Bandidagi n'Estremaúra
El bandidagi n'Estremaúra hue un fenómenu social i criminal que se desenrolló prencipalmenti duranti los siegrus XVIII i XIX, nun contestu d'inestabiliá política, probeza rural i escasa presencia del Estau enas zonas más remotas.[1] Enque l'istoriografía sobri esti fenómenu está limitá, s'án identificau diversas quarillas i figuras emblemáticas que marcarun l'estoria dela región.[1]
Contestu estóricu
[adital | adital cóigu]La geografía montañosa i la falta d'infrastruturas n'Estremaúra duranti los siegrus XVIII i XIX favorecierun los grupus de bandolerus que operavan al margin la lei. Las sierras escarpás, los bosquis densus i los vallis aisláus ofrecían refugiu natural pa estas quarillas, premitiéndo-lis moverl-si con facilidá, esconder-si delas utoridáis i planficiar ataquis a viajerus, comerciantis i haziendas sin sel detetáus.[2][1] El surgimientu del bandolerismu estremeñu estuvu ligáu a un contestu de crisi conómica, desigualdá social i conflitus políticus. La región esperimentava altus éndicis de probeza rural, con comunidáis dependientis dela agricultura de susistencia i el pastoreu, que a menúu no lis proporcionava meyus suficientis pa sobrevivil[1][3]. Esta situación favoreció que jóvenis i ombris sin resursus se vieran atrayíus pola vía delitiva comu meyu de sustentu u de resistencia frenti alas injusticias percebías.
el bandolerismu tamién estuvu enfrugenciáu polos conflitus bélicus i políticus qu'afetarun España duranti esti periodu. Las guerras civilis, especialmenti las Guerras Carlistas, debilitarun l'utoriá central i provocarun el desordin en numerosas regionis ruralis. N'estas cercustancias, muchas zonas d'Estremaúra quearun práticamenti huera del control efetivu del Estaú, lu que premitió que las quarillas de bandolerus s'assentassin de holma duraera n'áreas comu Las Hurdis, la Vera, el Campu Arañuelu i la Sierra de Gata, ondi podían atual con relativa impunidá.[4]
Amás, l'inessistencia de veras adequás i l'escassa presencia de huerças policialis formalis dificultavan la persecución d'estus grupus, mentris que las réis de solidaría local (a vezis pol mieu, otras pol afiniá colos bandolerus) lis proporcionavan inholmación, refugiu i apoyu logísticu. N'esti contestu, los bandolerus no sólu no eran delicuentis aisláus, sino que holmavan parti d'un fenómenu social comprexu, que refrexava la tensión entri l'utoriá central i las puebracionis ruralis estremas.[2][5]
El bandidagi estremeñu, pol tantu, no puei entendel-si únicamenti comu criminalidá; tamién es un refrexu dela repuntá, la resistencia social i las dificultáis estruturalis d'una región marcá pola probeza, l'aislamientu i l'inestabiliá política duranti los siegrus XVIII i XIX.[1][3]
Zonas de bandidagi
[adital | adital cóigu]El bandidagi n'Estremaúra no se distribuyó de manera uniformi, sino que se concentró en áreas con caraiterísticas geográficas, socialis i conómicas particularis que facilitavan l'atividá delos grupus armaus. Estas zonas combinavan aislamientu, terrenus montañosus i escasa presencia dela utoridá, lu que premitió que bandas localis operaran duranti largus periodus sin sel detetás o controlás polas huerças del Estau.
Norti de Caçris
[adital | adital cóigu]El norti la provincia de Caçris, mayolmenti en tornu alas comarcas de Las Hurdis i la Sierra de Gata, hue unu los prencipalis focus de bandidagi n'Estremaúra.[1][6] L'orografía acidentá i los densus bosquis ofrecían refugiu natural alas quarillas, premitiéndo-lis escapal tras cometel robus o atus violentus. N'esta zona surgierun bandas famosas comu "Los Muchachos de Santibáñez!, cuya atividá provocó el despuebramientu temporal d'angunus puebrus debíu al miéu qu'enfundían los sus ataquis. La difíci comunicación con otras partis dela provincia compricava l'intervención dela justicia, consolidandu l'impunidá delos bandolerus duranti largus periodus.
