Ir al contenido

Aveiru

Aveiru
Entidad subnacional



Bandera

Escudo

Coordenadas 40°38′20″N 8°39′19″O / 40.638888888889, -8.6552777777778
Entidad Cidá de Portugal y Conceju de Portugal
 • País Prantilla:Geodatos Portugal
Superficii  
 • Total 197,58 km² Ver y modificar los datos en Wikidata
Altol  
 • Media 25 m s. n. m.
Puebración (2011)  
 • Total 78450 hab.
 • Densidá 397,05 hab/km²
Huso horario UTC±00:00, UTC+01:00 y Hora de Europa Occidental
Código postal 3800[1]
Prefijo telefónico 234
Patrono(a) Juana de Portugal y Coímbra
Sitio web oficial

Aveiru es una ciá portuguesa, capital del distritu omónimu, ena Región Centru i comunidá entrimunicipal de Aveiru, assitiá cerca de 55 km al norti de Coimbra i cun cerca de 58 142 abitantis, quasi 80 880 consierandu las freguesias del extrarradiu. Á síu frecuentementi denominá la «Venecia de Portugal» polos sus canalis que atraviessan el centru dela ciá, lo que la dota duna gran belleça, conjuntu col barriu vieju de Beira Mari, ondi se conservan las tradicionalis casas i los almacénis de sal dela ría. El airi antigu dela ciá se mezcla perfetamenti cola moerniá qu'a irrumpíu pola vía nuversitaria i hazin desta ciá un sitiu apetecibli en qualisquiá época del añu.

Es sedi dun monecipiu cun 199,77 km² de ária i 80 880 abitantis (2021), subdividiu en diez freguesias. El monecipiu limita al norti col monecipiu de Murtosa (ya sea a través dela ría d'Aveiru, ya sea por tierra), al noresti cun Albergaria-a-Velha, al esti cun Águeda, al sul cun Oliveira do Bairro, al suresti con Vagos i con Ílhavo (siendu los límitis con esti úrtimu monocipiu tamién terristris i a través dela ría), i con una franja relativamenti estrecha de litoral nel océanu Atlánticu, al oesti.

Es un monecipiu territorialmenti descontinuu, dau que comprendi angunas islas dela ría d'Aveiru, i una porción dela península costera de quasi 25 km de estensión que cierra la ría por ocienti.

Geografía

[Edital | Editá'l códigu]
Puenti Sobri un canal n'Aveiru.

Assitiá a orillas del océanu Atlánticu, Aveiru es una ciá endustrial con un emportanti puertu marítimu. La sedi del monecipiu es la ciá de Aveiru, que comprendi cincu parroquias urbanas, con cerca de 73.003 abitantis. La ciá de Aveiru es tamién la capital del Distritu d'Aveiru, i la ciá más grandi dela subregión dela comunidá entrimunicipal de Baixo Vouga. Aveiru es conocía comu "la Venecia portuguesa", debíu al su sistema de canalis i barcus similal al dela ciá italiana, inque muchu más chiqueninu.

Aveiru tini un clima Csb[2] (templau con vranu secu i templau) sigún la crasificación climática de Köppen, enfluenciau pola su proximiá al océanu Atlánticu. La enfluencia marítima provoca una estrecha amplitud térmica, que origina vranus con temperaturas diurnas de alreol de 24 °C en promediu, consierablementi más baxas que las árias del enteriol nel mesmu paralelu ena península ibérica. Cum’es abitual enos climas mediterraneus, los vranus son secus i los enviernus úmedus. Su situación costera da lugal a que las helás sean mu raras i nunca severas. La másima temperatura registrá fue de 39 °C.[3] Las temperaturas superioris a 32 °C son solu ocasionalis.[4]

La ría d'Aveiru es consierá una delas más ermosas i emportantis de Portugal. S'estiendi, nel su enteriol, nun sentíu paralelu al mari, cercana ala costa del océanu Atlánticu, nuna longitú de 47 km. Tini una anchura de 11 km, d’esti a oesti i llega dendi Ovar ata Mira en sentíu norti-sul. La ría es el resultau dela retirá del océanu Atlánticu, lo qual a generau franjas costeras que, dendi el sigru XVI, forun una laguna que es unu delos acidentis fluvialis más emportantis i bellus en toa la costa Atlántica.

La ría se componi de quatru grandis canalis ramificaus que rodean una serii d'islas i islotis. Nesta ría desaguan los ríus Voga, Antuã i Boco, teniendu cumu única comunicación col mari un canal entri Barra i S. Jacinto, permitiendu l'acessu al puertu d'Aveiru a embarcacionis de gran calau. La ría es rica en pezis i avis acuáticas, i ofreci un lugal perfeutu pa tolos deportis acuáticus.

