Corti de lus ibéricu de 2025
El corti de lus ibéricu de 2025 hue un corti de lus general qu'aconteció el 28 d'abril de 2025 i afetó ala Península Ibérica (España, Andorra i Portugal menus las Islas Balearis, Canarias, Ceuta, Melilla, Madeira, Azores i Gibraltar) i el sul de Francia, i tuvu un duramientu de 17 oras.
Estoria
[adital | adital cóigu]Corti de lus
[adital | adital cóigu]El corti de lus esmençó el 28 d'abril de 2025 alas 12:33 ora española i 11:33 ora portuguesa[1] . Red Eléctrica Española (REE) registró un "zeru nacional", un corti general ena sestema létrica. Devíu a que Portugal importa un 33% dela su letrecidá a España,afetó a dambus paísis.[2]
El presiénti d'España Pedro Sanchez tuvu una juntança col Consejo de Seguridad Nacional a tentu dela sitación.
Alas 17:15 estuvu preparau el primel comunicau púbricu anque esta no se hizu hata las 18:00.[3] Nesti comunicau, el Goviernu acetó el proponimientu delas Comunidáis Utónomas de Mairil, Estremaúra i Andaluzía de hazel-si cargu'l nivel 3 de proteción cevil.[4]
Arrecuperación del serviciu létricu
[adital | adital cóigu]Alas 19:20 ora portuguesa, la letreciá s'arreguperó en zonas delos destritus de Santarém i Oportu. L'impresa Redes Energéticas Nacionais endilgó que la prouzión de letrecidá enas centralis ídrica de Castelo de Bode i termuñétrica de Tapada do Outeiro hue arrecupeau, i qu'el processu lentu d'arrecuperación.[5]
Alas 20:34 ora portuguesa, la letreciá s'arrecuperó enas ciais de Coimbra i Aveiro, i tamién zonas de Ferreira do Zêzere i Guarda.[5]
Alas 20:45 ora portuguesa, la letreciá s'arrecuperó en Lisboa, anque los servicius de comunicación i televisión acontinavan tuviendu marrus.[6]
Alas 00:00 dela nochi, Red Eléctrica Española endilgava l'arrecuperación 61,35% dela demanda ena península.[7]
Caussa
[adital | adital cóigu]El su origi es desconocíu. El Centro Nacional de Inteligencia vestigó si se tratava dun ataqui informáticu, anque los goviernus d'España i Portugal desizierun esta teoría. Sigún Red Eléctrica Española, la redi sufrió un "zeru negéticu", que púu sel por un fenómenu almosféricu.[8][7] En Portugal, Redes Energéticas Nacionais mentava la mesma teoría devíu alas varianças estremas de temperatura.[2]
Servicius afetaus
[adital | adital cóigu]España
[adital | adital cóigu]Trasporti
[adital | adital cóigu]El tráfagu hue afetau, sobritó enas ciáis devíu a que los semófarus dexarun d'enhuncional.[9] Dirección General de Tráfico (DGT) tuvu que peíl no movel-si en carretera devíu ala halta de semófarus.[2]
Tráfagu herroviáriu
[adital | adital cóigu]El corti de lus acolassó el trasporti herroviariu nel país. RENFE tuvu que suspendel los sus servicius de largu recorríu, Cercanías i Alta Velocidad. Unus 35.000 viajantis quearun atarugaus en más de 100 trenis i tuvun que sel rescataus polos servicius d'emergencia.[2]
Los metrus de Mairil i Barcelona tuvun que fechal devíu ala halta de letreciá.[2]
Tráfagu aériu
[adital | adital cóigu]Los aropuertus de Mairil i Barcelona sufrierun retrassus de más de 45 menutus.[10] Sigún AENA sólu 45 vuelus huerun suspendíus, con pocus efetus enos aropuertus de Barcelona (2,98% delos vuelus) i Mairil (2,56% delos vuelus).[2]
Telecomunicación
[adital | adital cóigu]Los servicius de telecomunicacionis cayerun e hizierun compricaus la comunicación por mé de teléfanu, uviendu momentus ondi eran impossiblis las llamás i gastal otras apricacionis comu Whatsapp o Telegram.[11] En Mairil el tráfagu de daus cayó de 588 a 252 Gbit/s, más dela metá delo habitual.[2]
Portugal
[adital | adital cóigu]Trasporti
Trasporti urbanu
[adital | adital cóigu]El cortamientu de letreciá fecho l'enhuncionamientu'l Metru de Lisboa. Los viajantis delos trenis tuvun que sel arregataus al queal-si atrapaus endretu los túnilis i estacionis dela redi.[12]
Trasporti aériu
[adital | adital cóigu]En toa Portugal se suspendierun 96 vuelus.[2] L'Aropuertu de Lisboa hue el más afetau nel país, los vuelus pogramaus i que no vían despegau huerun suspendíus. en total afetó al 29,63% delas salías.[10]
Desinformación
[adital | adital cóigu]Devíu ala halta d'información generá enas primeras oras del corti, varius pirióricus recadarun qu'afetó a otrus paísis uropeus, encruyendu: Italia, Suiça, Alemaña, Bélgica, Finlandia, Holanda, etc.[13] Tamién hue dichu en varius meyus de comunicación que la posibri causa púu sel un ataqui cibernéticu, anque el Centro Nacional de Inteligencia vestigó si estu era veru o no.[9][14]
Consicuencias
[adital | adital cóigu]Referencias
[adital | adital cóigu]- ↑ «Última hora apagón masivo en España en directo: Ya hay suministro eléctrico en áreas de Cataluña, Aragón, País Vasco, La Rioja, Galicia, Asturias, Navarra, Castilla y León, Extremadura y Andalucía». www.antena3.com. 28 de abril de 2025. Consultado el 28 de abril de 2025.
