Ñuflo de Chaves

Ñuflo de Chaves
Información pressonal
Nacencia	1518 Santa Cruz de la Sierra (España)
Muerti	c. 5 d'otubri de 1568jul. Bolivia
Nacionalidá	Española
Familia
Padre	Álvaro Rodríguez de Escobar "el viejo"
Cónyugi	Elvira de Mendoza
Información prehessional/profissional
Oficiu	Explorador

Ñuflo de Chaves o Ñuflo de Chávis (Santa Cruç de la Sierra, Caçris, 1518 - Bolivia, c. 5 d’abostu de 1568) hue un cunquistador español, fundaol dela ciá de Santa Cruç de la Sierra enu qu’ogañu es Bolivia. Hue iju del hidalgu truhillanu Álvaro de Morales, de lejana estirpi portuguessa, i de María de Sotomayor, ija, a la su vezi, de Diegu García de Chavis. Assin, el apellíu Chavis era maternu. P'aquella época, na d’especial tenia que l'adoptara comu propiu, ya que se tomaba qualquiel apellíu delos ascendientis. Nada más se sabi d’él en España, salvu que el su germanu mayol, fray Diegu de Chavis, dominicu, fue misioneru i confesol de Felipi II. Es mu probabri suponel que, dá la su ascendencia, el moçu Nuflu recibiera una güena eucación en armas i letras.

Nombri

Sorprenin las mu destintas versionis gráficas del su nombri que aparecin en divelsus documentus i en cronistas. Finot (1978, páh. 124) recogi las siguientis: Nufriu, Nunfriu, Nuflu, Nufiu, Nufrus, Ñuflu, Nyofliu, Nunfiu, Nunfu, etc. Se enterpretaban comu omónimus de «Nuñu» i de «Onofri», peru se confrontaran las sus firmas i, ata n’una mesma páhina, aparecin indistintamenti «Nuflu» i «Onofri», no ai, assina, «Nuñu». La tradición oral nel Orienti bolivianu lo cita comu «Nuflu» o «Ñuflu». Los Chavis eran hidalgus. Ena probança hecha en La Plata en 1575, el testihu Pedru de Segura declaró que Chavis era «caballeru ijodalgu, mu conocíu i delos prencipallis dela ciá de Truhillu», mentris Cristóbal Samaniegu dijó que era «caballeru hijodalgu de solar conocíu».

Monumentu de Ñuflo de Chávis en Santa Cruç, España.

Primerus añus de vida

Ñuflo de Chavis tuvu nacencia i creció nel puebru pequeñu español de Santa Cruç de la Sierra', unus 12 km al sul de Truhillu ena rehión de Estremaúra en España. Tenia un germanu mayol llamau Diegu.

Milital

Ñuflo de Chavis se juntó al ejércitu i se hizu a Sulamérica comu cunquistador. En 1544 en Asunción (en el atual Paraguai ) participó ena revuerta contra el gobernador español Álvar Núñez Cabessa de Vaca. Ayudó al nombramientu de Domingu Martínez de Irala comu gobernador i preparó una espedición a Charcas (atual Sucre ). En 1557 planeó una espedición pa cunquistal las tierras de Jarayes, i llegó al atual estau federau brasileñu de Matu Grossu, ondi pensó que atoparía minas d’oru.

En 1561 se movió a la cuenca sul del Amazunas con un grupu de colonus, ondi hundó la ciá de [[Santa Cruç de la Sierra], dándo-li el nombri de la su ciá natal en España. Ñuflo de Chavis s’assentó ena su ciá nueva junta la su família, siendu el primeru uropeu en entroducil cabras i ovejas ena rehión. Murió allí nun conflictu conos endíhenas itatinis en 1568. Unus añus endispués el assitamientu se movió a una posición nueva 220 quilómetrus más al oesti debíu a los constantis conflictus conos nativus.

Legau

Ogañu la Província de Ñuflo de Chávis ena çona norti del Departamentu bolivianu de Santa Cruç porta el su nombri.

Apareci en sellus postalis españolis de 1961 i bolivianus de 1970.

Viasi tamién

• En Commons ai conteníu multimedia sobre Ñuflo de Chaves.