Abderramán II

Abderramán II
Información pressonal
Nacencia	Noviembri de 792 o Diziembri de 792 Toledo (España)
Muerti	22 de setiembri de 852 Córdoba (España)
Familia
Padre	Alhakén I
Información prehessional/profissional
Oficiu	Monarca
Cargus acupaus	Emir de Córdoba (822-852)

Abū l-Mutarraf ‘Abd ar-Rahmān ibn al-Hakam (en árabi: أبو المطرف عبد الرحمن بن الحكم), más conociu como Abderramán II (Toleu, outubri-noviembri de 792 - Córdoba, 22 de setiembi de 852), iju i sucessol de Alhakén I, fue el quartu emil omeya de Emiratu de Córdoba dendi el 25 de mayu de 822 ata la su muerti.

Via

Prencipiu del su reinau

Tenía trenta añus quandu entró nel trunu i, como el su pairi i el su agüelu, tuvu que repremil las pretensionis al trunu del su tíu Abd Allah. Se dio ala faina de reorganiçal alministrativamenti Al-Ándalus. Intentó apresental una imahin de moeración anti los mozárabis i los musulmanis sumetiús ala férula dela aristocracia árabi. Concienti del poel i enfruencia delos alfaquís, mandó derribal el mercau de vinus de Saqunda, cerca dela capital cordobesa, contrariu alos precetus del Corán. Endispués, como concesión al populachu, crucificó al responsabri dela política fiscal del su pairi, un cristianu que las huentis llaman Rabí.

Yemenís, muraditas i posteriol fundaol de Mursiyya

Abderramán II fue el fundaol dela ciá de Murcia.

La pas restabrecía n'España pol emil Abulhata, al sofocal la pelea entre los árabis beledís i sirios nel sigru dantis, no fue durabla. Dichu emil, qu'encetó el su gobiernu miendu a tós por igual, s'enclinó duna vez polos yemenís, en prehudiiciu delos sus rivalis los muradís, dandu lugal a qu'estallassi de nuevu la guerra cevil con tanto o mayol encarnizamientu que dantis. Los primerus, es dezil, los yemenís, avían ruchaú i fihau el su asientu nel Yemen, la parti más frorecienit dela Arábia meriyonal, munchus sigrus dantis dela nuestra era, subyugandu ala raza d'origen inciertu qu'abitava dichu país. Los muradís o caisís eran descendientis de Ismael i abitavan el Hiyaz, ena qual se hallan La Meca i Medina. Dambos dos puebrus o tribus constituyerun, por decirlo assín, la primera matéria del imperio musulmán.

Recién estrenau el emiratu de Abderramán II, estalló una guerra ena Kora de Tudmir, nel sudesti peninsulal, entre los clanis de yemenís i muradíes. La chispa saltó en Lorca, ondi tuvu lugal el conociu combati de al-Musara. La guerra entre yemenís i muradís ya durava sieti añus i la kora fue pacificá pol general omeya ibm Mu’awiya ibn Hisan, i se palra de 3000 rebeldis muertus, encruíu el su comandanti el yemení Abu Samaj.

Las tropas de Abderramán destruyerun tuncis la ciá-refuhu delos rebeldis, Eio, i el Emil decidió traçallal la capital dela kora dendi Orihuela a una ciá de nueva pranta, Madina Mursiya, fundá el domingu 25 de huniu de 825. Múrcia s'arçava sobri una pequeña artura alas orillas del río Segura, col pesqui de pacifical el territoriu, potencial el desenvolvimiento i afiançal l'autoridá emiral. El heleral Chabir fue el primel gobernaol de Múrcia.

El esprendol andalusí

Uropa nel tiempu d'Abderramán II

Abderramán II fomentó las ciencias, las artis, l'agricultura i la endústria. Duranti el su reinau se metió en al-Ándalus el sistema de numeración indo-árabi, llamá de posición, con basi decimal. Encetó, dendi dantis de sel proclamau emil, una biblioteca que llegó a sel abondosa, pa lo qual mandó a pressonas d'alta calificaçón que le trahieran d'Orienti los ejemplaris más enteresantis i de mayol aportación al sabel, encetandu desta horma una güena coleción de librus. Atraxu a Córdoba alos más ilustris sabius dela su época i cultivó personalmenti la poesía. La su brillanti corti estuvu dominá polas figuras del músicu Ziryab, el alfaquí Yahya (un relihiosu intoleranti i ambiciosu), la concubina Tarub (que deseava ruchar el trunu pal su iju Abdalá) i el eunuco Nasr (un muladí).