- ↑ 2,0 2,1 2,2 2,3 2,4 2,5 2,6 2,7 «Las cifras que muestran la extraordinaria magnitud del apagón eléctrico que afectó a España y Portugal». BBC News Mundo. 28 de abril de 2025. Consultado el 4 de mayo de 2025.
- ↑ «Del apagón al primer mensaje de Sánchez: cronología de las cinco horas de parálisis en Moncloa». LaSexta. 28 de abril de 2025. Consultado el 28 de abril de 2025.
- ↑ «Sánchez no descarta ninguna hipótesis sobre la causa del apagón y se centra en la recuperación del suministro». OndaCero. 28 de abril de 2025. Consultado el 28 de abril de 2025.
- ↑ 5,0 5,1 Fernandes, Ricardo Simões Ferreira,Nuno (28 de abril de 2025). «Forças Armadas mobilizadas para assegurar cadeias de distribuição. Governo declarou crise energética». Diário de Notícias (en portugués). Consultado el 28 de abril de 2025.
- ↑ Ralha, Leonardo (28 de abril de 2025). «Eletricidade começa a voltar a Lisboa». Diário de Notícias (en portugués). Consultado el 28 de abril de 2025.
- ↑ 7,0 7,1 «https://www.ree.es/es/sala-de-prensa/actualidad/nota-de-prensa/2025/04/proceso-de-recuperacion-de-la-tension-en-el-sistema-electrico-peninsular». www.ree.es. Consultado el 28 de abril de 2025.
- ↑ «Esta podría ser la causa del apagón eléctrico: un fenómeno atmosférico raro». www.antena3.com. 28 de abril de 2025. Consultado el 28 de abril de 2025.
- ↑ 9,0 9,1 Rico, Jose (28 de abril de 2025). «Un apagón general deja sin luz a media España y afecta a Italia, Portugal, Andorra, Alemania, Grecia y Francia». Diario de Ibiza. Consultado el 28 de abril de 2025.
- ↑ 10,0 10,1 «Aerei, centinaia di voli cancellati e in ritardo a Madrid, Barcellona, Lisbona e Porto per il blackout in Spagna e Portogallo». Corriere della Sera (en it-IT). 28 de abril de 2025. Consultado el 28 de abril de 2025.
- ↑ «Sin datos móviles ni cobertura: las telecos, afectadas por el apagón eléctrico». Diario ABC. 28 de abril de 2025. Consultado el 28 de abril de 2025.
- ↑ Agencia EFE (28 de abril de 2025). «La policía de Portugal trabaja para rescatar a personas atrapadas en el metro por apagón». El Comercio. ISSN 1605-3052. Consultado el 28 de abril de 2025.
- ↑ «Alemania, Holanda, Finlandia, Portugal y Francia han sufrido entorno a las 12.30 del mediodía un apagón masivo de electricidad por causas que aún se desconocen - Pravda ES». spanish.news-pravda.com. 28 de abril de 2025. Consultado el 28 de abril de 2025.
- ↑ «El CNI investiga las causas del apagón eléctrico generalizado en España: no hay indicios de ciberataque». www.antena3.com. 28 de abril de 2025. Consultado el 28 de abril de 2025.