Bakú
| Bakú | ||||
|---|---|---|---|---|
| Entidad subnacional | ||||
 | ||||
| ||||
 Ubicación de Bakú | ||||
| Coordenadas | 40°22′00″N 49°50′07″E / 40.366655555556, 49.835183333333 | |||
| Entidad | Şəhər y Capital nacional | |||
| • País | Prantilla:Geodatos Azerbaiyán | |||
| Superficii | ||||
| • Total | 2140 km² | |||
| Altol | ||||
| • Media | -28 m s. n. m. | |||
| Puebración (1 de heneru de 2021) | ||||
| • Total | 2300500 hab. | |||
| • Densidá | 1075 hab/km² | |||
| Huso horario | UTC+04:00 | |||
| Código postal | AZ1000 | |||
| Prefijo telefónico | 12 | |||
| Sitio web oficial | ||||
Bakú (Prantilla:Lang-az, [bɑˈkɯ]/باکی, en persa, بادکوبه/Badkube)[1] es la capital i ciá más puebrá de Azerbaiyán, del Mari Caspiu i del Cáucasu. Está situá ena costa sur dela Península d'Absheron, que se pruyecta nel Caspiu. La ciá se componi de dos partis prencipalis: el centru i la ciá vieja enterior. En eneru de 2018, Bakú tenía una puebración de 2 262 600 abitantis,[2] delos qualis 153 400 eran Desplaçaus enternus i 143 400 Refugiaus dela guerra del Altu Karabaj.
Bakú se dividi n'onci destritus alministrativus (raionis) i 48 municipius. Entri estus se topan los municipius delas islas dela Baía de Bakú i Neft Daşları construías sobri pilotis nel Mari Caspiu, a 60 km de Bakú. El centru urbanu dela ciá, col Palaciu delos Shirvansháhs i la Torre dela Donzella, fue enscritu pola Unesco comu Patrimoniu dela Umanidá en 2000. D'alcuerdu cola clasificación de Lonely Planet, Bakú tamién se topa entri los diez meyoris destinus de vida nocturna urbana del mundu.[3]
La ciá fue unu delos mayoris centrus petrolerus dela antigua Unión Soviética i ogañu es el centru científicu, coltural i endustrial de Azerbaiyán. Abondas enstitucionis importantis d'Azerbaiyán tienin la su sedi allí, encluyendu SOCAR, una delas cien prencipalis empresas del mundu, entri otras.[4] El Puertu de Comerciu Marítimu Enternacional de Bakú, protehiu polas islas del Archipiélagu de Bakú hacia el este i la península d'Absheron al norti, es capaç de transportal dos millonis de tonelás de carga gineral i seca a granel por añu.[5] La ciá acohió el 57º Festival d'Urovisión en 2012 i fue la sedi delos Xuegus Uropeus 2015, es la sedi del Gran Premiu d'Azerbaiyán de Fórmula 1 dendi 2016 i fue la sedi del Campeonatu Mundial de Ciclismu BMX en 2018 i dela EURO 2020. Del 11 al 22 de noviembri de 2024 fue sedi dela COP 29 dela Convención Marcu delas Nacionis Unías sobri el Cambiu Climáticu (CMNUCC).[6]
Toponimia
[adital | adital cóigu]La etimología populal saca el nombri del persa بادکوبه (Bâd-kube) «ciá golpiá pol el vientu», de bād, «vientu» i kube, de la que la raís es kubidan, «golpeal»;[7] esta esplicación s'ha convertíu nun apodu de la ciá «ciá de los vientus»[8]
Entri las hipótesis etimológicas se puei mensional la que lo interpreta comu el persa Baghkuh, «Monti de Dios», de Baga (más tardi Bagh) i Kaufa (oi en día Kuh) «Dios» i «Montaña», respetivamenti, o bien de Bagh i kuy «ciá».
Segúnd L.G. LopatinskiГан[9] Bakú provien del turcu[10] pa «colina».[11] El istoriaol especialista nel Cáucasu K.P. Patkanov tamién sostien la mesma teoría, peru piensa que Bakú s'origina ena lengua lak.
Estoria
[adital | adital cóigu]
Los orígenis de Bakú se remontan al Prantilla:Siglo; nostanti, namás se tien constancia escrita dela su dessistencia dendi el 885 d. C. Ai una tupa de teorías sobri el origin del su nombri, peru las más acetás son las qu'afirman que Bakú vien del persa bagh kuh («montaña de Dios») o de bad kube («ciá de los vientus»), ya que duranti la mayor parti de la su istoria, Bakú perteneció a Persia.
