Bexaranu (Palra)
| Bexaranu | ||
|---|---|---|
| Bexaranu | ||
 | ||
| Palrau en |
 España | |
| Región | Partíu juizial de Bexal, Sequeros; Salamanca | |
| Palrantis | Non tien estaísticas oficialis | |
| Familia |
Indouropeu | |
| Escreviúra | latina | |
| Estatus oficial | ||
| Oficial en | Careci d'oficialidá, inque comu parti del leonés estadría teóricamente afiau pol Estatutu d'utonomía de Castilla i Lión (art. 5.2). | |
| Códigus / Cóigus | ||
| ISO 639-2 | roa | |
| ISO 639-3 | ext | |
El Bexaranu es una palra asturlionesa gastá nel partíu juizial de Bexal, ena Provincia Salamanca, Castilla i Lión.
Estoria
[adital | adital cóigu]A caberus del siegru XII, el rei Afonsu VIII repuebró la ciá i le dió a prencipius del siegru XIII un fueru. La emportancia de crial una ciá nessi territoriu hue que Castilla tuvira un puestu arrayanu para dambus frentis, mosulman i lionés. Al prencipiu dambus Bexal i Prasencia pretenecían a Ávila. Sin bargu, las ciais d'Ávila i Prasencia tuviorin afrentacionis. Nel añu 1188 el Papa Clementi III atorgó al bispu d'Ávila por mé duna bula, derechus diocesanus sobri Prasencia. Al desotru añu el mesmu Papa a apendimentu del Rei, crió la Diócesis de Prasencia, dela que Bexal passadría a hormal parti. Ansina, se dió la sitación deque Bexal hue estremeña enu ecressiásticu peru castillana enu cevili. Esta sitación acontinó hata 1833 cona primel reorganiçación almenistrativa d'Aspaña. Angunus puebrus que pretenecían a Bexal huorin añidías a Ávila (Up. Beceda i otrus encravis). Otras localiáis comu Hervás, La Gargana i Baños, huorin añidías a Caçris, i Bexal col restu de puebracionis huorin añidías a Salamanca. El resultau destus ventus hue la mestura de rasgus estremeñus, lionesis i castillanus ena palra dela región.
La sitación ugañu es la perda dela palra, que vien dessapaiciendu devíu ala imprantación dela sestema escolal, elimentus comu l'arradiu, la telivisión, el cini, el serviciu melital o la emigración.
Estuyus a tentu dela palra
[adital | adital cóigu]Apenas dessetin estuyus a tentu dela palra. Dela propia ciá de Bexal s'almienta en angunas obras comu Palabras y frases bejaranas de Rufino Agero Teixidor (1966), l'endilgu Costumbres, canciones y modismos de Béjar y su comarca de Gabriel Hernández González (1954) o Palabras y modismos referentes a la industria lanera de Juan Muñoz García (1963). M. Fernández de Gatta y Galache almienta ena su obra Vocabulario charruno (1903) una meya ozena de parabras propias dela palra. El dialecto vulgar salmantino de José Lamano y Beneite recada 34 parabras propias dela Sierra Bexal, anque non endica dequé menucipius sonin. La palra del Fueru de Bexal á síu estuyau por Juan Gutiérrez Cuadrado en 1975.
Ahuera la ciá, ena comarca, Pedro Sánchez Sevilla estuyó la palra de Cepedosa de Tormes (a 30 qm de longol dendi Bexal, casi nel arrayu con Ávila) en 1928. Nel añu 1957 Luis Cortés Vazquez recadó ena su obra Contribución al vocabulario salmantino parabras delos menucipius de Guijo de Ávila, Cepedosa de Tormes (amás delos menucipius de La Huebra, Lumbrales i La Alberca). D'ahuera la comarca peru aparenti ala palra, Nicolás de la Fuente Arrimadas espubricó ena su obra Fisiografía e Historia del Barco de Ávila una riestra de vocabulariu gastán en Barco de Ávila.
Destensión territorial
[adital | adital cóigu]La palra se destiendi pola Sierra Bexal i el menucipiu de Sequeros.
Descrición lengüística
[adital | adital cóigu]Fonética
[adital | adital cóigu]- Conservación delos antigus sonis de essi sonora i dea sonora.
- Muación de parabras qu'en castillanu acabijan en -z a -s. Up: luz -> lus.[1]
- Huerti aspiración delos sonis vocalarius precipialis.
- Muación i palatiçación del grupu entrivocálicu -rl (que múa a -ll) col son de /ʎ/.
- Non deferencia entri -b i -v.
- Dessapaición o muación enos sonis silabantis.
- Muación en -i dela -e cabera. Up. coge -> cogi, hombre -> hombri, valiente -> valienti.
- Muación en -u dela -o cabera: Up. quiero -> quieru, vengo -> vengu, todo -> todu.
Vea-si tamién
[adital | adital cóigu]Referencias
[adital | adital cóigu]- ↑ Miguel, Amando de (30 de mayo de 2005). «Regionalismos». Libertad Digital. Consultado el 21 de diciembre de 2025.
Biblografía
[adital | adital cóigu]- Zamora Vicente, Alonso (1979). Dialectología española. Madrid: Gredos. ISBN 84-249-1115-6.
- Lamano y Beneite, José de (1915). El dialecto vulgar salmantino. Salamanca: Tipografía popular (Imprenta El Salmantino).
- Marcos Casquero, Manuel-Antonio (1979). El habla de Bejar. Salamanca: Centro de Estudios Salmantinos. ISBN 84-00-04554-8.