Agatha Christie

Agatha Christie
Agatha Christie en 1964
Información pressonal
Nombri de nacencia	Agatha Mary Clarissa Miller
Nombre en inglés	Dame Agatha Mary Clarissa Christie, Lady Mallowan, DBE
Moti	Duchess of Death, Mistress of Mystery y Queen of Crime
Nacencia	15 de setiembri de 1890 Ashfield (Réinu Uniu)
Muerti	12 de heneru de 1976 Winterbrook (Réinu Uniu) o Wallingford (Réinu Uniu)
Sepoltura	Cholsey
Nacionalidá	Británica (desde 1927, hasta 1927)
Lengua materna	Ingrés
Familia
Pairis	Frederick Alvah Miller Clarisa Margaret Boehmer
Cónyugi	Archibald Christie (1914-1928) Max Mallowan (1930-1976, desde 1930)
Educación
Educau en	Educación privada
Información prehessional/profissional
Oficiu	Escrevienti, novelista, guionista, dramaturgo, prosista, autobiógrafo, poeta, dramaturgo y escritor de ficción de detectives
Ária	Novela policíaca, literatura de detectives, escritura, actividad literaria y Voluntary Aid Detachment
Añus ativu	1920-1976
Movimientu	Edad de oro de la ficción detectivesca
Seudónimu	Mary Westmacott
Génerus	Autobiografía, ficción de detectives, ficción de aventuras y literatura policíaca
Sitiu web	agathachristie.com
Correúra deportiva
Deporti	Surf
Destincionis	Miembro de la Real Sociedad de Literatura Premio Edgar Grand Master (1955) Comendador de la Orden del Imperio británico (1956) Dama comendadora de la Orden del Imperio británico (1971) Premio Anthony (2000)
Hirma

Agatha Mary Clarissa Miller (Torquay, Devon, 15 de setiembri de 1890-Wallingford, Oxfordshire, 12 de jeneru de 1976), conocía como Agatha Christie, fue una escreviora i dramaturga británica especializá nel géneru policial, pol cuyiu trabaju consiguió reconocencia a nivel enternacional. Al longu dela su carrera, espubricó 66 novelas policialis, 6 novelas rosas i 14 cuentus —col seudónimu de Mary Westmacott—, amás de boticar como autora teatral en obras como La ratera u Testigu de cargu.

Tuvu nacencia nuna familia de clase media alta, recibió una educación privá ata la su adolescencia i estudió en diversus institutus de París. Mentris trabajaba como enfermera duranti la Primera Guerra Mundial, escribió la su primera novela, El misteriosu casu de Styles (1920), dondi entroduju pol primera vezi al presonaji del ditectivi Hércules Poirot. Otras criacionis fuerun Miss Marple i Tommy i Tuppence Beresford.

En 1914, casó-si con Archibald Christie, de quien se divorció en 1928. En 1926, afectá puna supuesta depresión, desapaeció misteriosamenti endispués de qu'el su cochi apaeciera abandonau al cantu dela carretera. Fue topá onzi días mas tardi cun possibri cuadru de amnésia nun hotel ondi s'abía registrau col nobri d'una amanti del su maríu. En 1930, se casó col arqueólogu Max Mallowan, a quien acompañó largas temporás enos sus viajis a Irak i Siria. Las sus estancias inspirun varias delas sus novelas posterioris como Asesinatu en Mesopotamia (1936), Muerti nel Nilu (1936) i Cita cola muerti (1938), muchas delas qualis fuerun adatás en teatru i cini con una gran acetación. En 1971, fue desiná Dama Comendaora dela Ordin del Empériu Británicu pola reina Isabel II. Falleció pol causas naturalis en 1976.

Con entri dos i quatru mil millonis de cópias delas sus obras vendías, es considerá la novelista qu'en jamas tién vendíu mas obras de tolos tiempus, i, unta William Shakespeare, la primera u segunda autora en hazel-lo (inque col dobri d'obras). Sigún el Index Translationum, es l'autora endividual mas traucía, con edicionis en a lo menus 103 idiomas. En 2013, la su obra El asesinatu de Roger Ackroyd fue elegía como la mejor novela de criminalis de tolos tiempus pol 600 biembrus dela Asociación d'Escritoris de Criminalis.

Biografía

Primeros añus

Agatha Christie ena su niñezi

Agatha Mary Clarissa Miller tuvu nacencia el 15 de setiembri de 1890 nel senu d'una familia de clase media alta en Torquay, Devon, al suduesti de Ingalaterra. La su mairi, Clara Boehmer, originária de Belfast, nació en 1854 como la única ija del capitán Frederick Boehmer i Mary Ann West, matrimoniu que tuvu amás quatru varonis, unu delos qualis murió jovin. El capitán Boehmer falleció nun acidenti de equitación duranti una estancia en Jersey en abril de 1863, pol lo que Mary Ann tuvu que crial alos sus ijus en soledá. A causa dela su mala situación financiera, punviaba ala su ija Clara a bivil a Sussex Ocidental cola su tía Margaret Miller, casá dendi 1863 cun estau-unidensi millonariu, Nathaniel Frary Miller. Allí conoció al su huturu maríu, Frederick Alvah Miller, un agenti de bolsa estau-unidensi i iju del su padrastru. El señol Miller era considerau agrababri i amabri polos sus alreoris i plontu desenvolvió una relación amorosa con Clara, cola que se casó en abril de 1878. El matrimoniu tuvu tres ijus, Agatha Mary Clarissa, Margaret «Madge» Frary (1879-1950) i Louis «Monty» Montant Miller (1880-1929). Agatha nació nuna villa de Torquay llamá «Ashfield», alquiría pola su mairi.