Abderramán II engrandeció i henchió de riquezas ala ciá de Córdoba, superandu alos emiris dantis nel esprendol dela su corti. Sigún el Memorial de Eulogio:

Estas concisas notícias coincidin colas dás por Ibn Hayyan:

Aumentó considerabri la tributación, i fizo que se llevara un mejol control delos ingresos. Enos sus días tomarun gran volumen las tributacionis (yibayat) devengás en Al-Ándalus, crecierun los ingresos de renta inmobiliaria (haray) i se enstaurarun rahustrus enas chancillerías delas que dependían los impuestos correctus aplicaus ala puebración del país, que vinierun a serví de referencia entre gobernantis i súbditus. La Descrición anónima de al-Ándalus dize de Abderramán II:

La recaudación llegó al millón de dinares, pero el espoliu infligíu alas clasis media i baha pol el travaḥu forçau se despilfarró colos luhus cortessanus i otras estravagancias. Construyó esprendidus eificius aprovechandu los materialis dela época romana qu'espolió por doquier, cola entención de dal realci al su gobiernu:

Mandó Abd al-Rahman l'ampliación dela mezquita alhama de Córdoba, puniendu al frenti delos travaḥus a Nasr i a Masrur, eunucos prencipalis, siendu aspechá la obra por Muhammad ibn Ziyad, cadí de Córdoba. Tamién las mugeris i concubinas de Abderramán construyerun mezquitas las qualis llevan los sus nombris i son conocias por ellus, como la mezquita de Tarub, la de Fahr, la de Achchifa, la de Mut'ah, i otras munchas similaris, i rivalizarun enas güenas obras i enas limosnas en Córdoba i nel su destritu. Abderramán se rodeó de sabius, alfaquís, literaus i poetas áulicos, alos qualis agasajó con esprendidé, en especial alos alfaquís i muftís. A Ziryab, conociu músicu a quien mandó vení de Bagdad, le fizo grandis concesionis i le asignó generosus emolumentos, pues recibió mensualmenti dozientus dinares contantis, i el su nombri venía ena nómina de pagus al intis endispués delos visiris. El emil fizo estensivas alos sus ijus sucessivamenti apetecibris asignacionis, dándolis salarius fihus i concesionis territorialis magníficas, pa que no gravassin al su pairi enos sus emolumentos lo más mínimu, pagándosi a cada unu delos tres, Ubaydallah, Ya'far i Yahya, venti dinares mensualis, amás delas gratificacionis regularis.

Política esteriol

Pa puel mantenel el lujosu estilu de viá dela su corti i repremil el descontentu provocau pol el réhimin despóticu, el emil mantuvo la política melitarista del su pairi, aumentandu el númeru de cuerpus armaus estrangerus, leyalis tan solo ala su pressona, que no se mezclavan cola puebración. Assin mesmu se llevó a cabu una hábil faina de costrución de fortalezas (ribat) que darían origen a puebracionis como Calatrava (Qala'at ar-Ríbat).

Ábate cada añu tuvierun lugal aceifas contra los cristianos e encruisu n'algunu llegaru a desencadenal-si tres. La mayoría se dirihió contra Álava i, especialmenti, Galícia, que era la rehión del Reinu d'Astúrias más vulnerabri. Nostanti, no faltarun tampoco los ataquis contra Osona (Vich), Barcelona, Gerona e encruisu Narbona enas espedicionis delos añus 828, 840 i 850.

En mayu de 843, Musa ibn Musa, xefi dela família delos Banu Qasi, encabezó una ensurreción ena su contra, siendu ayuau ena mesma por García I Íñiguez, rey de Pamplona, col que estava emparentau. Aprastá la sublevación, atacó las tierras de Pamplona, venciendu a García Íñiguez i Musa.

El 11 de noviembri de 844 avió un contihenit pa enfrental-si alos viquingus qu'avían ruchaú i saqueau Sevilla un mes dantis. La batalla campal tuvu lugal enos terrenus de Tablá, con resultau catastróficu palos envasoris, que sufrierun mil bahas; otrus quatrucientos fuerun fechus prisionerus i ehecutaus i unas treinta naves fuerun destruías, siendu los rehenis liberaus. Col tiempu, el reduciu númeru de supervivientis se convirtió al islamismo enstalandu-si como granherus ena çona de Coria del Río, Carmona i Morón de la Frontera. Se dierun nuevas encrursionis normandas enos añus 859, 966 i 971, siendu esti últimu frustrau i la frota viquinga rondamenti aniquilá.