La Vera i el Campu Arañuelu
[adital | adital cóigu]Las comarcas de La Vera i Campu Arañuelu huerun escenariu de numerosus episodius de bandidagi, mayolmenti a finalis del siegru XVIII i duranti'l XIX.[1] La prossimida a vereas i rutas que conetavan Estremaúra con Castilla i el restu d'Andalucía hazía qu'estas zonas hueran estratégicas palos assaltus a viajaoris i comerciantis. Aquí destarun pressonagis comu Juan Morales González, conocíu comu "El Cabrerín", apregonau pol tola región.
Valli del Taju i Sierra de Montánchez
[adital | adital cóigu]Otra zona emportanti hue'l valli del Taju i la Sierra de Montánchez, ondi las estechas vereas i el terrnu escarpau premitían emboscás i fugas rápidas.[1] La puebración d'esta área, en muchus casu emprobecía i repuntá, veía n'angunus bandolerus feguras quasi míticas, que se ganavan la simpatía local al enfrentar-si alas utoridáis o a grandis terretenientis, enque los sus métodus hueran violentus.[7]
Sul de Baajós
[adital | adital cóigu]Enque en menol medía qu'en Caçris, el sul dela provincia Baajós, mayolmenti ena comarca de La Serena, tamién esperimentó atividá bandolera.[1] Las grandes destensionis de hesa, junta l'escassa densdiá puebracional, facilitavan la moviliá delas quarillas i dificultavan la pressecución pol parti la Guardia Civil. Los robus de ganau i assaltus a haziendas huerun los delitus más frecuentis n'esta zona.
-
Las Hurdis -
La Vera -
Campu Arañuelu -
Montánchez -
La Serena
Fatoris comunis delas zonas de bandidagi
[adital | adital cóigu]En todas estas áreas, repitin-si ciertus fatoris qu'esplican la concentración del bandidagi:
- Geografía acidentá: Montañas, vallis i bosquis proporcionavan refugius naturalis.[1][3]
- Probeza rural: La falta recussus i oportunidáis conómicas fomentava la relación con bandas armás.[1][5]
- Débil presencia del Estáu: L'assencia d'utoridáis i cuerpus policialis facilitava l'impunidá.[1][3]
- Rutas de tránsitu: La cercanía a vareas comercialis o ganaeras umentava l'oportunidá pa dil ala manta i secostral.[3][5]
Estas caraiterísticas combinás generarun un caldu de coltivu propiciu paque'l bandidagi se consolidara comu un fenómenu social i delitivu de gran emportancia n'Estremaúra entri los siegrus XVIII i XIX.
Quarillas i bandidus destacaus
[adital | adital cóigu]- Los Muchachos de Santibáñez: Una delas quarillas más conocías, ativa enas comarcas del norti Caçris. Caraiteriçá pola su violencia i polas atrocidáis cometías en monecipius comu Diganzalis, qu'enclussu des despuebró polos saqueus i assessinatus.[8]
- El Cabrerín: Ena Vera, destacó Juan Morales González, conocíu comu "El Cabrerín". Esti jovin, tras vel-si involucrau nun omiciliu en Peñafalcón, convirtió-si en bandoleru i hue executau púbricamenti en Prasencia en 1830.[9]
- Pedro Piñero, col moti "El Maragato", hue otru bandoleru destacau dela región. La su catura i execución a finalis del siegru XVIII generarun una notabli produción literaria i artística, refrexandu l'atención pública pazia esti fenómenu.[10][11]
- José María Cabrera, conocíu comu "El Chico Cabrera", que hue l'últimu bandíu estremeñu sigún la tradición populal, tuvu la su zona d'operacionis en Serraílla a finalis sel siegru XIX.[12][13]
La lucha contra'l bandidagi
[adital | adital cóigu]La criación dela Guardia Civil,en 1844 marcó un puntu d'inflessión ena lucha contra'l bandidagi n'Estremaúra. Dendi la su hundación, esti cuerpu de segurança participó ativamenti ena catura de bandolerus i ena restauración del ordin enas zonas ruralis.