Christie señaló ena su adultez qu'el su niñezi fue «mu feliz» i se había criau rodeá de mugeris huertis i endependentis. La su vida alternaba entri la su casa de Devonshire i las morás dela su agüela i tías en Ealing, West End i algunas partis del sul de Uropa, dondi la su familia pasaba las vacacionis d'invielnu. Nominalmenti cristiana, fue criá nun ogal de creéncias esotéricas i, al igual que los sus hermanos, creía qu'el su mairi Clara era una psíquica con percepcionis estrasensorialis. Los sus pairis ensistirun en qu'el su ija recibiera una educación nel ogal i se encargarun d'enseñal-li a leyel, escribil i resolvel operacionis aritméticas básicas, inque el su mairi creía que los niñus no debían aprendel a leyel ata la edá de ochu añus, Agatha aprendió alos quatru. Tamién fue ensitruía alreol dela música i aprendió a tocar esturmentus como la guitarra i la mandolina.

Fue una lictora vorá dendi una edá temprana i entri los sus librus preferíus se hallaban los enfantis escritus pola señora Molesworth, talis como The Adventures of Herr Baby (1881), Christmas Tree Land (1897) i The Magic Nuts (1898). Tamién leyó la obra de Edith Nesbit, especialmenti títulus como The Story of the Treasure Seekers (1899), The Phoenix and the Carpet (1903) i The Railway Children (1906). Al crecel, pasó a leyel velsus surrealistas de Edward Lear i Lewis Carroll. Inque pasaba munchu tiempu colas sus mascotas, gran parti dela su niñezi transcurrió en soledá i apartá d'otrus niñus. A pesar de dessu, Christie runchió a relacional-si con un grupu de niñas en Torquay i señaló que «unu delos mejoris momentus dela mi dessisténcia» fue la su apaición nuna produción operística juvenil de Gilbert i Sullivan, The Yeomen of the Guard, ena qu'enterpretó ala eroína, Fairfax, ena compañía delas otras jovinis.

El su pairi enfermaba a menú i sufrió una seri d'ataquis al coraçón ata que murió en noviembri de 1901 ala edá de 55 añus. La su muerti dejó ala familia esbaratá i cun huturu económicu inciertu. Unta la su mairi acontinuó biviendo ena su casa de Torquay, mentris que Madge se traslaó a Cheadle Hall col su nuevo maríu i Monty se apuntó nel ejércitu pa luegu sel enviáu a Sudáfrica, dondi runchió ena Guerra delos Bóeres. Agatha deciaró mas tardi qu'el muerti del su pairi, que se produjo quandu contaba con onzi añus, marcó el fin dela su niñezi. En 1902, encomençó a recebil una educación holmal ena Escuela de Niñas dela Señorita Guyer en Torquay peru topó dificultáis pa dital-si al régimen desciplináriu. En 1905, fue traslaá a París, dondi estudió en tres escuelas, Mademoiselle Cabernet, Les Marroniers i la dela señorita Dryden.

Escomiençus ena literatura i Primera Guerra Mundial

Christie en 1910

Al golvel ala su ciá en 1910, destapó qu'el su mairi estaba malina i dambas dos deciidierun passal tiempu juntas ena çona mas calienti de El Cairo, de mó que se aposentarun duranti tres mesis nel Gezirah Palace Hotel. Fue allí dondi visitó monumentus egícius antiguus como la Gran Pirámide de Guiza, peru no mostró enterés nessi momentu pola arqueología i egiptología, que llegarun a sel un aspetu rilevanti ena su obra añus mas tardi. De güelta al Reinu Uníu, acontinuó colas sus actividáis socialis, la escritura i la realización de teatru pa aficionaus, e enclusu colaboró duranti la produción d'una obra, The Blue Beard of Unhappiness, con un grupu d'amigas. Algunas delas sus primeras obras salierun ala lús peru Christie deciidió no enfocal-si nesta faina como un huturu profesional. Mentris se receperaba ena cama d’una malura, escribió el su primer cuentu, The House of Beauty, que consistíe n’alreol de 6000 parabras sobri el mundu de «la locura i los sueñus». La biógrafa Janet Morgan comentó mas tardi qu’a pesar de «marrus d’estilu», la estoria fue «convincenti». La mayuría delos sus relatus posterioris, n’especial The Call of Wings i The Little Lonely God, ilustrarun el su enterés pol espiritismu i lo paranolmal. Varias espubricacionis refusarun las sus primeras presentaciones escritas inque algunas fuerun reversionás i tirás mas tardi con nues títulus.

Acontinandu, Christie editó nel Cairu la su primera novela, Snow Upon the Desert, basá enas sus recientis esperiéncias n’essa ciá. Nostanti, se topó perturbá endispués de que varias editorialis se negaran a espubrical-la. Clara le sugirió que puyera conseju a un amigu dela familia, el escritol Eden Philpotts, quien la alentó a qu’acontinara cola su obra i le unvió una entroducción al su agenti literáriu, Hughes Massie. Nostanti, Massie tamién refusó Snow Upon the Desert i sugirió la preparación d’una segunda novela.

Ena pesqui d’un maríu, tuvu brevis relacionis infutuosas con quatru ombris separaus ata que conoció a Archibald «Archie» Christie (1889-1962) —aviaol dela Royal Flying Corps— nun baile ofrecíu pol matrimoniu Clifford en Chudleigh, a 19 km de Torquay. Archie había nacíu ena Índia como iju d’un juez cevil. Dambos dos se enamorarun rápidamenti i, al enteral-si de que sedríe destinau a Farnborough, Archie le propusu matrimoniu i Agatha acetó la propuesta. En 1914, col estallíu dela Primera Guerra Mundial, el su maríu fue unviáu a Fráncia pa runchir contra las huerças alemanas. Agatha tamién colaboró duranti la guerra i entró ala Voluntary Aid Detachment (VAD), dondi atendió a soldaus heríus nel Espital de Torquay. Ena su actuación como enfermera, profesión ala que definió como «unu delos trabajus mas gratificantis que qualquira pueda tenel», dedicó 3400 horas de trabaju no remunerau entri outubri de 1914 i diciembri de 1916, mentris que como dispensaora espitalaria pola Crú Roja, consiguió £16 añualis ata el acabu del su servíciu en setiembri de 1918. El su trabaju allí tuvu cierta enfruéncia ena su obra, ya que munchus delos asesinatus que relató se llevarun a cabu con venenus. Finalmenti, Archie fue unviáu de regresu al Reinu Uníu en setiembri de 1918 como coronel nel Menistériu d'Airi i dambos dos se instalarun nun departamentu nel númeru 5 de Northwick Terrace al noroesti de Londris.

