressó pola muestra palra cuantis que leyó la tradución al estremeñu d'El Prencipinu de Antòniu Garríu Correas[5]. Alogu, comprebó que la su afición era compartia con mas genti cuandu descubrió la bitácora Cúyu pan eharras? de Ismael Carmona. Hue altonci cuando deciyó crial una velsión n'estremeñu la Wikipedia, empençandu la Güiquipeya ena Encubaora la Hundación Wikimedia. Finalmenti la güiqui estremeña hue aprebá el 6 de Marçu de 2008[6]
[eital] Bitácora
Amás de la ativiá comu güiquígrafu, desempeñó las huncionis de almenistraol duna bitácora llamá "Si eris estremeñu, palra estremeñu: Enteracionis i pensaerus del puebru estremeñu", escrebia ena Ortografía del extremeño[7], ondi endirgó angunas traducionis de testus famosus al estremeñu[8] i angunas críticas literárias[9].
[eital] Huentis
- ↑ Güiquipeya:Çahorilis i almenistraoris.
- ↑ elperiodicoextremadura.com: Los padres de la polémica Güiquipeya.
- ↑ http://toolserver.org/~river/cgi-bin/count_edits?user=Pateraggelos&dbname=extwiki_p
- ↑ Special:Contributions/Pateraggelos
- ↑ Hoy.es: La verdadera historia de Güiquipeya.
- ↑ Wikimedia Foundation: Requests for new languages/Wikipedia Extremaduran.
- ↑ palranti.wordpress.com: Bienvenius al mi blog..
- ↑ palranti.wordpress.com: Traucionis.
- ↑ palranti.wordpress.com: Créticas.
