Alcaçaba de Méria
| Alcaçaba de Méria | |
|---|---|
|
| |
| Comunidá | Estremaura |
| Provincia | Badajós |
| Localización | Méria |
| Tipu | Alcaçaba |
| Construíu | ca. 835 |
| Constructor | Abderramán II |
| Materialis | Roca granítica, restus romanos |
| Altura | |
| Usáu | |
| Condición | Vesita sin guía |
L'alcaçaba árabi de Mérida es la más antigua fortificación musulmana dela Península Ibérica, construía nel sigru IX ena ciá de Méria (España) juntu al famosu puenti romanu sobri el ríu Guadiana. Está declará Patrimoñu dela Umanidá como parti del Conhuntu Arqueolóhicu de Méria.[1]
Descrición
[adital | adital cóigu]
La alcaçaba fue construía por Abderramán II nel añu 835 d. C. como bastión pa acaballal la ciá, que dendi l'añu 805 s'avía rebelau de continu contra el domiñu emiral. Pol essu es la fortificación musulmana más antigua que se conserva ena Península Ibérica. La fortificación consisti nun recintu cuadrau de 130 metros de lau escapás d'albergal un buen númeru de tropas. Nel su enterior ai un alhibi, que es una cisterna suterránea d'augua filtrá dendi el cercanu río Guadiana ala que s'acedi por una dobri escalera dendi el pisu baxu duna torri. Drentu destacan las pilastras reaprovechás dalgún edificiu visigou que la su decoración, en relievi, consta de colunas enos sus lateralis i motivus vegetalis.
El perímetru dela alcaçaba es quasi quadrau, dunos 550 metros. Los murus, dunos 2,70 metrus de grossol i 10 metrus d'artura, están fabricaus ena su mayoría con sillar de granitu reaprovechau d'obras romanas i visigodas cun rellenu enteriol de tierra, piedras i argamasa.
A la alcaçaba s'acedía dendi la puenti romana a través dun pequeñu recintu fortificau llamau tradicionalmenti «alcaçarehu». Por esta gran barbacana se controlava el passu de pressonas i mercancías ala ciá de forma qu'el recintu melital prencipal quedava totalmenti endependienti dela puebración cevil. S'entra por una puerta flanqueá por dos torris sobri el su arcu de herradura ondi conserva-se una delas inscricionis fundacionalis.
Conventual santiaguista
[adital | adital cóigu]
Recuperá la zona de Méria polos ehércitus cristianus en 1230, los cavallerus dela Ordin de Santiagu hizun nel ángulu norti dela alcaçaba varias dependencias ondi estalun la Casa dela Ordin i Encomienda. Entre 1563 i 1600 se hizun unas obras d'acondicionamientu pa acogel la sedi del Prioratu de San Marcus de León. De tuncis data la costrución dela ilesia i del claustru porticau con dobri galería d'arcus de mediu puntu sobri colunas. Esti conhuntu fue rehabilitau a finalis del sigru passau pa serví como sedi dela Presidencia dela Hunta d'Estremaura.
Otrus restus arqueológicus
[adital | adital cóigu]Gracias al su assitiamientu estratégicu, el recintu d’alcaçaba á síu catalizaol de quantos períodus estoricus á teníu la ciá de Méria. N’alcaçaba se conservan restus duna dobri calçá, el decumanus maximus l’urbi, i los cimentus dela puerta romana que separava la ciá del puenti. Tamién s’an toparu vestihius dela muralla fundacional d’Augusta Emerita (del sigru I) i restus de viviendas estramurus. Entre la muralla romana i la calçá paralela a ella se topan restus de pequeñas dependencias, seique tabernas romanas. Entre dambas dos calçás están los cimentus duna casa fechá nel sigru IV, con peristilu (patiu porticau), termas, i pavimentu de mosaicus i pracas de mármol.Prantilla:Sfn
Nel muru árabi s’aprecian una gran quantidá de cupas, que eran broquis de granitu gastaus en aterramientos romanus. Son tamién abondosus las piedras d’origen visigodu, esparramás por tol solar i especialmenti enas cercanías del conventual santiaguista. Nun delos murus esterioris se topó una inscrición alusiva ala consagración duna ilesia supuestamenti visigoda dedicá a Santa Maria. Documentus dela Ordin de Santiagu confirman la su desistecia al lau del alhibi. Costrucionis más recientis son el cenador i el pórticu neogóticu del sigru XIX que reaprovecha colunas visigodas.Prantilla:Sfn
Galeria
[adital | adital cóigu]-
Vista del monumentu -
Murallas dela alcaçaba -
Restus dela vía romana i entrá ala alcaçaba -
-
Vista general duna parti dla alcaçaba -
Detall de la decoració -
Passaiçu d'entrá al aljibi -
Aljibi árabi -
Vista general
Referencias
[adital | adital cóigu]- ↑ Centre, UNESCO World Heritage. «Centro del Patrimonio Mundial -». UNESCO World Heritage Centre. Consultado el 28 de noviembri de 2021.
Bibliografía
[adital | adital cóigu]- Barroso, Yolanda; Morgado, Francisco (1996). Mérida, Patrimonio de la Humanidad. Conjunto monumental. Mérida: Consorcio de la Ciudad Monumental Histórico-Artística y Arqueológica de Mérida (Depósito legal: BA-335-1996).