Primerus romancis

Endispués de leyel La dama de brancu i La piedra lunal de Wilkie Collins assina como las primeras estórias de Sherlock Holmes de Arthur Conan Doyle, Christie se muó en seguidora delos relatus detectivecus. Fue assina como en 1920 escribió la su primera novela policíaca, El misteriosu casu de Styles, dondi presentó al detectivi Hércules Poirot retratau como un exoficial dela policía belga que se había refugiaú nel Reinu Uníu endispués dela invasión alemana en Bélgica, conocíu polos sus «magníficus bigotis» i la su cabeça en holma d’huevu. Christie fue enfruenciá pola criación del presonaji polos refugiaus belgas asentaus en Torquay.

La novela no fue acetá pol seis empresas d’editorialis, entri ellas Hodder and Stoughton i Methuen. Nostanti, John Lane en The Bodley Head analizó la puyida duranti varius mesis i luegu se ofreció a espubrical-la si Christie moificaba el acabu. Endispués de acetal el recursu, firmó un contratu que mas tardi sintió como abusivu i 2000 cópias fuerun vendías. Sigún The Times Literary Supplement, «el únicu marru que tién esta estoria es qu'es ábate masiáu engeniosa... Se dici qu'es el primer libru dela autora i... una estoria de detectivis ena qu’el lictol no sedríe escapás de topar al criminal». N'abostu de 1919, tuvu la su ija Rosalind en Ashfield, dondi el matrimoniu passaba gran parti del su tiempu. Archie salió dela Fuerça Aérea acia el acabu dela guerra i encomençó a trabajal nel sistema financieru de Londris con un saláriu relativamenti baju.

La segunda novela de Christie, El misteriosu señol Brown (1922), espubricá pol The Bodley Head, contó con una nueva pareja de detectivis, Tommy i Tuppence Beresford. Una tercera novela, Asesinatu nel campu de golf (1923), tuvu otra vezi a Poirot como protagonista al igual que los cuentus encargaus pol Bruce Ingram, diretul dela revista Sketch. The Times Literary Supplement comparó los métous de detección de Poirot colos de Sherlock Holmes i terminó de güena holma que el libru «ofreci al lictol un misteriu apasionanti de tipu pocu común». Pola su parti, The New York Times Book Review señaló que «aquí ai una mu güena estoria de detectivis que puei sel mui recomendá alos que les gusta essu tipu de fición». El matrimoniu dejó ala su ija Rosalind cola mairi i la hermana de Agatha pa luegu viajal pol Sudáfrica, Austrália, Nueva Zelanda i Hawái col pesqui de promocional la Exhibición del Empériu Británicu. En Waikiki se muarun n'algunus delos primerus británicus en pratical el surfeo.

Desapaición

Artículu de periódicu anunciandu l'apaición de Christie

Acabus de 1926, Archie reveló que estaba enamorau d'otra mujel, Nancy Neele, i puyó el divorciu. El 3 de diciembri de 1926, Christie i Archibald mantuvun una bresca i él empendoló la su morá de Berkshire pa passal el fin de semana cola su amanti en Surrey. Essa mesma nuechi, alreol delas 21.45 GMT, Christie desapaeció endispués de dejá-li una carta ala su secretária dondi unformaba que sedríe en Yorkshire.

El su automóvil, un Morris Cowley, fue topau mas tardi en Newlands Corner al cantu d’un lagu cercanu a Guildford, unta prendas de ropa i un pelmisu de conducil caducau. El fechu traxu una gran conmoción entri los sus seguidores i llamó el enterés dela prensa púbrica. El menistru de Interiol, William Joynson-Hicks, apretó ala policía i un periódicu ofreció 100 libras como recompensa. Mas de mil agentis de policía, 15 000 voluntárius i varius avionis investigarun la çona rural. Enclusu Sir Arthur Conan Doyle le unvió unu delos guantis de Christie a un médium pa que runchira a percebil-la, i Dorothy L. Sayers visitó la casa de Surrey, que dimpués se volvió el escenáriu del su libru Unnatural Death.

La desaparición de Christie apaició ena portá de The New York Times, i nostanti la cerquina intensa no fue topá de sino ata onzi días endispués del fechu. El 14 de diziembri de 1926 fue identifical como una uéspedi del Swan Hydropathic Hotel en Harrogate, ondi feguró rustrí d'alcuerdu con Teresa Neele —l'apellíu dela amanti del su mariu— de Ciá del Cabu. Christie no supu pol qué estava ellí i tampoco fue escapás de reconocel al su mariu quandu esti llegó al su encuentru, pol lo que devió recibil un tratamientu psiquiátricu en Harley Street.

Christie nunca dio desplicacionis con respetu ala su desaparición. Inque dos méicus pol estonci le diagnosticaron fuga psicogénica, l'opinión en ralu alas razonis dela su desaparición acontina deviía. Una delas velsionis indica qu’abríe sufriu una crisis nerviosa ocasioná pola su propensión ala depresión, agravá pola muerti dela su mairi a prencepius d'añu i l'enfidelidá del su mariu. La reación púbrica fue prencipalmenti negativa ya qu’abondus creyerun qu’avía fingiu la su desaparición como truquinu pubricitariu o pa hazelli creyel ala policia qu’el su esposo l’avía matau.

L'autol Jared Cage entrevistó a varius testimonius i familiaris dela escritora pal su libru biográficu, Agatha Christie and the Eleven Missing Days, i abondus d'ellus sugirierun qu'esta llevó a cabu la su desaparición a posta pa avergonçal a Archibald sin imaginal la notoriidá púbrica qu’alcançarie el fechu. La película de Michael Apted de 1979, Agatha, protagonizá pol Vanessa Redgrave, Dustin Hoffman i Timothy Dalton, recreó a una Christie apreparandu el su suicidiu pa culpabil ala amanti del su mariu pol «assassinatu». Endispués, un periodista estaunidensi, enterpretau pol Hoffman, la sigui de cerca i apara el su prani.