La ciá ganó emportancia endispués del terramotu que destruyó la capital del khanato de Shirván Şamaxı nel Prantilla:Siglo, aquandu el gobernantis shirvanshah, Akhsitan I, hizu de Bakú la nueva capital. En 1501, el sah safávida Ismaíl I sitió la ciá. Nesta época la ciá hue encerrá drentu delas líneas de fuertis murallas, que huerun bañás pol mar porun lau i protegías porun anchu fossu en tierra. En 1540 fue tomá de nuevu pol las tropas safávidas. En 1604 la fortaleça de Bakú fue destruía pol sah Abbás I.
El 26 de huñu de 1723, endispués dun largu assediu i fuegu de cañón la ciá se rindió alos rusus. D'alcuerdu cun decretu de Pedro el Grande los soldaus de dos regimientus serían dejaus ena guarnición de Bakú baxu el mandu del prencipi Baryatyanski, el comandanti dela ciá. En 1795 Bakú fue envaio pol Aga Muhammad Khan pa defender-si delas ambicionis dela Russia zarista de sometel el Cáucasu Sul.
Ena primavera de 1796, pol ordin de Catalina II, las tropas del general Zubov escomençun una emportanti campaña en Transcaucasia. Bakú s'entregó endispués dela primera demanda de Zubov, que había enviau 6000 soldaus a tomal la ciá. El 13 de huñu de 1796 una flotilla russa entró ena baía de Bakú, dehandu una guarnición de tropas russas ena ciá. El general Pavel Tsitsianov fue nombrau comandanti dela ciá. Sin embargu, el zar Pablo I le mandó paral la campaña i retiral las huerzas rusas. En marçu de 1797 los soldaus zaristas dehun Bakú, inque un nuevu zar, Alejandro I, prencipió a muestral un enterés especial ena catura dela ciá. En 1803, Tsitsianov llegó a un alcuerdu con el khan de Bakú, peru el alcuerdu hue anulau al pocu tiempu. El 8 de hebreru de 1806 el khan Huseyngulude de Bakú apuñaló i mató a Tsitsianov enas puertas dela ciá.
En 1813, Rusia firmó el tratado de Gulistan con Persia, que preveía la cesión de Bakú i la mayor parti del Cáucasu dendi Irán i la su anexión a Russia.
El primel pozu petrolífero hue perforau mecánicamenti nel suburbiu Bibi-Heybat de Bakú en 1846, a pesal de qu'una seri de pozus hueron escavaus a manu con anterioridá. La esploración de petroleu a gran escala escomençó en 1872, cuandu las autoridás emperiales rusas subastaron las parcelas de tierra ricas en petroleu, alreol de Bakú a enversoris privaus. Drentu d'un cortu períodu de tiempu enversoris suiçus, británicus, francesis, belgas, alemanis, suecus i estaunidensis apaicieron en Bakú. Entri ellus s'alcontraban las empresas de los hermanos Nobel huntis con la familia von Börtzell-Szuch i la familia Rothschild. Un cinturón endustrial petrolífero, más conociu comu la Ciá Negra, s'estableció serca de Bakú. A los prencipius del Prantilla:Siglo, casi la mitá de la produción mundial s'estrayía en Bakú.«Window2Baku.com». Window2Baku.com. Consultado el 17 de abril de 2010.
En 1917, aspués de la Revolución de Octubre i en meyu de la agitación de la Primera Guerra Mundial i la desentegración del Imperio ruso, la ciá quedó bahu el control de la Comuna de Bakú, que hue conducía pol el veteranu bolcheviqui Stepán Shaumián. Tratandu de capitaliçal los atualis conflictos interétnicus, ena primavera de 1918, los bolcheviquis inspiraron i toleraron la guerra civil en Bakú i alreol. Duranti los enfamis días de marçu, los bolcheviquis i los Dashnak que buscaban establecel el control sobri las calles de Bakú, se frentaron a los grupos armaus musulmanis. Los musulmanis sufrieron una aplastanti derrota pol las huerzas unías del Bakú soviéticu i hueron masacraus pol los equipus Dashnak. El 28 de mayo de 1918, la facción d'Azerbaiyán del Sejm Transcaucasico proclamó la endependencia de la República Democrática de Azerbaiyán (ADR) en Ganja. Al pocu tiempu, las huerzas d'Azerbaiyán, con el apoyu del ejércitu otomanu liderau pol Nuri Pasha, escomençaron el su avanci hacia Bakú, lograndu al final la captura de la ciá de las manos de la gran coalición de bolcheviquis, eserres, dashnaks, mencheviquis i las huerzas británicas bahu el mandu del general Lionel Dunsterville el 15 de septiembri de 1918. Miles de armenius residentis o refugiaus ena ciá hueron asesinaus en vengança pol las anterioris jornadas de marçu.Furuz Kazemzadeh, Struggle For Transcaucasia (1917–1921), New York Philosophical Library, 1951, p. 143–144
El 28 de abril de 1920, el 11.º Ejércitu Rojo envaidió la ciá ponientu de nuevu a los bolcheviquis i haziendu de Bakú la capital de la República Socialista Soviética de Azerbaiyán.