Los mártiris de Córdoba

Con respetu ala puebración hispana, seguía aspechandu alos sus amus musulmanis como déspotas envasoris, sensación acentuá por motivus como la esquizofrenia derivá dela rapidé delas conversionis al islam, matrimonius mixtus, causas económicas como la nueva fiscalidá (la pérdida de basi produtiva), i la pérdida del poel dela relihión cristiana anti los musulmanis. Las presionis pa abandonal el latín i el romanci en pro del árabi se les hizun ensoportabris a esti grupu reduciu de seguidorid de Eulogio de Córdoba. El prubrema mozárabi estalló de nuevu quandu, nel cursu duna conversación, un presbíteru cordobés llamau Perfectu declaró que Mahoma era un falsu profeta, amás d'insultalu. Perfectu fue llevau a presencia del cadí, conenau a muerti i decapitau el 18 d'abril de 850 anti una turba enfervorizá. El cruentu acontecimientu, inque tenía varius precedentis, produhu n'esta ocasión toa una reacción en cadena nel hastiau puebru mozárabi: el conociu episódiu delos Mártires de Córdoba, nel que 48 destacaus cristianos desafiarun deliberadamenti las leyis contra la blasfemia, l'apostasía i el proselitismo cristianu, sabiendu que les esperava la muerti. Nostanti, las presionis i la cruel persecución n'esti períodu provocarun numerosas conversionis al islam.

Pocu dantis de moril en 852, Abderramán logró qu'un concilio de obispus mozárabis, presidiu pol el metropolitano Recafredo de Sevilla, proiviera dendi los púlpitos que los sus fielis realizassin actos similaris nel huturu, sin conenal la conduta delos mártires qu'avían desafiau al poel islámicu. Al no repuyal formalmenti talis actos, siguierun produziendu-si martírios duranti dalgunus añus, ata qu'en 859 se terminó el movimientu.

Política

Encetu del su poel i primeras rehormas

Alcaçaba de Méria, levantá pol Abderramán II.

Abderramán II entró nel trunu omeya de Córdoba nel añu 822, colos trenta añus. El eredó un Estau pacificau pol el su pairi, Alhakén I, peru s'esforçó dendi los primerus días del su reinau por despartal-si del autoritarismu del su pairi. Emprennió una limpia ena guarda rial, metiendu el ohu enos sus miembrus más malvistus, formaus por merzenárius eslavus (saqaliba), i rucha contra la corrupción entre los foncionárius. Mandó tamién derribal el mercau de vinus de Córdoba, asseñalandu la su voluntá de central l'emiratu en prencipius más d'alcuerdu cola ética islámica.

El su reinau se punu bahu el signu dela pas, dela hustícia i dela reafirmación relihiosa. Fizo esculpil nel su sellu: «El siervu del Misericordiosu acohi con satisfación los decritus del su Amo», una confesión de fe contá por Ibn Qutiyah i Al-Maqari en Nafh al-Tib. Con essi pesqui, llevó una política d'allanduramiento fiscal i encetó un gran pograma de costrución relihiosa: se levantaru munchas mezquitas enas prencipalis ciaís del emiratu, como Sevilla, Jaén, o la propia Córdoba, ondi la su gran mezquita fue mu embelecía.

El reinau de Abderramán II, que duró más de tres décadas, se conoció por una gran estabiliá. Los prubremas de drentu fuerun rarus, si no es por un episódiu de revueltas ena rehión de Tudmir, ondi se pelevan los clanis de casta yemení i qaysite. El emil fundó allí la ciá de Múrcia, con una guarnición huerti, que se gorvió duna vez un centru urbanu prósperu. Pa tené el mandu enas províncias, mandó tamién construyir fortalezas en ciaís revoltosas, como Toleu i Mérida.

Desenvolvimientu curtural i mecenalgu

Mecenas i protetol delas artis i las letras, Abderramán II es considerau unu delos soberanus musulmanis más cultus del su tiempu. La su corti, ondi relluzía el poeta i músicu de lau Ziryab, atrahu a munchus sabius i artistas veníus d'Orienti, i se gorvió una delas más famosas d'Europa. Maski estuviera de pelea política col califatu abasí de Bagdá, mandó allí a un mensaheru pal encargu de mercall o copial librus de ciencia traduziús del griegu o del persa. Tamién dio dineru a los astrónomus i médicus, i mostró un gran enterés polos librus rarus, que se golverun unu delos bienis más buscaus en al-Ándalus.