Los Christie se divorciarun en 1928, Archie se casó al pocu tiempu con Nancy Neele i Agatha recibió la custodia dela su ija Rosalind. Duranti el su matrimoniu pubricó seis novelas, una coleción d'estorias cortas i una seri de cuentus en revistas. Mairi e ija se mudarun alas Islas Canarias, ondi acabó de redatal El misterio del tren azul. Alos acabis de 1928, escribió la su primera novela baxu el seudónimu de Mary Westmacott, El pan del gigante, que no preteneci al géneru de ditectivis sino qu’es una obra de fición sobri un mannequin obligau a labural pol razonis financieris.

Éssitu inicial i segundu matrimoniu

Residencia de Christie de Greenway

El su primer gran éssitu llegó cola pubricación de El asesinato de Roger Ackroyd en 1926. La novela, dela qual se vendierun 5000 copias ena primera tirá, recibió abondas opinionis i crió un polvoreu pola horma en que muia las reglas traicionalis dela novela de policia.

En 1928, la pubricación de El misterio de Sittaford produxu una notabri cantidá de críticas. El Times Literary Supplement tuvu una postura positiva i señaló, ena su edición del 3 de mayu de 1928, que «el letol no se sentirié decepcionau quandu el fustrigau belga, pol motivus psicológicus, se niegui a sospechar del mariu deteníu i feguri pola sugerencia d’una muchacha fea que de continu se mofa dela su mairi asurda, construye deduccionis ábate dendi l'airi, las sostriba con una amplia variidá de prueva negativa [...]». Robert Barnard dixu qu’es «l'estoria que menus le gusta a Christie, pola qual ella runchó con el antis i endispués dela desaparición. El contestu enternacional hazi una letura variá güena peru ai [...] algunas enfruencias malas delos thrillers». La trama de El misterio de Sittaford indica qu’Emily Trefusis lleva a cabu una seri de buscas endispués del asombrosu assassinatu del amo Joseph Trevelyan mentris algunas delas sus inquilinas se comunican colos espíritus.

Convencía duranti una cena, Christie partió pa Bagdad i de dendi ellí viajó ala çona arqueológica de Ur, ondi hizu amistá colos directoris d’una escavación, Leonard i Katharine Wooley. Fue envitá de nuevu al añu siguienti i conoció al arqueólogu Max Mallowan (1904-1978), a quien definió como un «onbri delgáu, morenu, jovi i mu sosegau». Tras un brevi noviazgu, contrajerun matrimoniu en setiembri de 1930 ena isla de Skye i hizun la su luna de miel alreol de Italia, Yugoslavia i Grecia. El su matrimoniu, a diferencia del dantis, fue granau i duró ata la muerti dela escritora en 1976. Dambos dos solían passal los vranus en Ashfield con Rosalind, la Navidá cola familia del ermanu de Mallowan en Abney Hall, los acabis d'otoñu laburandu en escavacionis arqueológicas —prencipalmenti en Siria i Irak— i el restu del añu en Londris i la su casa de campu en Wallingford, Oxfordshire.

Los sus viais con Mallowan tuvun una emportanti enfruencia sobri varias delas sus novelas asitiás nel Mediu Orienti. Endispués d'una estancancia en Turquía i Bagdad, el su pessonaji Miss Marple tomó pesqui ena su novela Muerte en la vicaría, representá nel Teatru dela Embaxá en West End, Londres. Otras obras —como Y no quedó ninguno— passan alreol de Torquay, ondi se crió. La su novela de 1934, Asesinato en el Orient Express, fue escrita nel Hotel Pera Palace de Estambul, frágüi que mantén entera l'habitación ena que se quedó Christie como un agraecimiento ala autora. La su propiedá en Greenway, Devon, ganá pola pareja como residencia de vranéu en 1938, s'alcuentra ena atualidá baxu cuidáu del National Trust. Christie vesitava a menudu la residencia del su cuñáu James Watts en Abney Hall.

Segunda Guerra Mundial

Duranti la Segunda Guerra Mundial, mentris el su mariu consiguió un laburu en El Cairo, Christie se desempeñó ena botica del University College de Londris, ondi deprendió más conocimientus sobri los verenuis que se sumarun alos qu’avía arrecogiu duranti el su laburu nel dispensariu. Los sus estuyus sobri químicos a menudu se vierun Helmutaus enas sus estorias pubricás enos añus de posguerra. El jefi boticariu Harold Davis, endispués traslau al Ministeriu de Salú del Reinu Uníu, l’enformó sobri el gastu del taliu como verenu i en El misterio de Pale Horse, pubricá en 1961, Christie se sirvió d’essu pal métodu d’ejecución delas vítimas, al que sumó señas como la cáida del pelu. La su descrición dela intoxicación con taliu fue tan esacta que curiosamenti ayudó a resolvel un casu médicu que resultó raru palos especialistas.

Alreol de 1941 i 1942, fue investigá pola ajencia d'entelijencia británica MI5 endispués de destapal que El misterio de Sans Souci relatava una estoria rajá ena cacera de dos delos prencipalis ajentis d'espionaji secretus de Adolf Hitler nel Reinu Uníu. Unu delos sus pessonajis, Major Bletchley, es apresentau como un exoficial del Ejércitu Indiu que diz conocel los secretus delos esfuerçus de guerra del Reinu Uníu. Los miedus dela ajencia MI5 de que Christie supiera delos pranis de Hitler fuerun tan grandis que decidierun investigal los sus contaotus, especialmenti al criptógrafo Dilly Knox, pol la sospecha de que los conocimientus dela escritora sobri l'asuntu vinían d'él. Los rejarius se dissiparun quandu Christie le confesó a Knox que Major Bletchley era namás el nombri de «unu delos mis pessonajis menus adorablis». Christie quedó asombrá al notal que la pubricación del libru en Estaus Unius se tardó ata la unión de dessi país colos aliaus nel polvoreu bélicu. El tiempu de guerra fue el momentu de mayol prestigiu dela carrera de Christie. Algunas delas sus obras más destacás duranti essa época fuerun Cinco cerditos, Diez negritos, El caso de los anónimos, Un cadáver en la biblioteca i Maldad bajo el sol. Diez negritos es la novela de misteriu más vendía dela estoria i es considerá unu delos libros más vendíus de tolos tiempus.

