Belvís
| Belvís | ||
|---|---|---|
| Entidad subnacional | ||
.jpg) | ||
 Escudo | ||
| Coordenadas | 39°49′09″N 5°36′33″O / 39.819166666667, -5.6091666666667 | |
| Capital | Belvís de Monroy | |
| Entidad | Monicipiu d'España y Villa | |
| • País |
 España | |
| Superficii | ||
| • Total | 45 km² | |
| Puebración (2024) | ||
| • Total | 743 hab. | |
| • Densidá | 16,51 hab/km² | |
| Huso horario | UTC±00:00, UTC+01:00 y UTC+02:00 | |
| Código postal | 10394[1] | |
| Sitio web oficial | ||
Belvís de Monroy es un monicipiu español, ena provincia de Caçris, comunidad autónoma d’Estremaura. Perteneci al partidu judicial de Navalmoral de la Mata i a la mancomunidad del Campu Arañuelu. Quenta con una puebración de 743 abitantis en 2024.
Teni várius núcleus de puebración: Belvís de Monroy, la pedanía de Casas de Belvís i las urbanizacionis de Las Narotas i Los Pinus. El monicipiu es conocíu pol castillu de Belvís de Monroi i el conventu del que partun los Doci Apóstolis de Méxicu.
Símbulus
[adital | adital cóigu]El escudu de Belvís fue aprobau meyanti la "Orden de 2 de noviembri de 1984, pola que s’aprueba el Escudu Heráldicu Municipal del Ayuntamientu de Belvís de Monroy", publicá ena Diario Oficial de Extremadura el 15 de noviembri de 1984 endispués d’habel siu aprobau el escudu pol ayuntamientu el 29 de huliu de 1982 i abel emitíu informis favorablis la Real Academia dela Estoria el 14 de setiembri de 1984 i la Diputación Provincial de Caçris. El escudu se defini assin:
Geografía
[adital | adital cóigu]S’alcuentra al sul dela comarca cacereña del Campu Arañuelu, cerca del ríu Taju, cuyas áuguas se recogin nel embalsi de Valdecañas, al sul del monicipio, dandu passu a la comarca de Los Iboris. Al suroesti, la Sierra d’Almaraz marca la lindi del su términu municipal, que alcanzça una altura de 560 metrus. El puebru s’alça a 382 metrus sobri el niveli del mari i dista 106 quilómetrus de la capital provincial.
Estoria
[adital | adital cóigu]Edá Meya
[adital | adital cóigu]Señoríu de los Boti
[adital | adital cóigu]Los oríginis del municipio están ligaus a l’antigua tierra de Prasencia que fue creá ena Edá Meya cumu consecuencia de la Reconquista cristiana del noresti d’Estremaura. Belvís ("bella vista") era originalmenti una desa situá ena parti más oriental de la tierra de Prasencia, que destacaba pol poseel un emportanti oteru. Cumu consecuencia de las dificultais pa mantenel la seguriá nun territoriu recentementi reconquistau i pocu puebrau, los reis castellanus del sigru XIII se vierun obligaus a entregal tierras pracentinas a nobris de su confiança. En esi contestu Sancho IV de Castilla otorgó en 1290 a Hernán Pérez de Prasencia el territoriu de Belvís con privilegiu pa puebra-llu con treinta vasallus i alçal «casa fuerça» pa defendel-si de los golfinis. El privilegiu fue dau en Toleu el día 10 de enero de 1290.[2]
Hernán Pérez tomó el apellíu "del Boti" duna deesa belvisa i la familia pracentina Boti gobernó Belvís a lo largu del XIV. En 1323, Alfonso XI concedió a los Boti privilegiu pa que Belvís fuessi villa, creándusi en 1329 un mayorazgo que abarcaba Belvís, Fresnedosu, Mesas d'Ibor i La Peraleda. Su iju Enrique II confirmó los mayorazgus en 1369. El nietu d’Hernán Pérez del Bote falleció sin descendencia legítima, lo que hizu que en 1394 passasi Belvís pol testamentu al señol d’Almaraz i Deleitosa, Diego Gómez d’Almaraz, terminandu assin el sigru de dominiu de los Boti sobri la villa que fundarun.
Señoríu de los Almaraz
[adital | adital cóigu]
Los d’Almaraz eran, huntu con los del Boti i los de Monroy, una de las tres familias placentinas más influyentis de su época. Los Almaraz i Monroy mantenían una fuerça enemistá que s’agravó quandu dambos dos militarun en bandus opuestus de la primera guerra civil castellana (1351-1369) entri el rei Pedro I i su meyiu ermanu Enrique de Trastámara, llegandu a producilsi homicidius ena disputa. Pa ponel paç entri las familias Almaraz i Monroy, se pactó el matrimoniu entri Isabel d’Almaraz, ija de Diego Gómez d’Almaraz, i Hernán de Monroy i Rodríguez de las Varillas, de manera que nel XV Belvís se convirtió en cabeça d’un mayorazgo ondi s’incluían tantu Belvís i su campana (quatru lugaris que se desenvolvun nel XV: Casas de Belvís, Los Campillos, Valdehúncar, Valdecañas) cumu Peraleda, Fresnedoso, Almaraz, Deleitosa, Monroy i diversas tierras del Campu Arañuelo i valli del Árrago.
