Canal dela Mancha
La Canal de la Mancha (en francés La Manche, «la manga»; en ingrés English Channel, «canal ingrés») es una canal del océanu Atlánticu qu'engancha la mari del Norti col océanu Atlánticu i dessepara noroesti de Francia del sul de Gran Bretaña. El su nombri en francés se debi a la su horma alargá, que recuerda a una manga.
Caraitirísticas
[adital | adital cóigu]La Canal dela Mancha tieni un longol dunus 563 qm i un comprimentu que varia dentri los 240 qm ena su parti más ancha i los 33,3 qm nel estrechu de Dover, su parti más entallá. El hondol meyu es de 63 m, cun mássimu de 174 m ena hoya Hurd. [1] Es el más chiqueninu delos maris superficiales dela pratahorma continental d'Uuropa i acupa una superfici de 75.000 qm² prossimámenti.[2]
La Canal dela Mancha es el cuerpu d'augua más atrafegau del mundu.
Nel estrechu, cerquina delas costas francesas, essetin unas islas llamás de Islas del Canal, pretenecientis ala Corona británica. L'isla de Ouessant marca el raberu ociental dela canal. La península de Cotentin destaca dentru dela canal.
Denominación
[adital | adital cóigu]La denominación n'estremeñu (tamién gastá n'español) es un calcu semánticu del nombre francés La Manche, cuyu senificau es La Manga. L'origi vieni dela acomparancia del estrechu cola horma dela parti dela camisa dentru dela qual se meti el braçu.[3]
Islas
[adital | adital cóigu]
Las prencipalis islas del Canal son:
Puertus
[adital | adital cóigu]
Los prencipalis puertus son:
- Francia:
- Ingraterra:
Comunicacionis
[adital | adital cóigu]El Canal dela Mancha es atravessau pol Eurotúnel, un tunel herroviariu qu'engancha Folkestone (Ingalaterra) con Calais (Francia). El tunel hue inaugurau en 1994.
Estoria
[adital | adital cóigu]La Canal dela Mancha se hue formandu hazi unus 10.000 añus, quandu el nivel dela mari subió al caberu dela última glaciación. Esti processu dessapartó las Islas Británicas del continenti uropeu. Alo largu dela estoria, la Canal á siu una ruta marítima abondu emportanti pal comerciu i las comunicacionis entri las Islas Británicas i el continenti. Tamién á siu ecenariu de numberosas batallas navalis i aconteceris estóricus relevantis:Nel 55 a. C., Juliu César cruzó el Canal pa invaíl Britania.En 1066, Guillermu el Conquistaol atravessó la Canal pa conquistal Ingalaterra. En 1588, l'Armá Invencibli española hue derrotá ena Canal pola frota ingresa. En 1805, la Batalla de Trafalgal tuvu lugal cerca del caberu ociental dela Canal. En 1940, duranti la II Guerra Mundial, se proúju la evacuación de Dunkerque.En 1944, el Desembarcu de Normandía marcó el prencipiu dela liberación d'Uropa ociental.
Ecología
[adital | adital cóigu]La Canal de la Mancha es una ecosistema marina mu ricu, cuna gran diversidá de pecis, crustáceus, moluscos i otrus organismus marinus. Sin bargu, la intensa atividá umana enas sus aguas i costas a hechu que los problemas ambientalis s'agravin comu:Contaminación pol tráfagu marítimo i las endustrias costeras; Sobrepesca d'angunas especis; Erosión costera; Entroución d'especis invasoras, etc. Las utoridais francesas i británicas están labutandu conjuntamenti p'afial el meyu ambenti marinu dela Canal i segural el su gastu sostenibli.
Comu en cualquisquiel ruta marítima mu navegá, la Canal de la Mancha s'enfrenta a pobremas ambientalis por culpa delos barcus con cargas tóxicas i los petrolerus que cruzan abondu l'estrechu. Alreeol del 40% delos abalorius de contaminación ambiental del Reinu Uniu acontecin ena Canal dela Mancha i enas zonas cercanas[4]. Un ponel, endispués del naufragiu del portaconteneoris "Napoli" en 2007, unas 1700 tonelás de carga peligrosa huerun arrojás alas costas del golfu de Lyme.
Conomía
[adital | adital cóigu]La Canal de la Mancha tieni una gran emportancia conómica pa dambus dos paísis:
- Pesca: Es una zona de pesca mu emportanti, especialmente pala catura de bacalau, lenguau, caballa i mariscu.
- Trasporti marítimo: Es una de las rutas marítimas más transitás del mundu, cun intensu tráfagu de barcos mercantis i de pasagerus.