Duranti la continua invasión de la Alemania nazi al sudoeste de la Unión Soviética, la captura de los campos petrolíferos de Bakú, habría síu unu de los objetivus fundamentales de la operación Edelweiss, llevá a cabu entri mayo i noviembri de 1942. Nu ostanti la máxima aprusimación del ejércitu alemán a Bakú hue d'unus 530 kilómetros al noroesti en noviembri de 1942, mui lergus de tomal la ciá antis de sel rechazaus duranti la operación soviética pequeñu Saturno a meyaus de diziembri de 1942.
En 1991, cola disolución de la Unión Soviética, Bakú se convertió ena capital dela nueva República endependienti d'Azerbaiyán.
Colas iniciativas pa salval la ciá nel Prantilla:Siglo, Bakú s'embarcó nun procesu de reestruturación a una escala nunca vista antis ena su istoria.[12] Miles d'edificius de la época soviética hueron derribaus pa darlis passu a un cinturón verdi enas sus costas, parquis i jardinis hueron construíus enos terrenus ganaus llenandu las prayas de la bahía de Bakú. S'han realizau mejoras ena limpieça heneral asina comu nel mantenimientu i la recoleción de la basura, adecuando estos servicius a las normas europeas oçidentalis. La ciá está creciendu i desarrollándosi de forma dinámica i a toa velociá sobri un exi esti-oesti al longu de las orillas del mari Caspiu.
Geografía i clima
[adital | adital cóigu]
Bakú s'alcuentra ena costa oçidental del mar Caspio. Enos alreoris de la ciá ai una seri de volcanis de lodu (Keyraki, Bogkh-bogkha, Lokbatan i otros) i lagus de sal comu el Boyukshor o el Khodasan.
La ciá tien un clima semiárido templau (Clasificación climática de Köppen: BSk), con veranus cálidus i secus i enviernus frescus i úmidus, asina comu huertis vientus duranti tou el añu. Sin embargu, a deferencia de muchas otras ciáis con esti clima, Bakú nu esperimenta veranus mu calorosus. Estu es en gran parti deviu a la su latitú norti, i el hechu de que s'alcuentra nuna península ena costa del mar Caspio. Bakú i la península de Absheron ena que s'alcuentra, es la parti más árida d'Azerbaiyán, ondi las precipitacionis son d'alreol de 200 mm al añu o menos. La mayor parti de la precipitación anual ocurri nel restu de las estacionis ecetu en veranu, peru dengunu d'estus mesis son particularmenti úmidus.
Duranti la época soviética, Bakú, con las sus largas oras de sol i el clima seco, era un populal destinu de vacacionis ondi los ciudaanus podían disfrutal de prayas de calidá o relaxarsi enos complejos de spa, agora en ruinas con vistas al mar Caspio. El passau de la ciá comu un centru endustrial soviéticu la ha dehau, sin embargu, comu una de las ciáis más contaminás del mundu.[13]
Al mesmu tiempu, Bakú se nota comu una ciá con costantis rachas de vientu duranti tou el añu; vientus uracanaus, el fríu vientu del norti khazri i el cálidu vientu del sul gilavar son típicus en todas las estacionis. De hechu, la ciá es famosa poles sus herociis tormentas de nievi i huertis vientus. La velociá del khazri, a vezis, llega a los 144 kilómetros pol ora, lo que puei causal dañus a los cultivus, árbolis i tejaus.[14]
La temperatura meya diaria en huliu i abostu es de 26,4 °C i ai mui poca lluvia duranti esa temporada. En vranu, el khazri apaçi trayendu temperaturas más frescas. El enviernu es fríu i úmidu, con una temperatura meya diaria en eneru i hebreru de 4,3 °C. En enviernu, el khazri es ampulsau pol masas d'airi polar, pol lo que las temperaturas ena costa con frequencia cayen pol bahu de ceru i hazi que haiga una sensación térmica mui baja. Las tormentas d'enviernu de nievi son ocasionalis i la nievi sueli permanecel unus pocus de días endispués de cá nevá. La temperatura promediu anual en Bakú i la de la Tierra se deferencian en menos de 0,1 °C: es de 14,2 °C.[15]
Economía
[adital | adital cóigu]La basi dela economía de Bakú es el petróleu. Se conocía la su esistencia dendi el Prantilla:Sigru. Acia el Prantilla:Sigru, el aceiti delas lámparas s'obtenía al través de poçus superficialis. La esplotación comercial prencipió nel 1872, i acia el prencipiu del Prantilla:Sigru el campu de petróleu de Bakú era el más grandi del mundu. Acia el final del Prantilla:Sigru muchu del petróleu de tierra ya s'avía agutau, i las prospeccionis se destendían acia el mar Caspio. Bakú es unu delos prencipalis centrus de produción d'equipamientus pa la endústria petrolera. La batalla de Stalingradu, duranti la Segunda Guerra Mundial, se libró pa determinal quién avía de tenel el control sobri los campus de petróleu de Bakú. Cinquenta añus antis dela batalla, Bakú producía la metá del petróleu mundial.