El estatus de Belvís cumu una de las localidais más destacás d’Extremadura a prencipius del XV duró pocu cumu consecuencia d’una cadena d’infortunius. El primogénitu del matrimoniu Monroy-Almaraz, Diego, murió en 1435 en Cádiz en combati contra los morus, i hubu de passal el señoríu a su ermanu Álvaro, quien al formá parti del clero nu tenía descendencia. Inque Álvaro pretendió repartil las tierras pacíficamenti entri sus ermanus Alonso i Rodrigo, los beneficiarius i sus descendientis acabarun mantenendu disputas a lo largu del XV que afectun gravimenti a güena parti d’Extremadura.
Edá Moerna
[adital | adital cóigu]
_07.jpg)
La consolidación nel podel delos Reyis Católicus pussu fin a güena parti delas disputas nobiliarias estremeñas del XV, inque nu puu desenvolvelsi una correuta repuebración nesti tiempu de paç debíu al descubrimientu d'América. Milis d’estremeñus emigrun acia tierras americanas, entri ellus várius belvisus. Ena conquista americana destacó el conventu de San Francisco del Berrocal, un conventu que en 1509 tenía fundau nesta villa Francisco de Monroy i que estaba abitau pol franciscanus descalçus: en 1523 partun daquí los doci apóstolis de Méxicu, la primera espedición evangelizadora del nuevu continenti.
En 1535, la heredera del señoríu belvisu Beatriz de Monroy contraxu matrimoniu con Fernando Álvarez de Toledo i Figueroa, dela Casa d’Oropesa, pol influencia de fray Pedru d'Alcántara, quien estaba vinculau a dambas dos casas señorialis. Estu supussu el declivi de la villa de Belvís, que passó a sel goberná dendi Oropesa; nostanti, Beatriz de Monroy construyó nel XVI el palaceti huntu al castillo belvisu pa gasta-llu cumu segunda residencia i dexó en Belvís várias obras piadosas, un ospital, un conventu i un ospiciu.
Tras el fallecimientu de Juan Álvarez de Toledo y Monroy en Xarandilla en 1619, los siguientis nobris localis se fuerun a viví a Mairil i passun a aministral estas tierras cumu si se trata-si d’una mera finca de campu. A partil del XVIII encetó a deterioral-si el castillu, que tenía quedau en manus dun alcaidi, i el lugal de Los Campillus queó despuebrau. Entri 1707 i 1725 nu ubu señol jurisdiccional reconocíu nestas tierras pol habel apoyau los Oropesa al bandu perdedol dela Guerra de Sucesión Española.
En 1768 passó el señoríu al ducau d'Alba. El su territoriu, que incruyía Mesas d'Ibor, Valdehúncar i Valdecañas, seguía gobernau pol aministratoris anti la lejanía de los nobris. La presencia de várius conventus hazía que en 1790 el 8% de la puebración local perteneciessi al clero.
Edá Contemporánea
[adital | adital cóigu]El fallecimientu sin descendencia de María Teresa de Silva Álvarez de Toledo en 1802 hizu passal el señoríu de Belvís a Diego Fernández de Velasco, quien perdió sus derechus pol unil-si a los afrancesaus ena Guerra Peninsular, ondi las tropas napoleónicas arrassun Belvís en 1809. Su iju Bernardino Fernández de Velasco, del bandu contrariu, fue el úrtimu señol de Belvís ata 1837.
A la caía del Antiguo Régimen la localidá se constituyi en municipiu constitucional ena región d’Estremaura. Dendi 1834 quedó integrau nel Partido judicial de Navalmoral dela Mata.[3] En el censu de 1842 contaba con 170 ogañus i 931 habitantis.[4]
Geografía umana
[adital | adital cóigu]Demografía
[adital | adital cóigu]Cuenta con una puebración de 743 abitantis en 2024.