Vida posterior i muerti

Tumba de Christie

Alos acabis de 1946, el gastu del su seudónimu, Mary Westmacott, fue seriamenti cuestionau pun revisol de Lejos de ti esta primavera, lo que crió el descalientu dela autora, qu’avía goçau dela libertá d'escrebil sin la presión de sel Agatha Christie. Al encetu dela década de 1950, Christie amenorgó el su ritmo de vida i escribió con menol asiduidá, inque dedicó gran parti del su tiempu a produccionis teatralis. El su mayol éssitu teatral, La ratonera (1952), cumplió treinta añus de representacionis en 1982 nel Teatru St. Martin de West End i alcançó 12 483 escenificacionis. Pa essu, la obra avía síu vista namás en Londris pol más de cincu millonis de pressonas, lo que supuso la venta de 252 toneladas de programas. Nostanti, tamién fue apresentá nuna notabri cantidá de ciauninus británicas i de 41 paísis.

En 1955, se hundó Agatha Christie Limited col fin de guardal los derechus dela mayoría delas sus pubricacionis. L'organización recibió críticas negativas ya que salierun dudas con respetu al su pesqui i la conveniencia de qu’una autora tuviera de menester d’una empresa pa cuidahl los sus enteresis comercialis. En 1968, Booker Books, una subsidiaria del conglomeráu agroindustrial Booker-McConnell, ganó el 51 % delas acionis inque más tardi l'empresa amentó el porcentaji al 64 %. En 1998, Brooker vendió las sus acionis a Chorion, una empresa que la su cartera encluyi las propiedais literarias de Enid Blyton i Dennis Wheatley.

Christie fue honrá polas sus obras literarias quandu en 1950 al convertil-si en biembru dela Royal Society of Literature. Amás, recibió el primer Grand Master Award concedíu pola Asociación d'Escritoris de Misteriu un lustru más tardi. Fue nombrá Comendaora dela Ordin del Imperiu Británicu en 1956, un añu antis de convertil-si en presidenta del Detection Club. En 1961, recibió el doutoráu honorariu dela Nuversidá de Exeter i en 1971, la reina Isabel II la promovió a Dama Comendaora.

Dendi 1971 a 1974, la salú de Christie se malogró bastanti inque acontinó laburandu. La su última apaición púbrica aconteció en 1974, quandu asistió al estrenu dela velsión cinematográfica de Asesinato en el Orient Express protagonizá pol Albert Finney. L'última estoria con Poirot, Telón, fue pubricá en diziembri de 1975, mentris qu’el últimu libru con Miss Marple, Un crimen dormido, fue lançau en otubri de 1976; dambos dos fuerun redataus enos añus de 1940. En eneru de 1976, Christie sufrió un huerti estau gripal i, anti el debilitauru del su estau físicu, dio los derechus d'autol de La ratonera al su nietu. Algunos investigaoris canadiensis manifestarun la su opinión de que puu vel sufriu mal de Alzheimer o demencia senil enos sus últimus añus con basi en estuyus realizaous.

Christie murió de causas naturalis el 12 de eneru de 1976 alos 85 añus, ena su residencia Winterbrook House de Wallingford, Oxfordshire. Los sus restos fuerun aterradus nel cementeriu dela ilesia parroquial de Santa María en Cholsey. Endispués de enviual, el su mariu contraju matrimoniu cola su colega Barbara Hastings Parker, murió ábate dos añus endispués, en 1978, i fue aterrau al lau de Christie. L'única ija de Christie, Rosalind Margaret Hicks, murió el 28 de otubri de 2004 ala mesma edá i delas mesmas causas que la su mairi. El su nietu, Mathew Prichard, nacíu en 1943, heredó los derechus d'algunas obras dela su agüela i es el presidenti de Agatha Christie Limited.

Producción literaria

La su habitación nel Hotel Pera Palace, ondi redató Asesinato en el Orient Express.

Christie pubricó 66 novelas de policia amás de obras de teatru, seis novelas románticas, estorias cortas, dos autobiografías, dos libros de poesía i un libru infantil.

La su obra de teatru La ratonera es el espetáculu de más larga duración nel mundu. Se estrenó en 1952 i fue representá de continu nel Teatru St. Martin de West End. Otra delas sus obras, Testigo de cargo, rumbó inque no fue tan populal como La ratonera. Pol otru lau, escribió dos autobiografías —pubricás endispués dela su muerti—, una que resume la su vida profesional i privá ata 1965, i otra que relata las sus esperiencias nel Mediu Orienti juntu al su mariu.

Una delas sus carantoñas menus conocías fue la poesía, géneru al que se dedicó enos sus añus de mocedá i duranti la Primera Guerra Mundial. La su primera coleción de poemas i balás, El camino de los sueños, pubricá en 1924, es señalá palos sus siguioris ya que contén el pessonaji de Arlequín i otros dela Comedia del arte italiana. Una segunda coleción de poesía fue pubricá en 1973 baxu dos seccionis, una con velsus de 1924 i otra con 27 composicionis centrás en lugaris que Christie avía vesitau, la señardá pola infancia, l'arti i la hermosura.

Tamién pubricó seis novelas románticas baxu el seudónimu de Mary Westmacott, la primera en 1930 i l'última en 1956. Gastó dessi apelativu pol su carácter introvertíu i la su dificultá pa espressal emocionis i sentimientus. Dambas dos primeras obras desti géneru tuvierun tonu autobiográficu.