- Turismu: Las playas i localidais costeras del Canal atrain a millonis de turistas ca añu.
- Nirgía: S'están desengolviendu proyeutus de nirgía renovabli, comu parquis eólicus marinus.
Coltura
[adital | adital cóigu]El Canal dela Mancha a espirau a abondus artistas, escrevioris i aventurerus alo largu dela estoria. Algunus exemplus son: El pintor J.M.W. Turner, que hizu varias delas su obras sobri la Canal. La novela "La isla del tesoru" de Robert Louis Stevenson, qu'esmiença ena costa del Canal. Los numberosus tentus de cruzal el Canal a nau, huendo la primera pressona en conseguil-llu el anaol Matthew Webb en 1875[5]. La Canal acontina huendu un símbolu emportanti ena cultura i la dentidá de dambus paísis, representandu tantu la desseparación comu l'atiju entri las islas británicas i el continenti uropeu.
Turismu
[adital | adital cóigu]
Los resortis costeros dela Canal, comu Brighton i Deauville, inaugurarun una epoca de turismu aristocráticu a prencipius del siegru XIX. Los viahgs cortus pol Canal con finis d'ociu son a menúu llamaus Saltus de Canal (Channel Hopping).
Deauville hue fundá en 1859 pol dotor Joseph Olliffe i el banqueru Pierre-Armand Donon, col sostribu del Duqui de Morny, comu una alternativa más burguesa alos anteriores dessenróos costeros aristocráticus. La ciá se construyó dendi ceru en terrenu pantanosu i s'iseñó pa treal a gentis enfruyentis de París.
En 1864, se costruyerun un ipódromu, un casinu i casetas de praya. La estoria dela ciá está estrechamenti ligá al dessenróo d los deportis ecuestris. En 1912, Deauville inauguró el su casinu de piera branca i amejoró los sus servicius cona costrucción de dos otelis de luju, el Normandy i el Royal.
Referencias
[adital | adital cóigu]- ↑ "English Channel". The Columbia Encyclopedia, 2004.
- ↑ "English Channel." Encyclopædia Britannica 2007.
- ↑ Alfred López (14 de octubre de 2014). «¿Sabías que el ‘Canal de La Mancha’ debería llamarse en realidad ‘Canal de La Manga’?». Consultado el 14 de octubre de 2014.
- ↑ cite web |url = https://www.gov.uk/government/uploads/system/uploads/attachment_data/file/298747/ACOPS_2012.pdf |title = ACOPS marine pollution survey 2012 |accessdate = 2015-12-15 |archive-date = 2015-12-22 |archive-url = https://web.archive.org/web/20151222142000/https://www.gov.uk/government/uploads/system/uploads/attachment_data/file/298747/ACOPS_2012.pdf |deadlink = no
- ↑ Interesante, Muy (2 de septiembre de 2005). «¿Cuándo se cruzó a nado el Canal de la Mancha por primera vez?». MuyHistoria.es. Archivado desde el original el 7 de diciembre de 2022. Consultado el 5 de agosto de 2019.
Biblografía
[adital | adital cóigu]- Bradford, Ernle. Wall of England: The Channel's 2000 Years of History (Country Life, 1966)
- Unwin, Peter. The Narrow Sea: Barrier, Bridge and Gateway to the World. The History of the English Channel (Headline, 2003)
- Williamson, J. A. The English Channel: A History (Collins, 1959)
Atijus p'ahuera
[adital | adital cóigu]Información sobri'l Canal de la Mancha (ingrés)
- Mer côtière à forte pression anthropique propice au développement d'une gestion intégrée : exemple du bassin oriental de la Manche (Atlantique Nord-est) - Vertigo, Prantilla:Date-
- Vers une politique maritime de l’Union : une vision européenne des océans et des mers - Livre vert de l'Union européenne, 2006
- Outil de cartographie de l'Observatoire du littoral : données terrestres (occupation du sol, limites administratives…) et maritimes (bathymétrie, nature des fonds, infrastructures de transport…)
- Biodiversité des algues marines et de la faune marine des côtes françaises: Manche et Atlantique - Marevita
- Projet PANACHE, Site officiel
- (ingrés) Projet Nostra
- Initiative VALMER
- Full Channel swim lists and swimmer information
- Oceanus Britannicus or British Sea
- Channel swimmers website
- Archives of long distance swimming
- Channel Swimming and Piloting Federation
- Channel Swimming Association
- World War II Eye Witness Account – Audio Recording Air Battle over the English Channel (1940)
Atlas
[adital | adital cóigu]- Atlas-transmanche, site de l'université de Caen
- Channelcoast