Carlos Saura
| Carlos Saura | ||
|---|---|---|
 Carlos Saura en 2018 | ||
| Información pressonal | ||
| Nombre en español | Carlos Saura Atarés | |
| Nacencia |
4 de heneru de 1932 Güesca (Aragón, Segundera Repúbrica Española) | |
| Muerti |
10 de hebreru de 2023 (91 años) Collado Mediano (España) | |
| Causa de muerti | Insuficiencia respiratoria | |
| Nacionalidá | Española | |
| Familia | ||
| Cónyugi |
| |
| Collera | Geraldine Chaplin (1967-1979) | |
| Ijus | 7 | |
| Información prehessional/profissional | ||
| Oficiu | Diretol de cini, guionista, fotografu, escrevienti, guionista de cine, realizador y cineasta | |
| Ária | Dirección cinematográfica, guión cinematográfico, actividad literaria y fotografia | |
| Añus ativu | 1955-2023 | |
| Obras notablis | La prima Angélica | |
Carlos Saura Atarés (Uesca; 4 d’eneru de 1932-Collado Mediano, Mairil; 10 de hebreru de 2023)[1] fue un reconocíu ciniasta, fotógrafu i escritol español. La su trayetória abarca más de meyu sigru i es considerau hunta Luis Buñuel, Luis García Berlanga, Pedro Almodóvar i Fernando Trueba cumu unu delos grandis del cini español.
Saura prencipió la su carrera en 1955 realizandu cortometrahis documentalis. Alcançó protagonismu enternacional quandu el su primel largometrahi se estrenó nel Festival de Cini de Cannes en 1960. Inque prencipió a filmal cumu neorrealista, Saura pasó a películas codificás con metáforas i simbolismus pa sortial la censura española. En 1966, saltó ala fama enternacional quandu la su película La caza runchó l’Osu de Prata nel Festival Enternacional de Cini de Berlín. Enos añus siguientis, se fraguó una reputación enternacional pol su tratamientu cinematográficu delas respuestas emocionalis i espiritualis alas condicionis políticas represivas.
Ena década de 1970, Saura era el ciniasta más conocíu que trabajaba en España. Las sus películas gastarun recursus narrativus complessus i frecuentementi fuerun controversas. Runchó premius especialis del jurau pol La prima Angélica (1973) i Cría Cuervos (1975) en Cannes, i recibió una nominación enos Premius Óscar ala Mejol Película en Luenga Estranhera en 1979 pol Mamá cumpli cien añus.
Ena década de 1980, Saura saltó ala fama pola su trilogía flamenca – Bodas de sangri, Carmen i El amol bruxu, ena que combinaba conteníus dramáticus i hormas de danca flamenca. El su trabaju acontinó apaeciendu en concursos mundialis i alcançó abondus premius. Recibió dos nominacionis alos Premius Óscar pol Carmen (1983) i Tango, no me dehis nunca (1998). Las sus películas son una espresión sofisticá del tiempu i l’espáciu que fusionan la realidá cola fantasía, el pasau col presenti i la memória cola alucinación. Enas dos últimas décadas del sigru XX, Saura se centró en obras qu’unían música, danca i imáhinis.
Biografía
[adital | adital cóigu]Nacíu en Uesca el 4 d’eneru de 1932. Iju de família paterna murciana. Recién acabau el bachilleratu, prencipió a aficional-si ala fotografía. Empendoló los sus estuyus d’inheniería endustrial pa entral nel Enstitutu de Envestigacionis i Esperéncias Cinematográficas de Mairil, dundi alcançó el diploma de Direción cinematográfica. Fue unu delos grandis renovadoris del cini español dela segunda metá del sigru XX.[2]
Carrera
[adital | adital cóigu]Primeras películas
[adital | adital cóigu]
Endispués de realizal el cortometrahi El pequeñu ríu Mançanaris (1956) i el mediometrahi La tardi del domingu (1957), realizó el documental Cuenca (1958), premiu nel Festival Enternacional de Cini de San Sebastián, al que siguió el su primel largometrahi, Los golfus (1960). En La caza (1966), cun assuntu de gran dureça dundi hizu un análisis delas ferías provocás pola guerra civil ena terribli estoria duna partía de caza entri personahis que representaban distintas posturas vitalis. La escenografía n’esterioris, nun paisahi áriu i la fotografía mu contrastá de Luis Cuadrado, hizun desta obra una referéncia pal cini posteriol i alcançó grandis éssitus enternacionalis, runchandu el premiu ala mejol direción nel Festival Enternacional de Cini de Berlín.