Enfruencias

Dendi pequeña, se convirtió en letora de Walter Scott, John Milton, Alexandre Dumas, Jane Austen i Arthur Conan Doyle, dizindu al tiempu que sedríe útil pa olhual los «horroris dela guerra». Si bien prefería a Dickens, estava convencía de que sedríe escapás d'escrebil estorias como las de Doyle. Agatha i la su ermanu Madge leían los sus relatos de ditectivis dendi la edá de ochu añus. Las enfruencias de Doyle se apresentarun ena primera novela de Christie, El misterioso caso de Styles, ondi se puein aprecial algunas semejáncias entri Holmes i Poirot. A pesar de que Conan Doyle fue l'autol más enfruyenti ena su obra, tamién lo fuerun en menol media Edgar Allan Poe, Anna Katherine Green i G. K. Chesterton.

Nuna oportunidá, Agatha le comentó ala su ermana Madge que se considerava escapás d'escrebil una estoria de ditectivis, a lo que Madge respondió que no podría hazellu. Endispués de leyel El misterio del cuarto amarillo de Gastón Leroux, d'alcuerdu con lo que confesó ena su autobiografía, se vio «dispará pola determinación» a escrebil una estoria de ditectivis i fue assina como realizó la su primera producción literaria desti géneru. Christie reconoció el fechu de que los ditaoris nuevus no puein estal-si de copial el estilu d'escrebiura d'otru ditaol al qual admiran nesi momentu i señaló que tomar el estilu d'otru autol lleva siempri a un resultáu final negativu namás pola farta d'originalidá. Sigún Christie, l'enfruencia pol almiración amenorga col tiempu i admitió la emportancia de que los ditaoris tengan un estilu d'escrebiura propiu.

Argumentu i trama

Primera representación del detetivi Hercule Poirot, del The American Magazine, marçu de 1933

Los primeros passos de Christie ena escrebiura fuerun de veras dificultosus i a menudu pensava que las sus ideas no eran güenas. Nuna oportunidá, llegó a comental que «no ai dolol como esti. Tú estás nuna habitación, rumiandu lapiceros, mirandu una máquina d'escrebil, andandu alreol o tirándoti nun sofá, sintiendu que vas a lloral».

Christie gastava un cuadernu nel qu’anotava las ideas del enceti del argumentu juntu con concetus de verenuis i artículus de periódicu relacionaous cona su trama. En otras ocasionis, las ideas le vinían de pol sí. Abondus delos sus pessonajis fuerun criaous endispués de miral a pressonas nun restaoranti i, d’una manera raru, a conocíus dela su familia. Major Ernest Belcher, pol ejemplu, era ena realiá un maestru d'escuela retiráu i empleador de Archie Christie, el su primer mariu. Nancy Astor, la primera mujel en sel biembru del Parlamentu, apaició como lady Westholme en Cita con la muerte, mentris que Katharine, la mujel de Leonard Woolley, un arqueólogu que laburó con Max Mallowan, feguró como la señora Leidner en Asesinato en Mesopotamia. Tamién decidió ponel-si a sí mesma n'unu delos sus relatos pol mé del pessonaji dela escritora de misteriu Ariadne Oliver.

Ena su autobiografía, Christie dixu que lo güenu d'escrebil estorias de ditectivis es qu’ai abondus tipos —de pasión, de policia revueltu i thriller alegre—. Con respetu alos relatos de policia de pasión, manifestó que tienin como fin «ayual a salval la inocencia. Polque es la inocencia lo que emporta, no la curpa».

Sobri Diez negritos, admitió que la «idea l'avía hechizau. Escribí el libru endispués d'una gran cantidá de praneamientus i me quedé satisfrecha col resultáu final. Estava claru, senciellu, raru i nostanti, tenía una desplicación rondamenti razonabri». Inque le gustava mual la horma establecía del relatu de ditectivis —unu delos sus primerus libros, La muerte de Roger Ackroyd, es conocíu pol su particular desenlaci—, ponía huerça en «jugal limpiu col letol» al assegural-si d'ofrecel enos sus relatos toa l'enformación pa resolvel el enigma. L'estruotura dela trama, basá ena traición del enigma pol destapal, es siempri paricía i el su desenvolvimientu está en fonción dela osservación psicológica. Una delas caraterísticas prencipalis dela prosa de ditectivis de Christie es que los sus relatos se desenvuelvin nel que se llama el whodunit, lo que dexa al letol ensayal hipótesis i al cabu, entental descifral la identidá del curpabri antis d'acabal cola letura del relatu. La concentración delos sus pessonajis nun espaciu únicu es una convención del tema de ditectivis, la qual Christie llevó a un estremu d'apartamientu en Diez negritos (1939). En algunos delos sus relatos, la trama de misteriu queda corría pola voluntá de palral delos probremas del su tiempu, como passa en Pasajero a Frankfurt (1970).

Ejecución literaria

Agatha Christie describió el processu d'escrebiura delas sus primeras novelas dela siguienti manera:

Endispués destas esperiencias, Christie destapó que se sentía más a gustu pol mé dela escrebiura a manu o el tiqueu i alegó que enas estorias de ditectivis divi habel una «economía de redación». L'autora no tuvu un lugal que llamara propiu pa escrebil ata que ganó la su residencia de Sheffield Terrace en Londris, ya que ata dessi momentu solía redatal a manu las sus estorias en distintas habitaciones pa endispués trescrebil los borradores a máquina de escribir.

Nuna oportunidá, Christie redató dos libros al tiempu, Un cadáver en la biblioteca i El misterio de Sans Souci, dizindu que dessi laburu la mantendríe «más fresca». Si bien las dos estorias fuerun redatás duranti la Segunda Guerra Mundial, Christie manifestó no vel teníu estorbus pa escrebil duranti el polvoreu bélicu ya que solía «desconeuta-si» del mundu d'ahuera i focal-si enas sus novelas.

Pessonajis

Estatua de Hércules Poirot en Bélgica

El primer libru dela escritora, El misterioso caso de Styles, se pubricó en 1920 i apresentou a Hércules Poirot, que feguró en 33 delas sus novelas i 54 relatos cortus. Otru delos sus pessonajis más reconocíus, Miss Marple, se metió en El club de los martes, un cuentu de 1927, i Christie se basó ena su agüela, las amigas desta i las sus tías pa diseñalla.