| Gráfica de evolución demográfica de Belvís de Monroy[5] entre 1842 y 2021 |
 |
|
Puebración de derechu según los censos de puebración del INE. Puebración de hecho según los censos de puebración del INE. |
El términu municipal de Belvís de Monroy consta de dos núcleus de puebración reconocíus cumu tal: Belvís de Monroy i Casas de Belvís, estandu la puebración del municipio distribuía de la siguienti horma:[6]
| Localidá | 2002 | 2005 | 2008 | 2011 | 2014 | 2017 | 2020 |
|---|---|---|---|---|---|---|---|
| Belvís de Monroy (villa) | 310 | 310 | 315 | 308 | 304 | 331 | 319 |
| Belvís de Monroy (diseminaus) | 23 | 29 | 56 | 53 | 55 | 85 | 132 |
| Casas de Belvís | 273 | 262 | 306 | 295 | 279 | 328 | 282 |
| Total | 606 | 601 | 677 | 656 | 638 | 744 | 733 |
Ayuntamientu
[adital | adital cóigu]
Partíus políticus en el Ayuntamientu de Belvís de Monroy (2019)[7] | ||||
| Partíu políticu | Concejalis | |||
| Partido Socialista Obrero Español (PSOE) | ||||
| Partido Popular (PP) | ||||
| Extremeñus (EX) | ||||
Transportis
[adital | adital cóigu]La villa de Belvís de Monroi está conectá con Navalmoral dela Mata por mé dela carretera provincial CC-80, que se cruza con la carretera nacional N-5 nel ospital Campo Arañuelo i passa por Millanis i Casas de Belvís. Al sul de la villa passa la carretera CC-144, que lleva a Valdecañas de Taju passandu por Valdemorenu. Ai dos formas d’accedel dendi la villa a la cercana Autovía del Suroeste: pol su cruci con la CC-80 entri Millanes i Navalmoral u por una carretera local que sali al oesti de Belvís.[8]
Servicius públicus
[adital | adital cóigu]
Educación
[adital | adital cóigu]Los dos colegius públicus d’infantil i primaria que ai nel municipio (unu ena villa i otru en Casas de Belvís) forman parti del CRA Ríu Taju, que compartin con Romangordo, Saucedilla, Serrejón i Toril.[9] La educación secundaria puei estudialsi en Navalmoral de la Mata.[10]
Sanidá
[adital | adital cóigu]El municipio perteneci a al área de salú de Navalmoral dela Mata, villa ondi tamién s’ubica la sedi de la su zona de salú.[11] Ai un consultoriu d’atención primaria ena villa i otru en Casas de Belvís.[12] Ena capital municipal ai amás una farmacia, que coordina sus turnus de guardia con las otras farmacias de la çona de salud.[13]
Patrimoñu
[adital | adital cóigu]_02.jpg)
Entri sus monumentus cabi destacal:
- El Castillu de Belvís de Monroi, del XIII;
- El Rollu en metá dela praça;
- El Conventu de San Francisco del Berrocal;
- Ermita de Muestra Señora del Berrocal;
- Iglesia de Santiagu. Ilesia parroquial católica baxu la avocación de Santiagu Apóstol, nel arciprestazgu de Navalmoral dela Mata dela diócesis de Prasencia.[14]
Festividais
[adital | adital cóigu]En Belvís de Monroi se celebran las siguientis fiestas:
- Muestra Señora del Berrocal, patrona de Belvís de Monroy i Casas de Belvís, en huniu;
- Virgin del Rosario, en Belvís de Monroy, el primer fin de semana d’abostu;
- San Bernardu, patrón de Casas de Belvís, 20 d’abostu.
- Viernis Santu, representación de la pasión de Cristu, en Belvís de Monroy.
Referencias
[adital | adital cóigu]- ↑ Worldpostalcodes.org, código postal n.º 10394.
- ↑ Estoria Ayuntamientu de Belvís de Monroy
- ↑ [Instituto Cervantes|Cervantes Virtual]
- ↑ Municipio Cóigu INE -10.026 [1]
- ↑ Instituto Nacional de Estadística (España). «Alteracionis de los municipios en los Censos de Puebración dendi 1842». Consultado el 11 de noviembri de 2023.
- ↑ Instituto Nacional de Estadística de España (ed.). «Nomenclátor». Consultado el 27 de marçu de 2019.
- ↑ http://elecciones.mir.es/resultados2011/99MU/DMU1010902699_L1.htm?d=392&e=233
- ↑ Mapa de Belvís de Monroy Google Maps
- ↑ Directorio de Centros Educativos de Extremadura 2021-2022 Prantilla:Wayback Educarex - Junta de Extremadura
- ↑ Centros adscritos Prantilla:Wayback Educarex - Junta de Extremadura
- ↑ Decreto 180/2017, de 31 de otubri, pol que se modifica el Decretu 166/2005, de 5 de juliu, pol que s’aprueba el Mapa Sanitariu de la Comunidá Autónoma d’Extremadura
- ↑ «Catálogu de Centrus, Establecimientos i Servicius Sanitarius d’Extremadura 2018». Archivado desde el original el 19 de hebreru de 2022. Consultado el 10 de marçu de 2022.
- ↑ Colegiu Oficial de Farmacéuticus de Cáceris (ed.). «Farmacias de guardia ena provincia de Cáceris». Consultado el 9 de setiembri de 2021.
- ↑ LISTAR POR LOCALIDAD DE PARROQUIAS «Copia archivada». Archivado desde el original el 30 de noviembri1 de 2012. Consultado el 30 de noviembri de 2012.