StepMania

Dendi Güiquipeya
Sartal a: Güiquipeandu, Landeal
StepMania
StepMania 4 Gameplay.png
Nombri estremeñu StepMania
Nombri orihinal StepMania
Esarrollaol Chris Danford
Velsión 4.0
Nacéncia 1-11-2005
Héneru Simulaol
Pratahorma Linux
Mac OS
Microsoft Windows
Licéncia MIT License
Web stepmania.com

StepMania es un vidiuhuegu del tipu simulación ispirau en Dance Dance Revolution. Es software libri i totalmenti de bardi, disponibri pa várius sistemas cumu Linux, Windows u Mac OS X.

Requisitus del sistema[eital | edit source]

Estus requisitus son lo ménimu nesezáriu pa qu'el huegu furruli, lo que nu senifica que seyan suficientis pa qu'el huegu huncioni de la mehol manera posibri.

  • Windows 98/ME/2000/XP, Linux u Mac OS X.
  • Pentium II u superiol, Celeron, Athlon u procesaol compatibri, ménimu de 266 MHz (recomendau 400 MHz).
  • 64 MB de memória.
  • Praca de vídiu con suporti High Color (16 bits) con al menus 16 MB de memória i drivers OpenGL.
  • Praca de son compatibri con DirectX 7.0 i los sus respetivus drivers.

Caraterísticas[eital | edit source]

  • Es igual al Dance Dance Revolution, cola deferéncia e qu'el usuáriu puei enteratual librimenti con el pograma, puyendu añiil cancionis, banners, carátulas, anunciaori... Es 100% acesibri i se puei modifical al gustu ca unu, peru siempri manteniendu el estilu crásicu del su núcleu.
  • Amás de insertal packs con cancionis integrás dendi várias páhinas relacionás con esti software, tamién se puein crial archivus al gustu de unu, sabiendu usal el ficheru prencipal ".sm". Soporta los hormatus musicalis .mp3 .wav .wma i .ogg
  • Gasta gráficus en tres dimensionis i una entrihazi gráfica sencilla.
  • Los nivelis de dificurtá son idénticus al su núcleu Dance Dance Revolution, inque desisti un sestu nivel a eital al gustu de ca unu llamau "Edit".
  • Se puei hazel usiu de destintus dispositivus compatibris: pistas de baili, una especi d'alfombra murticolol ondi mos moveremus pa marcal los pasus del baili.
  • A partil de soportis ocionalis, el StepMania puei soportal otras pratahormas de baili cumu Pump It Up i Techno Motion, entri algotrus.
  • Ogañu esti simulaol está incorporau, pola su gran evolución, al sistema e huegu Online, que premiti hugal nolmalmente peru enteratuandu con henti de várius paisis pol mé un chat integrau nel mesmu pograma, las puntuacionis ahilan a un serviol d'internet, lo cual ordena i muestra el ranking de ca hugaol (ca hugaol ebi tenel una cuenta con un nombri d'usuáriu i consínia pa puel aceel a esti sistema de huegu)
  • Ebiu a la su populariá i orihal manera de incorporal temas al gusto de ca unu, al igual que los "skins" i "announcers", StepMania s'á ganau un gran respetu i fama pola comuniá Dancer, lograndu ohetivus avançaus cumu lleval el própiu simulaol a un Arcade. El proyeutu gasta CVS cumu sistema de control de velsionis.

Atihus[eital | edit source]