Slendro

Dendi Güiquipeya
Sartal a: Güiquipeandu, Landeal
Canadian Aboriginal Syllabics Example.svg Nesta páhina se gasta una ortografia destinta a la que normalmenti se gasta ena Güiquipeya.

Slendro (llamáu salendro polos sundanesis) es una escala, una las dos escalas (laras) más comunis usás ena música de gamelan, mentris que la otra es la escala pélog. Los sus cincu gráus están más u menus deseparáus en intervalus igualis endrentu la octava.

Afinación[eital | edit source]

D'una zona d'Indonesia a la otra la escala slendro varía bastanti. El grau variación entri los gamelan tamién varía en zona en zona. Pol ejempru, el slendro en Java central varía menus de gamelan a gamelan de lo que varía en Bali, ondi conjuntus del mismu lugal puen estal afináus de jolma mu diferenti.

Cumu ena escala pelog, anque los intervalus varíin entre los gamelan, los intervalus entre notas en una escala sonin espurechus u cuasi pa diferentis istrumentus endrentu el mesmu gamelan. Es común enos gamelan balinesis que los istrumentus se toquin en paris que s'afinan una mijina aparti pa produðil batimientus d'intelferencia qu'ebieran dil a velociá consistenti pa tolos paris de notas en tolos registrus. Se piensa qu'éstu contribúi al soníu agitáu u rejilanti los conjuntus gamelan. Enas cerimonias religiosas que contínin gamelan, estus batimientus d'intelferencia se jaðin pa qu'el oyenti noti una sensación de prejencia divina u cumu passu a un estáu meditativu.

Pa los istrumentus a los que nu les jaðin farta notas fijas (cumu el suling u el rebab) y la vos, otras notas y cromatismus s'insertan ena escala. El musicologu sundanés R. Machjar Angga Kusumadinata identificó 17 tonus vocalis usáus en el slendro. Estus ajustis microtonalis tínin cierta similariá con el śruti de la India

Númiru Escala mayol Frecuencia d'ejempru
1 Do# +10 centéssimass 280Hz
2 Re# +40 centéssimas 318Hz
3 Fa# -20 centéssimas 366Hz
5 Sol# +15 centéssimas 412Hz
6 B -40 centéssimas 483Hz

Nombris de las notas[eital | edit source]

Las notas la escala slendru se puen llamal de jolmas diferentis. Una jolma común es el usíu númirus mentáus ena luenga javanesa, especialmenti en una jolma abreviá. Otra jolma más antiga es usal nombris deriváus de partis del cuerpu. Los dos sistemas tínin los mesmus nombris pal 5 y el 6, y nu s'usa el númiru cuatru. Quiðiás polqu'el cuartu tonu es raru en pelog y nu se usa al modulal entre los sistemas.

Númiru Númiru javanés Nombri traicional
Nombri enteru Abreviáu Nombri enteru Sentíu literal
1 siji ji panunggal cabbeza
2 loro ro gulu cuellu
3 telu lu dada pechu
5 lima ma lima manu (cincu deus)
6 enem nem nem desconocíu

El nombri barang s'usa a veðis pal unu en slendro (es el nombri usual pal 7 en pelog); el tonu la octava antocis es llamáu de barang alit.

Connotacionis[eital | edit source]

Pa los participantis esprimentáus, las escalas pelog y slendro están associás ca una a una impressión particulal, relacioná conos ritualis y circustancias en que la escala s'utiliða. Pol ejempru, en Bali, a la genti le paji qu'el slendro tíni un soníu tristi polque con él s'afina el gamelan angklung, el conjuntu traicional pa cerimonias de cremación.

La connotación tamién dependi del pathet utiliðáu, un conceptu paicíu al occidental de mou. Hay tres pathet nel slendro usáus en gamelan javanés: nem, sanga y manyura. Essi es el ordin en qu'apaecin en una actuación de wayang, que hestóricaenti sólu usaba pathet de slendro.

Origin[eital | edit source]

Nu se conoci el origin la escala slendro. Es similal a escalas usás en música de la India y China, lo mesmu que d'otras arias d'Asia, y puen tenel un origin común. Una escala slendro tamién s'atopa enos conjuntus musicalis filipinus de kulintang. Es difícil de determinal, cuandu no impossibri.

Jata endrentu Indonesia es difícil determinal la evolución las escalas. Pol ejempru, escalas utiliðás en Banyuwangi, ena punta oriental de Java, sonin mu similaris a escalas usás en Jembrana, celquirrinina Bali. Nu hay manera 'e sabbel qué zona enfruyó ena otra, u si las dos evolucionarun juntas.