Alanhi

Esti artícalu es un encetu Si t'apeta, pueis enlial-ti a trebajal en él, precurandu más información i amejorandu lo escrevíu.

Alanhi
Entidad subnacional
Escudo
Coordenadas	38°47′09″N 6°14′44″O
Capital	Alange
Entidad	Monicipiu d'España
• País	España
Superficii
• Total	160,3 km²
Altol
• Media	323 m s. n. m.
Puebración (2025)
• Total	1802 hab.
• Densidá	11,24 hab/km²
Huso horario	UTC+01:00 y UTC+02:00
Código postal	06840
Sitio web oficial

Alanhi es un puebru estremeñu el partiu hudicial de Méria, ena província de Badahó. El hentilíciu los sus abitantis es alanhinus/alanheñus.

Asiahamientu

Alanhi s'alcuentra assitiau ena parti central d'Estremaura, a una artitú e 323 m. La superfici el su términu municipal es de 160,3 km². El puebru s'alcuentra unta un embalsi i un castillu, fruhiendu dambus dos el mesmu nombri el puebru.

Termas

La termas romanas son el mayol reclamu turísticu d'Alanhi. Con rehormas nel sigru XVIII i XIX, oi s'alcuentran en esplotación, integrás nun balneariu d'áuguas meicinalis, cuyu artu calteniu en radón prouci mehorías enas afecionis de tipu nerviosu, artrosis, reumatismu i el aparatu respiratoriu.

Castillu d'Alanhi

El castillu que domina la comarca e riu Matachel está assitiau nel lombu La Culebra. Hue costruiu polos musulmanis nel sigru IX. Al conquistal Alanhi, el rei Fernando III donó el castillu a la Ordin de Santiagu en 1243, i nel sigru XVI hue abaldonau. Entovia ogañu la torri el omenahi, eificá en mampostería i ladrillu, se puei vel endi una tupa quilómetrus i recuerda la su emportancia melital ena epoca bahumeyeval. Sigún cuenta la leyenda, endi el castillu partia un tunil suterráneu cuya salia s'alcuentraba nel teatru romanu e Méria, i se gastaba p'ahuyil el enemigu cuandu el castillu era asediau.

Correol d'imahin

• 
  Castillu d'Alanhi
• 
  Termas d'Alanhi
• 
  Orihoscu nel embalsi

Tamién guipal

• Embalsi d'Alanhi

Atihus

• Páhina oficial
• Páhina la Diputación
• Estau el Embalsi d'Alanhi
• Castillu d'Alanhi