Antibióticu

Un antibióticu (del griegu αντί - anti, "en contra" + βιοτικός - biotikos, «dadu a la via») es una sustancia química producia por un sel vivu o derivá sintética d'ella que mata o enpíi el crecimientu de ciertas crassis de microorganismus sensiblis, generalmenti bacterias. Los antibióticus se gastan en medecina umana, animal u horticultura pa tratal enfeccionis provocás por gérmenis. Normalmenti los antibióticus presentan tossicidá selectiva, siendu mu superiol pa los organismus envasoris que pa los animalis o los seris umanos que los albergan, enque ocasionalmenti puei producil-si una reación adversa a medicamentu, comu afectal a la flora bacteriana normal del organismu. Los antibióticus generalmenti ayúan a las defensas de un endividuu ata que las respuestas localis sean suficientis pa controlal la infeción. Un antibióticu es bacteriostáticu si enpíi el crecimientu delos gérmenis, i bactericida si los destrui, pudiendu general tamién amus a dos efectus, sigún los casus.