Referencias
[adital | adital cóigu]- ↑ cite web|url=http://iranchamber.com/podium/culture/020920_politicizing_linguistics.php|title=Culture & Religion on Podium: Politicizing Linguistics|accessdate=25 d'abostu de 2009|publisher=Web.archive.org|archiveurl=https://web.archive.org/web/20071013212555/http://iranchamber.com/podium/culture/020920_politicizing_linguistics.php|archivedate=13 d'octubri de 2007
- ↑ Cita web |url=http://www.azstat.org/region/az/002.shtml |título=Bakı şəhəri - Azərbaycan Dövlət Statistika Komitəsi |fechaacceso=28 de marçu de 2013 |urlarchivo=https://web.archive.org/web/20120630153812/http://www.azstat.org/region/az/002.shtml |fechaarchivo=30 de xuniu de 2012
- ↑ cita noticia |url = http://www.reuters.com/idUSTRE5AC0NE20091113?pageNumber=2&virtualBrandChannel=11617 |título = Travel Picks: Top 10 cities to party the night away |editorial = Reuters |fechaacceso = 21 de noviembri de 2009 |fecha = 13 de noviembri de 2009 |urlarchivo = https://web.archive.org/web/20091123104005/http://www.reuters.com/idUSTRE5AC0NE20091113?pageNumber=2&virtualBrandChannel=11617 |fechaarchivo = 23 de noviembri de 2009
- ↑ Cita web |url=http://www.turkishweekly.net/columnist/2487/state-oil-company-of-azerbaijan-republic-transition-from-national-to-transnational-company-or-demand-of-time.html |título=State Oil Company of Azerbaijan Republic: Transition from National to Transnational Company or Demand of Time? |editorial=Turkishweekly.net |fecha=28 de xineru de 2011 |fechaacceso=17 de diziembri de 2011 |urlarchivo=https://web.archive.org/web/20120111181320/http://www.turkishweekly.net/columnist/2487/state-oil-company-of-azerbaijan-republic-transition-from-national-to-transnational-company-or-demand-of-time.html |fechaarchivo=11 de xineru de 2012
- ↑ Cita web |url=http://www.worldportsource.com/ports/AZE_Port_of_Baku_2192.php |título=Port of Baku |editorial=World Port Source |fechaacceso=23 de diziembri de 2010 |fechaarchivo=21 de xunyu de 2011 |urlarchivo=https://web.archive.org/web/20110721064024/http://www.worldportsource.com/ports/AZE_Port_of_Baku_2192.php |deadurl=yes
- ↑ Cita web|url=https://unfccc.int/process-and-meetings/conferences/the-road-to-baku|fechaacceso=2024-05-22|sitioweb=unfccc.int
- ↑ Iran Chamber Society (en inglés)
- ↑ (Prantilla:Lang-az).«The origin and etymology :: Baku». bakucity.preslib.az. Consultado el 28 de agosto de 2020.
- ↑ К.Ф. Oпыть объяснения кавказских географических названий. Тифлис, 1909 i Ali Huseynzade,.The Name “Baku”
- ↑ Наделяев В.М., Насилов Д.М., Э.Р.Тенишев, Щербак А.М., Боровkova Т.А., Дмитриева Л.В., Зырин А.А., Кормушин И.В., Летягина Н.И., Тугушева Л.Ю. Древнетюркский словарь, Ленинград 1969. (Diccionario de turco antiguo, en ruso)
- ↑ «Bakı sözünün mənası nədir? (en azerí: ¿Cuál es el significado de la palabra Bakú?)».
- ↑ «Money from oil changes the face of Azerbaijan». news.az. Consultado el 22 de julio de 2011.
- ↑ Tiffany M. Luck (26 de febrero de 2008). «The World's Dirtiest Cities». Forbes. Archivado desde el original el 2 de diciembre de 2010. Consultado el 17 de noviembri de 2010.
- ↑ «Global ICT Conference : 25-28, November, 2004 : Baku, Azerbaijan». Global-ict.mincom.gov.az. Archivado desde el original el 8 de noviembri de 2010. Consultado el 17 de abril de 2010.
- ↑ «Window to Baku». Window2baku.com. Archivado desde el original el 10 de mayo de 2010. Consultado el 17 de abril de 2010.