Atopu con Querejeta
[adital | adital cóigu]Tras estus primerus trabajus, se consolidó en 1967 la su colaboración con el produciol Elías Querejeta, con el que había produziu a medias La caça, con la película Peppermint frappé, dandu prencípiu al períodu más destacau de la su carrera. Peppermint frappé es de nuevu una endagación sicológica sobri los efetus de la represión franquista tras la guerra cevil, las enhibicións eróticas i otras carencias de la su jeneración. El desenlaçi es tan violentu cumu La caça, peru apaeci agora situau nel espáciu de la memória o los estintus más primárius de los personajes.
Temas i formas, puliendu esti estilu abstratu, desarrollau en colaboración con Querejeta, que pretendió radiugrafial los malis de la sociedá española burlandu la censura, continuarun en Stress-Es Tres-Tres (1968), La madriguera (1969), El jardín de las delicias (1970) i Ana y los lobos (1972).
Ana y los lobos ufre el mundu cerráu d'una casona d'una familia española aristocrática. Rafaela Aparicio, la matriarca d'esti mundu cerráu, retomará esti personaje en Mamá cumple cien años (1979), una continuación de Ana y los lobos. A la casa solariega llega una estitutrís estranjera pa educal a las niñas de Juan, el varón de la casa. Las pulsións sesualis frustrás de los tres hombres de la familia apaecin tras la llegada d'esta bella moça de moos más libris i con una sinceridá que prevoca nel sucuncienti de los varonis deseyus irreprimiblis. Ana destapa la inquietú del ambienti cerráu i conbaldaol d'esta familia, revelandu asina los rasgos que tantu definin a la sociedá del su tiempu.
La consolidación del "mitu Saura": La prima Angélica i Cría cuervos
[adital | adital cóigu]La película que marcó la su consolidación internacional hue La prima Angélica (1973), que recibió el Premiu Especial del Jurau nel Festival de Cannes; en ella, el pasau (1936) i el presenti (1973) se fundin i estu se muestra meyanti la confusión del tiempu estóricu que se produzi enos pranos de la película, inclusu drentu d'una mesma secuencia. Asina se delata el tema de la presencia de las heridas del pasau nel presenti, clásicu asuntu del psicoanálisis. La fusión del tiempu tieni tamién otras consecuencias frustrantis, cumu el contrasti entri l'amor enfantil de Luis i Angélica, que ha siu a lo mejor el su únicu amor, i la relación adulta d'un Luis con una Angélica ya casá n'una situación que hazi emposibri la recuperación d'aquella relación afetiva. Nu es esti el primer film qu'esprora el alcuerdu i la entromisión del pasau nel presenti, que ya estaba bien debujáu n'obras anterioris, cumu El jardín de las delicias (1970).
María Clara Fernández de Loaysa, nel su papel de Angélica niña, establezi una relación con la figura de José Luis López Vázquez, el cual el su personaje seguía la estela del qu'interpretó en El jardín de las delicias, ondi apaecía n'una silla de ruedas, simbolizandu con ellu la parálisis síquica d'aquella jeneración. En esti casu representa la frustración amorosa pola su prima, nel dobri papel de niñu i adultu, representau pol mesmu atol.
Cría cuervos (1975), tamién premiu del Jurau nel Festival de Cannes, vuelvi a esprotal el tema de la memória, oponiendu en ferós contrasti la mirá de la niña Ana Torrent a los personajes autoritárius.