Destaca Mariano Ceferino del Pozo, qu'acabijó conos Muchachos de Santibáñez.
Representacionis colturalis
[adital | adital cóigu]Un exempru contemporániu dela memoria del bandidagi n'Estremaúra es la penícula Territoriu de bandolerus (2013) dirigía pol Néstor del Barco i José Ignacio Cobos. La cinta narra l'estoria de Juan Morales, conocíu comu "El Cabrerín", un jovin bandoleru dela comarca de Monfragüe, i hue rodá íntegramenti en Serraílla con atoris localis i en serraillanu. La pinícula combina hechus estóricu cona participación comunitaria, destacandu la relación entri bandolerus i l'entornu rural estremeñu, i á contribuyíu a difundil l'estoria del bandolerismu ena región por mé d'un meyu coltural i acessibli.
Referencias
[adital | adital cóigu]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Flores del Manzano, F. (2024). El bandolerismo en Extremadura [PDF]. Diputación Provincial de Cáceres. Recuperado de https://archivo.dip-caceres.es/wp-content/uploads/2024/01/03-021-007-El_bandolerismo.pdf
- ↑ 2,0 2,1 Flores del Manzano, F. (1992). El bandolerismo en Extremadura. Universitas Editorial.
- ↑ 3,0 3,1 3,2 3,3 3,4 García Fernández, J. (2005) Bandolerismo y sociedad en la Extremadura del siglo XIX. Cáceres: Editora Regional.
- ↑ Flores del Manzano, F. (1992). El bandolerismo en Extremadura (Vol. 14, Biblioteca popular extremeña). Universitats Editorial.
- ↑ 5,0 5,1 5,2 Porrúa, A. (1997). Historia del bandolerismo en España. Madrid: Alianza Editorial.
- ↑ Bandoleros de Sierra de Gata
- ↑ Aspectos folklóricos en torno a la cuadrilla de los Muchachos
- ↑ García Carrero, F. J. (año). El Chico Cabrera. El último bandolero en la Extremadura decimonónica. Tabularium Edit, (10)2, 121 y ss
- ↑ El bandido "El Cabrerín"
- ↑ Bandolerismo, patíbulo y reforma de las costumbres en la España de finales del siglo XVIII: el caso de Pedro Piñero «el Maragato»
- ↑ Flores del Manzano, Fernando. "Características, localización y consecuencias del bandolerismo extremeño contemporáneo". Revista Alcántara, Números 23 y 24, 1991, pp. 7-28. Enlace
- ↑ «Chico Cabrera», el último bandolero extremeño
- ↑ Conoce la leyenda del bandolero extremeño más famoso: El Chico Cabrera
Bibliografía
[adital | adital cóigu]- Flores del Manzano, Fernando. "Los Muchachos de Santibáñez y otras cuadrillas facinerosas en la Extremadura contemporánea". Revista Alcántara, Número 28, 1993, pp. 7-38.
- García Carrero, Francisco Javier Un siglo de historia de la Guardia Civil en Extremadura. Desde su fundación a la lucha contra el maquis (1844-1944). Diputación Provincial de Badajoz, 2017.
- Ruiz Mas, José Guardias civiles, bandidos, gitanos, guerrilleros, contrabandistas, carabineros y turistas en la literatura inglesa contemporánea (1844-1944) Peter Lang AG, 2010.
- Periáñez Gómez, R., Gil Soto, A., & García Barriga, F. (1996). "Quien tal hace que tal pague": la criminalidad en la raya de Extremadura en el siglo XVIII. Norba. Revista de Historia, 16, 451-474. Recuperado de https://dehesa.unex.es/bitstreams/eda9f886-6c5a-4435-b24d-1e7926156c4d/download