Casa flotanti en Aveiru
Antigua fábrica cerámica de Aveiru, ogañu centru de congressus
Casetas en Costa Nova

El documentu del legau hechul pola condesa Muniadona Díaz ala Ilesia de Muestra Señora de la Oliveira (Guimarães) el 26 de eneru de 959,[5] contieni la referéncia a Suis terras in Alauario et Salinas, la forma más antigua que se conoci del topónimu de Aveiru.[6][7] Las primeras mencionis que hazin referencia a la ciá datan del sigru X, peru ata el sigru XIII no es elevá a la categoría de villa. Naquella época, la puebración s’agrupaba en tornu a la ilesia prencipal consagrá a San Miguel Arcángel, assitiá ondi está ogañu la Praça dela Repúbrica, anque esti edificiu fue demoliu en 1835.

La güena situación geográfica de Aveiru á beneficiau el su crecimientu. Las salinas, que abundan en aquella çona, la pesca (particularmenti la del bacalhau[8]) i el comerciu marítimu an costituiu la bassi económica dela ciá.

Más tardi, el rei Juan I, siguiendu el conseju del su iju, el prencipi Pedru, quien en essi momentu era donatariu de Aveiru, ordenó que el poblau huessi rodeau con murallas que, nel sigru XIX, huerun demolias i parti delas sus piedras gastás ena costrución delos rompeolas dela nueva barra.

En 1434, el rei Eduardo I diu al pueblu el privilegiu de celebral una feria anual libri que á llegau a muestrus días i es conocía por Feria de marçu.

En 1472, la ija del rei Alfonso V, la infanta Joana, entró nel Conventu de Jesús, ondi murió el 12 de mayu de 1490, aniversariu recordau ogañu nel día de fiesta municipal. L'estancia dela ija del rei tuvu repercussions emportantis pa Aveiru, llamandu la atención sobri la villa, desti modu promoviendu el su desenvolvimiento.

El primer fueru d'Aveiru es manuelinu i fue otorgau en 4 de abostu de 1515, i está encruíu nel Libro de Lecturas Nuevas de Fueros de Estremadura.

A finalis del sigru Prantilla:Versalita i prencipius del Prantilla:Versalita, la inestabiliá dela vital comunicación entri la ría i el mari llevó al cierri del canal. Estu impidió el gastu del puertu i creu condicionis d’insalubriá que provocarun el estancamientu delas aguas dela laguna. Abondus residentis de Aveiru emigrun i crearun nuevus pueblus de pescaoris a lo largu dela costa portuguesa. Estu causó una gran disminución dela puebración i provocó una emportanti crisis económica i social. Fue, sin embargu, i curiosamenti, en esta fasi de recesión que se costruyó en plenu dominiu filipinu, la iesia dela Misericordia, unu delos templus más notablis de Aveiru. Estus pueblus de pescaoris continúan dessistiendu cumu barrius del extrarradiu aveirense: Gafanha de Nazaré, Gafanha da Encarnação, etc.

En 1759, Aveiru se convirtió en ciá por orden del rei José I, unus mesis endispués de sel condenau por traición, ala horca, el úrtimu duqui de Aveiru. Unus añus endispués, en 1774, a pediíu del rei José I, el papa Clemente XIV convirtió Aveiru en sedi dela diócesis que lleva el mesmu nombri.

Nel sigru XIX, los aveirensis estuvierun activus duranti las Guerras Liberalis, i fue José Estêvão Coelho de Magalhães, un biembru parlamentariu quien fue determinanti en resolvel el problema del acessu a lo largu dela Ría. Tamién ayudó col desenvolvimiento del trasporti, especialmenti la línea de ferrocarril entri Lisboa i Porto. Fue la apertura delos canalis artificialis, arremataus en 1808, lo que permitió a Aveiru destendel-si económicamenti, marcandu el enceti nel crecimientu dela ciá.

Demografía

[Edital | Editá'l códigu]
Gráfica de evolución demográfica de Aveiro entre 1864 y 2021

Datus sigún el nomenclátor publicau pol INE portugués.

Freguesias

[Edital | Editá'l códigu]

Las freguesias de Aveiru son las siguientis:[9]

Comunicacionis

[Edital | Editá'l códigu]
Estación de tren vieja

E1 E80 A1 (Oporto i Lisboa, E80 A25 (Playas, Viseo i España), A17 (Marinha Grande) i A29 Espinho (en obras)
Otobusis urbanus.

L'estación de Aveiru está unía con: (línea del Norti (Ovar, Espinho, Vila Nova de Gaia, Oportu i Coimbra, Pombal, Lisboa) i (línea del Vouga Águeda, Sarnada, Oliveira de Azeméis, São João da Madeira, Santa Maria da Feira i Espinho).

Portu de Aveiru

[Edital | Editá'l códigu]

(Aveiru/Ílhavo).

Aeropuertu regional

[Edital | Editá'l códigu]

Aeródromu de Aveiru/São Jacinto.