Úrtimus filmis con Querejeta
[adital | adital cóigu]Elisa, vida mía (1977) hue seguramenti la su obra maestra. Partiendu d'un concetu mui ambiciosu d'entirrelación del cini i la literatura, la película dialoga constantementi con los elementos peculiares del cini: imáginis, soníu, música i testus. En lo que toca a las imáginis, hai una profunda relación entri la escritura de testus i la escritura visual. El diáriu qu'escribi el personaje interpretau pol Fernando Rey es la huenti, o puntu de vista de la enunciación, de lo que vemus, peru tou se complica al sel la su hija, interpretá pol Geraldine Chaplin, quien lee esi diáriu a la su muelti. Pol tantu hai qu'estul mui avisáu pa conocel l'orijen de la narración visual, que podría sel produziya pola letura de la hija, la escritura del padri o la vos enunciadora d'un narraol esternu a las vocis de los personajes, carapuchi cumu un Saura-narraol. Tou ellu entretejiu de referencias a El gran teatro del mundo de Calderón de la Barca, El Criticón de Baltasar Gracián i el mitu de Pigmalión qu'oímus ena versión de la Ópera de Jean-Philippe Rameau (Pygmalion, 1748). Tou estu está pautau pola Gnosienne I de Erik Satie, que nos lleva a los espácius de la memória.
Con la llegada de la democracia a España, Saura se convirtió n'unu de los cineastas más destacaus de la Trancisión. Los ojos vendados (1978) es un alegatu contra la tortura i las injustícias en Latinoamérica. Al añu siguienti abordó la su primera comédia con la su revisión de la familia de Ana y los lobos en clavi cómica i con un airi de fin de franquismu en Mamá cumple cien años. Hue tou un ésitu de crítica i púbricu, premiá en varios festivales i seleccioná pal Óscar a la mejor película estranjera.
En 1980 cambió de rejistru i, abandonandu el carís intelectual, reflexivu i polisémicu con el que trataba de dessecall los efetus de la guerra cevil i el franquismu, volvió al cini populal, al que trata probremas contemporáneus cumu la marjinación juvenil, con Deprisa, deprisa, que llogró l'Osu d'Oru del Festival de Berlín.
La trilogía musical con Antonio Gades
[adital | adital cóigu]En 1981 prencipió la colaboración con Antonio Gades i con el produciol Emiliano Piedra. Tras vel el su ballet teatral Bodas de sangri Saura le propusu llevallo al cini, con lo que prencipió un jéneru de musical genuinu i alejáu de los moldis anglosajonis. El musical llogró un ésitu inesperáu internacional tras proyetalsi en Cannes. Con la película Bodas de sangri (1981) inventó un nuevu jéneru de película de danza i contribúi con ellu a la estraordinária divulgación qu'esperimentan estus úrtimus añus el baili español nel mundu. De nuevu con Antonio Gades i Emiliano Piedra preparó una adautación de la ópera de Bizet Carmen que se convierti n'un ésitu internacional en 1983, premiá en Cannes i seleccioná pal Óscar. Con L'amor bruju (1986), inspirá ena obra homónima de Falla, el su musical más ambiciosu hasta esi momentu, cerró una trilogía dedicá al musical español contemporániu.
Variedá i ecleticismu: l'ambición temática d'un diretul
[adital | adital cóigu]Tras Dulcis horas, la úrtima colaboración con Elías Querejeta, Saura rodó en 1982 la su primera película latinoamericana: Antonieta, la estória d'una mujé duranti la revolución mejicana. En 1984 Saura filmó con Piedra Los zancos.
En 1985 acudió al produciol Andrés Vicente Gómez pa financiar un ambiciosu film sobri la espedición de Lope de Aguirre en busca de El Dorado. El rodaji se lleva a cabu en Costa Rica duranti 1987, i la película se convierti ena más cara de la estória del cini español hasta esi momentu.
En 1989 estrenó La nuechi escura, un film intimista sobri el períodu de prisión que sufrió San Juan de la Crús, el gran místicu i poeta español del Prantilla:Siglu. En 1990 rodó ¡Ay, Carmela!, adautación de la obra teatral de José Sanchis Sinisterra. Pa esta película, que revisa de nuevu la Guerra Cevil, volvió a trabajal con el guionista Rafael Azcona, i ena V edición de los Premios Goya llogra 13 estatuillas.
