Sierra e Greus

Dendi Güiquipeya
Aldeanueva la Vera ena parti baha la Sierra e Greus.
Laguna grandi nel circu e Greus
Vista el circu e Greus
Cara sul la cimera "Almanzor"

La sierra e Greus es una sierra d'España, pretenecienti al Sistema Central, assitiá entri las províncias d'Ávila, Caçris, Madrí i Toleu. La su máisima artitú s'alcuentra ena província d'Ávila, ena Plaza del Moro Almanzor, a 2.592 m. Greus es la prencipal sierra el Sistema Central i está hormá pol cincu vallis fluvialis: Artu Tormis, Artu Alberchi, Tiétal Oriental, Tiétal Ociental i La Vera, i Valli el Ambrós.

Alreol las sus grandis molis graníticas s'alcuentran cuatru comuniais autónumas: Castilla i Lión, Estremaura, Castilla-La Mancha i Madrí; estendiéndusi d'Esti a Oesti endi San Martín de Valdeiglesias a Hervás, i e Norti a Sul el Valli Amblés al Rosarito.

Cabi destacal la comarca La Vera (Estremaura), assitiá entri Praséncia i Arenas de San Pedro (Castilla i Lión), una comarca con murtitú e gargantas i cimeras.

El prenunciau relievi la Sierra e Greus sirvió e refuhiu a la tribu celta mas meriyonal (los vetonis) i a otrus rebeldis estóricus cumu El Empecinau u los maquis.

Las prencipalis especis animalis son la cabra montés (cabra ispánica), el corçu i la perdís roha.

Clima[Edital | Editá'l códigu]

El graciacismu cuaternariu afetó dun mó emportanti a la sierra e Greus, i el nivel de las ñevis perpetuas descendió hata los 1800 metrus. Las hormacionis fósilis graciaris mas emportantis nacin en Cincu Lagunas i Laguna Grandi. El úrtimu periou gracial, Würm III, acabihó entri el 10.000 i el 9.000 e.C.

La Sierra e Greus está catalogá nel panorama nacional cumu zona d'arta montaña. Es pol ellu polo qu'es mestel estremal las precauciones si se piensa ascendel tantu en ibielnu cumu en vranu. La temperatura a partil de los 2.000 metrus puei varial en ibielnu entri los 0º i los -5º siendu la ñevi, especialmenti a partil el mes de diciembri i hata abril, una costanti sigura si se pretendi aceel a Laguna Grandi u Cincu Lagunas.

Atihus[Edital | Editá'l códigu]