Aveiru es una delas ciais con mayol nivel económicu en Portugal, enos últimus añus á ocupau el primel puestu nel nivel de calidá de vía i ingresus nel país. La economía dela ciá está mu diversificá, atualmenti parti del motol económicu gira en tornu ala nuversidá que es unu delos focus de envestigación i docencia más emportantis nel país. La estraición salina continúa siendu una baza emportanti pa la ciá, así cumu la endustria del azuleju i el crecienti turismu que ca vezi atrai a más pressonas.

Es un distritu endustrializau, col 55 % dela puebración ativa empleá en esti setol, mientris que las activiais terciarias ocupan al 35,2 %, i las primarias apénas al 9,8 %, a pesar dela emportancia dela endustria agropecuaria.

Enos últimus añus es ca vezi más frecuenti el dil i venil de viajerus enteresaus enos encantus desta ciá, comúnmenti llamá la «Venecia de Portugal» polos canalis que surcan la ciá antigua. El barriu de Beira Mari alberga la esencia dela estoria dela ciá; viejas casas entri callejuelas i canalis inundaus de olol a sal i mari. La Praça do Peixe de día ofreci la oportuniá de comprá pescaísu frescu i pola nochi la praça vivi dela algarabía nuversitaria que inunda sus abundus baris i restaurantis. Las playas de Costa Nova i Da Barra son tamién un atractivu, pola su belleça, las dunas de São Jacinto i el océanu Atlánticu. Los paseus en barcu (Mercanteis) polos canalis son frecuentis entri los turistas, ena ría puein contemplal los Moliceirus; dambas son las embarcacionis típicas que recorrin estus canalis i la ría dendi aizi sigrus.[10] Los azulejus son otru delos sellus distintivus dela ciá, i práuticamenti se puei leel la su estoria a través delos mesmus. Están presentis en toa la arquitetura Aveirense, dendi las antiguas casas de pescaoris, ata los moernus edificiús, passandu por teatrus, catedral, eglesias, museus, edificiús oficialis, etc.

Alreol: Playas de península de São Jacinto (Aveiru), Torreira (Monocipiu de Murtosa) Barra, Costa Nova (monocipiu de Ílhavo) i Vagueira (monocipiu de Vagos).

Muellis d'Aveiru

Referencias

[Edital | Editá'l códigu]
  1. Worldpostalcodes.org,código postal n.º 3800.
  2. aemet.es, Atlas climáticu ibéricu.
  3. "Climate Normals 1981-2010 - Aveiro". IPMA. Retrieved 2015-03-21. 
  4. «Aveiro Climate, Weather By Month, Average Temperature (Portugal) - Weather Spark» (en inglés). weatherspark.com. Consultado el 3 de enero de 2022. 
  5. {{cita libro|apellido= Prantilla:Versalita|nombre=Alexandre |enlaceautor=Alejandro Herculano|título=Portugaliae Monumenta Historica. Diplomata et chartae |volumen =I |año=1868|ubicación=Lisboa |editor = Academia de Ciencias de Lisboa|editorial = Olisipone |oclc = 504624362 |url =http://purl.pt/12270/3/cg-2698-a-1/cg-2698-a-1_item3/index.html#/0%7Cpágina=46%7Cref=harv
  6. «Aveiro». mca.cm-aveiro.pt. Archivado desde el original el 11 de abril de 2018. Consultado el 19 de noviembri de 2016. 
  7. cita libro|nombre=Jorge|apellido=Prantilla:Versalita|título=Ao encontro de Aveiro|año=2002|página=29
  8. Cita libro|apellidos=Prantilla:Versalita|nombre=Antonio José|título=Heritages and Memories from the Sea. Proceedings of the 1st In ternational Conference of the UNESCO Chair in Intangible Heritage and Traditional Know-how: Linking Heritage. 14-16 January 2015|capítulo=The fable of the cod and the promised sea. About portuguese traditions of bacalhau|editor=Themudo Barata y João Magalhães Rocha|url=http://www.academia.edu/15680102/The_fable_of_the_cod_and_the_promised_sea._About_portuguese_traditions_of_bacalhau%7Cfechaacceso=7 de diziembri de 2016|idioma=EN|año=2015|ubicación=Évora|isbn=978-989-99442-0-6|páginas=130-143|urlarchivo=https://web.archive.org/web/20160101100218/http://www.academia.edu/15680102/The_fable_of_the_cod_and_the_promised_sea._About_portuguese_traditions_of_bacalhau%7Cfechaarchivo=1 de eneru de 2016
  9. «Lei n.º 11-A/2013 de 28 de janeiro. Reorganização administrativa do território das freguesias». Diário da República (en portugués). 28 de eneru de 2013. Consultado el 15 de hebreru de 2022. 
  10. Aveiro, Portugal Turismu en Portugal, realizau en colaboraciún cola escuela de turismu.

Atijus p'ahuera

[Edital | Editá'l códigu]