Tratus colos cristianus

Al mesmu tiempu, el su reinau estuvu marcau por una política relihiosa cada vez más dura colas puebracionis cristianas del país. Mandó la apostasía delos ijus cristianos de matrimonius mixtus, lo que trahu consigo conversionis, pol su propia voluntá o a la huerça, al islam, lo que fizo qu'el Ilesia católica s'enfadara, pos proivía essas uniones. Esta política acabó en tensionis que crecían colas comuniáis cristianas i terminó en persecuciones, como se ve ena muerti delos Mártires de Córdoba, como Élodie y Nunilone o el obispu Eulohio. Las autoriáis musulmanas echavan en cara a dellus cristianos que revolvían el ordin púbricu o qu'agredían a relihiosus musulmanis, lo que trahu una represión huerti de Abderramán II i, endispués, del su iju.

L'Emiratu de Córdoba dendi 814 a 850

Incursionis de viquingus

Reconstitución d'una pelea entre los xefis de Al-Ándalus i viquingus. Almería, 2017.

L'esprendol dela civilización andalusí no quitó qu'el emil tuviera qu'apreparal l'ehércitu pa enfrental-si alas entrás de viquingus. Una delas sus frotas atacó Lisboa i robó i quemó Sevilla duranti sieti días: l'ehércitu árabi reaccionó de rabieta i estripó a los viquingus el 11 de noviembri de 844 al sul dela ciá. Pa guardal-si d'otras entrás, mandó construyir torris de guaita, fortalezas i una frota de gerra. Otru asartu de viquingus se tentó nel 859: quierun desembarcal en Galícia, peru fuerun echaus; bordearun la costa ata el Guadalquivir, ondi se toparun con otru ehércitu, pasaru el Estrechu de Gibraltar ata negal a Múrcia, ondi la frota musulmana fundió quarenta naves viquingas.

Avisaú dendi los primerus días dela su llegá, Abderramán II arrebañó duna vez a las sus tropas i llamó a los sus vassallus de toa la península. Los Banu Qasi, poderosos señoris muladís del norti, respondierun a la llamada i baharu dendi los Pirineus pa ayual ena defensa del emiratu. El choque final fue pa los musulmanis: ábate mil viquingus muertus i otros 400 presos i ehecutaus —crucificaus o colgaus delas palmeras del río.

Sigun quentan las huentis, dalgunus viquingus que se queun allí convirtun-se al islam. Se punun a vivil nel valli del Guadalquivir de horma mansa, trabahandu nel campu, i se hizun mentaus polos sus quesus, que les gustavan munchu a los sevillanos.

Sembrança del emil

Ibn Idhari nos deḥó esti retratu de Abderramán II: Prantilla:Cita

Ramón Menéndez Pidal dize dél: Prantilla:Cita

Família i ijus

El emil Abderramán era perdiamenti mujeriegu, i nunca tomava a nenguna que no huessi virhin inque superassi en hermosura i exelencia alas mugeris dela su época, siendu exessivus el su gustu, enclinación i entrega a ellas, assín como el númeru en que las tuvu i la passión de que las fizo ohetu. Tenía varias favoritas entre las sus concubinas, las qualis dominarun el su coraçón i rucharun la su passión. De entre toas ellas, fue a paral el su amol ala llamá Tarub, mairi del su iju Abdallah.

Pa tenellas contentas, les fizo esprendidus regalus. Ala su concubina al-Shifá (Salú) le regaló un valiosíssimu colla de perlas llamau el Dragón, antañu propiedá de Zobeida, la muger de Harún al-Rashid, qu'avía mercau por diez mil dinares, cosa que pareció exessiva a unu delos sus visiris más allegaus.

La ábate proverbiabri capacidá amatoria de Abderramán II tuvu como resultau una amplia proli, que las huentis cifran con almiración ena estraordinaria quantidá de 87 ijus, 45 dellus varonis. Le sucedierun Mohamed I.

Bibliografía

• Aldana García, María Jesús. Análisis narrativo del Memorialis sanctorum de Eulogio. Universidad de Córdoba, Córdoba, 1998. Prantilla:ISBN
• Anónimo. Una descripción anónima de al-Andalus. Madrid, CSIC, 1983 (Ed. y trad., con introducción, notas e índices por Luis Molina).
• Ibn Hayyan de Córdoba. Almuqtabis II-1 (Crónica de los emires Alhakén I y Abderramán II entre los años 796 y 847). Zaragoza, Instituto de Estudios Islámicos y del Próximo Oriente, 2001 (Trad., notas e índices de Mahmud ali Makki y Federico Corriente).