Ídolu d'Estremaúra

Ídolu d'Estremaúra
Material	Alabastru
Altor	12,75 cm
Profundidá	6,10 cm
Pesu	912 g
Data	III mileniu a. C.
Assitiu	Museu Arqueológicu Nacional de Madrid
Entificación	Inv. 20572

L’ídolu d’Estremaúra es una escultura cilíndrica antropomorfa, que fue esculpía n’Alabastru, nun lugal ensin determinal del Valli del Guadalquivil, n’época del Calcolíticu, ena Península Ibérica, nel Trecel mileniu a. C.

Estória i simbulugía

Nel ídolu están representaus dos grandis ojus de forma circulal, unas cejas marcás con traçus curvus, tres paris de línias curvas que pudrian pertencel nun tatuagi facial, i ena parti superiol i posteriol se topan una seri de línias paralelas hiziendu zig-zag que reprodúcin el pelu, siendu esti ídolu de caraterísticas paricías a otrus qu’an síu topaus ena çona del valli del Guadalquivil i Baxa Andalucía como sponientis del Calcolíticu local i qu’están catalogaus como oxetus de cultu.

La emportáncia otorgá a esta iconografía se reflexa ena su repetición n’otrus elementus dela coltura material, como son las cerámicas simbulúgicas. Las variantis observás enestos ídolus puein respondel a fatories territorialis i, inque se trati de representacionis asexualis, se relacionarun con deviniis femininas o personificacionis dela muerti, drentu de creéncias centrás nel cultu ala fertilidá i vinculás a socieais agrarias. Inque se llama ídolu d’Estremaúra, la su procedéncia más probabri sedríe al Sul del valli del Guadalquivil (Ensin datus pa puel respalal esta afirmación).

Conservación

L’ídolu forma parti dela coleción del Museu Arqueulúgicu Nacional d’España, en Madril, correspundiénduli el númeru d’enventáriu 20572, perteneciéndu ala sposición «Tesorus del Museu Arqueulúgicu Nacional».

Véa-si tamién

• Calcolíticu
• Calcolíticu ena Península Ibérica
• Museu Arqueulúgicu Nacional
• Ídolu
• Cronulogía dela preestória dela Península Ibérica

Atijus p'ahuera

• Ídolu d’Estremaúra. Ceres. Redi degital de colecionis de museus d’España.