Villamiel

Dendi Güiquipeya
Sartal a: Güiquipeandu, Landeal
Gxermo2.svg Esti endilgui es un encetu
Si te apeta, pueis enlial-ti a trebajal en él, landeandu más información i amejorandu lo escritu.


Villamiel
Flag of Villamiel.svg Escudo villamiel.jpg
País España
Comuniá Autónuma Estremaura
Província Cazris
Asiahamientu 40°10′ N 6°46′ O
Artitú 744 m.
Longol 115 km. a Caçris
Nombri oficial Villamiel
Nombri estremeñu Villamiel
Puebración 758 ab. (INE 2005)
Superfici 73 km²
Densiá 10,38 ab./km²
Hentilíciu Villamelanu

Villamiel es un monicípiu la província e Caçris (Estremaura); holma parti e la Comarca e Sierra e Gata, al noroesti e la província, cerca e la frontera con Castilla i Lión, i con Purtugal. Endrentu el términu municipal s´alcuentra la peania e Trevehu, assitiá nun picu i estratéhicu puntu efensivu coronau pol el castillu el mesmu nombri.

Heugrafia[eital | edit source]

Alreol esta puebración desistin bellus paisahis, con mucha zona verdi, caminus ruralis, carçás romanas...

Assitiau endrentu la Sierra e Gata, posei un territoriu municipal bastanti grandi, con terrenus labraus, tierras pa animalis (cerdus, ovehas, cabras i vacas), abundanti riqueça en cuantu a verduras i frutas curtivás, güen viñeu i abundantis pies d'olivu.

Fiestas localis[eital | edit source]

Las fiestas grandis son las de Santiagu Apóstul, endi el 21 al 25 e huliu. Tamién es fiesta el primel sabau d´agostu, i es la hucheá "Fiesta el Emigranti" cumu omenahi a los emigrantis que se huerun el puebru a Madrí, Cataluña, País Vascu, etc i que güelvin al puebru en vacáncias. Tamién son fiestas emportantis el dia e la Pieá (21 e noviembri) i la Semana Santa se vivi con devoción. Tamién es fiesta grandi el dia e San Pedru Celestinu, patrón de Villamiel, cuya fiesta se celebra el 19 e mayu.

Turismu[eital | edit source]

Ai varias casas ruralis nel municipiu, que acohin vesitantis de tolos puntus d´España i Uropa. Se puei ahilal pol varius caminus romanus i ruralis pa recorrel tola zona circundanti al puebru, i chegal a otrus puebrus de la sierra pol estus caminus cumu se hacía antiguamenti pa lleval lechi, harina, aceiti i algotrus produtus. Ena peania e Trevehu ai restus dun castillu meyeval, asín cumu una aldea e recónditas i esiguas callis, i ermosus parahis. Posei un nuevu polieportivu, piscinas municipalis, bar de hubilaus, cini, praza e torus de cantera, envidia e tola sierra, callis preciosas, la ermita e la Pieá, la ermita e la Soleá, la Elesia e Santa Maria Madalena, la casa el Deán (palaciu antigu) i una tupa baris con rica gastronumia, ricu vinu i güenas hentis...