Al igual que Arthur Conan Doyle con Sherlock Holmes, Christie se cansó cada vez más del su pessonaji Poirot. De fechu, alos acabis dela década de 1930, confió nel su diariu pessonal que toparu «insufribli» ala su criación i pola década de 1960, sintió qu’era una «enfruencia egocéntrica». Nostanti, a diferencia de Conan Doyle, se resistió a dexal al su pessonaji quandu entavía era mu populal, dizindu que siempri se definió como «una artista el que su laburu era produzil lo qu’al púbricu le gustava».

Nunca juntó los sus dos pessonajis prencipalis, Poirot i Marple, nuna mesma novela. Nuna gravación redestapá i lançá en 2008, l'autora espressó los sus motivus: «Soi segura de que no les gustarie topar-si. A Hércules Poirot [...] no le gustarie que le despliquin cómo hazal las cosas, o qu’una vieja soltera le haga sugerencias». Poirot es l'únicu pessonaji de fición que tuvu un obituariu nel periódicu The New York Times tras la su última apaición en Telón de 1975. Endispués del éssitu dessi libru, la escritora dio premisu pa pubrical Un asesinato dormido al encetu de 1976 peru murió antis dela su pubricación.

Analiçandu la su obra, Pablo de Santis nel diariu La Nación comentó: «Las aventuras de Jane Marple passan ena generalidá en casas de campu, entri ciauninus sin tacha, de vida aburría; las pequeñas intrigas de puebru, las enemistais en sordu, los rejarius, los pequeñus pecaus del passau se cargan de sentíu quandu el crimen llega al puebru i lo despierta. Las aventuras de Poirot, en mual, abondas veces tienin un airi de exotismu. La señorita Marple se labura de pessal alos criminalis nel enteriol de Ingalaterra; Poirot, enos confines del Imperiu».

Christie crió amás otros pessonajis, enclusu antis dela apaición de Poirot i Marple. El coronel Race, un ajenti del serviciu secretu, fue metíu juntu ala pareja Beresford ena década de 1920 i apaició en quatru novelas entri 1924 i 1945. El superintendenti Battle feguró en otras cincu, entri 1925 i 1944. Tommy i Tuppence fuerun encluyíus en quatru novelas i una seri de relatos cortus lançaus entri 1922 i 1973. Enos añus de 1930, Christie pensó a Harley Quin i el su sociu, el señor Satterthwaite, Parker Pyne i Ariadne Oliver. Quin i el su colega, al igual que Pyne, apaicierun namás en cuentus peru Oliver entró en seis novelas juntu a Poirot alo largo de quatru décadas.

Arqueología

Agatha Christie i Max Mallowan ena su casa de Winterbrook, 1950. D'alcuerdu cola National Portrait Gallery de Londris, el fotógrafu es desconocíu.

Christie tuvu siempri un enterés pola arqueología:

Nun viai a escavacionis de Ur en 1930, conoció al su futuru mariu, Max Mallowan, un arqueólogu destinguiu la su fama del qual como ditaol rumbó pol drentu dela dantis. Antis de comprometel-si con Mallowan, Christie no avía teníu un contaotu emportanti cola arqueología, peru endispués de casal-si dambos dos se assegurarun d'ir a sitius ondi pudieran labural juntus.

Mentris acompañava al su mariu en abondus viais arqueológicus —llegó a passal ata 3-4 mesis en Siria e Irak enos sitius d'escavación de Ur, Nínive, Tell Arpachiyah, Chagar Bazar, Tell Brak i Nimrud—, Christie no namás escribió novelas e estorias cortas sino que tamién ayudó nel laburu delos sitius arqueológicus, más claramenti en asuntus relacionaous cola restauración i la crasificación delas muestras antiguas, que encluyían tareas de limpeza i conservación de finas piezas de marfil, el avío de cerámica, el tomal fotos delas escavacionis, el sitiu i los sus resultáus, amás de tomal notas del campu.

A fin de no enfruyir ena financiación delas escavacionis arqueológicas, Christie siempri pagó la su propia mantención, alojamientu i gastos de viai, i mantuvo escavacionis como una patrocinadora anónima. Endispués dela Segunda Guerra Mundial, realizó una crónica dela su estancancia en Siria entitual Come Tell Me How You Live (Ven y dime cómo vives), ondi relató anécdotas, alcuerdus i episodius divertíus.

Dendi noviembri de 2001 a marçu de 2002, el Museo Británico montó una esposición llamá Agatha Christie i l'arqueología: misteriu en Mesopotamia, que apresentou aspeotus pocu conocíus dela vida de Agatha Christie i las enfruencias dela arqueología ena su obra.

Esta es la traducción al estremeñu (norma OSCEC) del texto solicitado, aplicando estrictamente el diccionario de Ismael Carmona, las reglas morfológicas y las instrucciones de limpieza de wikitext para la Güiquipedia.

TRADUCCIÓN

Legau i representacionis

thumb|right|404x404px|Bustu de Christie en Londris

Como una delas esponentis más representativas del géneru policial, se le atribuyó el apellíu dela «reina del crimi». El Libru Guinness delos Récords calificó a Christie como la novelistila más vendía de todos los tiempos. Las sus novelas fueron vendías en cerca de quatru millones de ejemplaris i las sus obras literarias figuran nel puestu terceru dela lista delos librus más pubricaos nel mundu por detrás de Shakespeare i la Biblia. Sigún el Index Translationum, Christie es la autora envidual más traducía con edicionis trasladás a ábate 103 idiomas.

Diez negrinus es la novela más essitosa de Christie con 100 millones de ventas ata la fecha, lo qu’un hazi la estoria de misteriu más comerciá nel mundu i nunu delos librus más vendíus de todos los tiempos. En 2013, El assassiniu de Roger Ackroyd fue elegía como la mejol novela negra de todos los tiempos por 600 escritoris dela Asociación de Escritoris de Crimi. La ratonera, una delas sus obras de teatru más essitosas, es el espetáculu más duraderu dela estoria. Fue presentá nel Teatru Ambassador en Londris el 25 de noviembre de 1952 i dendi 2012 acontina huncionandu endispués de más de 25 000 representacionis.

