Universidá de Burgus

Dendi Güiquipeya
(Rederihiu dendi Univelsiá e Burgus)
Sartal a: Güiquipeandu, Landeal
Patio de Romeros nel Hospital del Rey, sei e la Universidá de Burgus

La Universidá de Burgus es una universidá hundá en 1994 comu escisión la Universidá de Valladolís a partil el campus qu'ésta tinia ena ciá de Burgus.

Centrus[eital | edit source]

La Universiá de Burgus tien 5 centrus propius:

  • Facurtá e Céncias ([1])
  • Facurtá e Céncias Económicas i Impresarialis ([2])
  • Facurtá e Derechu ([3])
  • Facurtá d'Umaniais i Eucáncia ([4])
  • Escuela Politénica Superiol ([5])

Amas, la univelsiá cuenta con otrus 3 centrus ascritus:

  • Escuela Univelsitária d'Enfermeria ([6])
  • Escuela Univelsitária e Relacionis Laboralis ([7])
  • Escuela Univelsitária e Turismu ([8])

Situación[eital | edit source]

La Univelsiá e Burgus tieni los sus centrus assitiaus en dos campus:

  • San Amaro / Hospital del Rey: Al oesti la ciá, ena salia pola antigua carretera N620 a Valladolís. Aquí s'alcuentran el retorau, servicius centralis, bibliuteca, comeol i una tupa resiencias universitárias, assín cumu las facurtais de Céncias, Céncias Económicas i Impresarialis, Derechu, Umaniais i Eucáncia, i el eificiu "La Milanera" (ondi s'alcuentra la Escuela Politénica Superiol, hormá polas escuelas ténicas d'Aparehaoris, Obras Púbricas i Caminus, Canalis i Puertus).
  • Riu Vena / Vigón: Nel centru la ciá, cercana a la salia norti direción Cantábria (Av. Cantabria, anteriolmenti Av. del General Vigón). Sei orihinal la Escuela Politénica Superiol, anteriolmenti Escuela Univelsitária Politénica dependienti e Valladolís, i embrión de la univelsiá atual. Aquí tamién s'alcuentran las dependencias la UNED.
Campus UBU.svg

Hospital del Rey[eital | edit source]

El Hospital del Rey, assitiau unta el Caminu e Santiagu, hue hundau pol Alfonso VIII en 1195. Dependienti el Monasteriu e Santa María la Real de Las Huelgas, costituia un gran centru d'acohia e peregrinus.Unta la su entrá prencipal, la Puerta de Romeros, s'alcuentra la Ermita de San Amaro i el cementeriu ondi s'enterraba a los peregrinus qu'espenaban.

Atualmenti, s'alcuentran assitiaus allí el retorau, la Facurtá e Derechu i la bibliuteca antigua. Nel bellu entornu enhardinau desisti un tableru d'Ahedrés, ondi en vranu s'olganizan ativiais musicalis coincientis colos cursus de vranu e la univelsiá.

Atijus[eital | edit source]