En España, las sus coleccionis fueron rondamenti populares dendi los años de 1940, especialmenti las edicionis realizás por editorial Molino ena su coleccion Bibliuteca Oro. En 2011, la escritora madrileña Ana Campoy pubricó la coleccion infantil Las aventuras de Alfred & Agatha, ena qu’recreó la enfancia de Christie por mediu de casos detectivescus juntu a Alfred Hitchcock tamién ena su niñez.

La autora Margery Allingham escribió en 1950 que Christie abríe entreteníu a «más pressonas duranti más oras a la vezi que casi qualquier otru escritol dela su generación», mientra que El País pubricó que, inque todas las críticas possiblis, la obra dela «prototípica dama del crimi [...] tieni virtuis clamorosas: la armonía general del relatu i el gustu pol juegu cerebral».

La mayoría delas sus novelas i relatos han síu adaptaos al cine, televisión i teatru, argunus en más d’una ocasión, como Assassiniu nel Orient Express i Morti nel Nilo. Una delas ecepcionis fue un filme de 1979 titulau Agatha de Michael Apted, nel que se tomó la figura drecha dela escritora i se intentó descifral la su misteriosa desapaición duranti varios días ena década de 1920. Poirot i otrus detectives como Miss Marple han aparecíu tamién en merosus filmes, programas de radiu i representacionis teatrales.

Sugestión mortal, un drama de misterio de 1937 dirigíu por Rowland V. Lee, i Diez negrinus, una obra de suspensu de 1945 dirigía por René Clair, fueron las primeras adaptacionis emportantis de Christie. En 1957, Billy Wilder dirigió la película Testigu de cargu con Tyrone Power, Charles Laughton i Marlene Dietrich, basá ena su obra teatral homónima, la qual fue acontiná pol El tren delas 4:50 (1962, de George Pollock), cuyus d’éssitu encetó una serie de filmes centraos enos casos de Marple protagonizaos pola actriz Margaret Rutherford. Otras adaptacionis se titularun Nochi sin fin (1971), un ciclu rodau con figuras de Hollywood i basau en Assassiniu nel Orient Express (1974, Sidney Lumet), Morti nel Nilo (1979, John Guillermin), El espeju rotu (1980, dirigía por Guy Hamilton i protagonizá por Elizabeth Taylor), Curpabli de inocencia (1983, Desmond Davies) i Cita cola morti (1988, de Michael Winner).

A partil de 1982, se rodarun tres ciclus pa televisión, unu de tres cintas sobri Miss Marple con Helen Hayes, otru sobri Hércules Poirot con Peter Ustinov nel papel del personaje i el últimu con Joan Hickson nel papel de Marple. Entri otras adaptacionis destaca una serie televisiva británica titulá Matrimoniu de sabuesus de 1982. Dessisti amás una serie de anime titulá Agatha Christie's Great Detectives Poirot and Marple, la qual consta de 39 episodios de 25 minutos cada unu enos qualis se recrean las tramas de argunus delos sus librus. Una delas bandas más notables del rock dela Unión Soviética i de Rusia se llama Agatha Christie i estuvo activa entri 1987 i 2010.

Véassi tamién

Cozy mystery

Novela policíaca

Hércules Poirot

Miss Marple

Edgar Allan Poe

Edá de oru dela ficción detectivesca

Círculu cerráu de sospechosus

Bibliografía

• Alonso-Cortés, Carolina-Dafne (1981). Anatomía de Agatha Christie. Madrid: Knossos. ISBN 9788430054084. 
• Barnard, Robert (1990). A Talent to Deceive – an appreciation of Agatha Christie (en inglés). Londres: Fontana. ISBN 978-0006374749. 
• Cade, Jared (1997). Agatha Christie and the Missing Eleven Days (en inglés). Londres: Peter Owen. ISBN 978-0720612806. 
• Christie, Agatha (1979). An autobiography (en inglés). Leicester: Ulverscroft. ISBN 978-0708902554. 
• Christie, Agatha (1978). Autobiografía. Ripollet (Barcelona): Molino. ISBN 84-272-1801-X. 
• Gerald, Michael C. (1993). The Poisonous Pen of Agatha Christie (en inglés). Austin, TX: University of Texas Press. ISBN 978-0292765351. 
• Gómez García, Manuel (1998). Diccionario del teatro. Madrid: Akal. ISBN 978-8446008279. 
• González Lemus, Nicolás (2007). Agatha Christie en Canarias : [con los textos y relatos inspirados en las islas]. La Laguna: Nivaria. ISBN 84-933941-3-0. 
• González Lemus, Nicolás (2011). Viajeros por sol, playa... y descanso: el viaje a Canarias de "tres" distinguidos ingleses: Agatha Christie, Winston Churchill y The Beatles. Las Palmas de Gran Canaria: Ayuntamiento. ISBN 978-84-92537129. 
• Macaskill, Hilary (2009). Agatha Christie at Home (en inglés). Londres: Frances Lincoln. ISBN 978-0711230293. 
• Morató, Cristina (2006). Las damas de oriente: grandes viajeras por los países árabes. Barcelona: Debolsillo. ISBN 978-8497938976. 
• Morgan, Janet (1986). Agatha Christie. Barcelona: Ultramar. ISBN 978-8473864022. 
• Pages, Vicen-c (2009). De Robinson Crusoe a Peter Pan. Barcelona: Ariel. ISBN 978-8434488106. 
• Wagoner, Mary S. (1986). Agatha Christie (en inglés). Boston, MA: Twayne. ISBN 978-0805769364. 

Bibliografía

• Alonso-Cortés, Carolina-Dafne, Anatomía de Agatha Christie, 1981, Madrid, Knossos.

• Barnard, Robert, A Talent to Deceive – an appreciation of Agatha Christie, 1990, Londris, Fontana.

• Christie, Agatha, Autobiografía, 1978, Molino, Ripollet (Barcelona).

Atius esternus

• En Commons ai conteníu multimedia sobre Agatha Christie.
• «La casa de la escritora abre al público tras su restauración» El Mundo, 24 de febrero de 2009.
• «Sitio oficial» (en inglés)