En 1991 se trasladó a Buenos Aires pa rodal El Sur, versión del cuentu de Borges. Con Sevillanas hizo un omenaji a lo más senificativu del jéneru, esta ves meyanti una série de cuadrus endependientis.
Al añu siguienti, se hizo cargu de la película oficial de los Juegos Olímpicos de Barcelona, Maratón.
En 1993 filmó ¡Dispara!, una adautación d'un cuentu del escritol italianu Scerbanenco. En eneru de 1994, prencipió el rodaji de Flamenco, que seguramenti es el más emportanti decumentu audiovisual sobri esti arti, a pesal de la desapaición de Camarón, que sí intervinu en Sevillanas. Ya nu se trata d'una série de cuadrus inconesus, sinu d'un conjuntu rodáu con milimétrica precisión ondi colaboraba cumu diretor de fotografía Vittorio Storaro.
En juniu de 1997, Saura se trasladó a Argentina pa rodal Tango; esta película, tras múrtipris polémicas, concurri a los Oscar baju bandera argentina: la cinta es la más galardoná del añu en Argentina, i Saura recibió el Premiu Cóndor de la Asociación de Críticos Argentinos cumu mejor diretul del añu. Apaeció la su novela Pajarico solitario. En abril de 1998 s'estrena la película Pajarico.
En 1999 estrenó Goya en Burdeus, aprósimación a la figura del pintol aragonés Francisco de Goya, ondi realizó, posibrienti, el mejor trabaju fotográficu de la su obra, en estrecha colaboración con Vittorio Storaro. Pubricó la su novela Esa luz. En 2000 hue distinjuíu con el Premiu a la Mejor Contribución Artística i el Premiu del Jurau del Festival de Montreal pol Goya en Burdeus.
En 2001 Buñuel i la mesa del rei Salomón suponi un tributu al su maestru declaráu, Luis Buñuel, i al ambienti de la Residencia de Estudiantes de la España de los añus 20. Nel guion contó con la colaboración de Agustín Sánchez Vidal, quien ganó en 1988 el Premio Espejo de España de ensayu pola su obra Buñuel, Lorca, Dalí: el enigma sin fin, i que tras esta esperiencia cumu fabulaol se dedicó con ésitu a la novela de ficción.
Úrtimus trebajus
[adital | adital cóigu]Prencipió el nuevu sigru dirijiendu tres filmis musicalis con los que tratan de consolidal los sus imajinárius dendi un puntu de vista iconográficu: Salomé (2002), puesta n'escena de la conocía trajédia bíblica pola compañía de Aída Gómez; Iberia (2005), omenaji a la suite homónima del compositor Isaac Albéniz; i Fados (2007), en coproducción con Portugal, sobri el fado, espresión musical portuguesa pol esceléncia. En estus filmis Saura reiteró las mesmas convencionis de los musicales previus de los añus 90, empenciandu pol empleu de la lús cumu elementu dramáticu, asina cumu la utilización d'un mobiliáriu minimalista, llograndu en consecuencia unos musicales de gran sobriedá i belleza visual, peru ya sin la novedá d'aquellus.
Entri las sus úrtimas películas destacan El sétimu día (2004), cinta inspirá nel crimen de Puerto Hurraco, masacre acaecía ena Estremaúra profunda que conmocionó a España en 1990, con guion de Ray Loriga i, sobri tou, Io, Don Giovanni (2009), unu de los sus más ambiciosus trabajus, superproducción entornu a la figura de Lorenzo da Ponte; entrimedias, Saura realizó pa la Esposición Internacional de Çaragoça 2008 el cortumetraji decumental Sinfonía de Aragón (2008), majistral ejercíciu audiovisual nel que'l protagonista es Aragón.
En 2016 estrenó la película Jota de Saura, un recorrido antropolójicu sobri la jota, con diecinuevi cuadrus de música i danza i la participación de Miguel Ángel Berna cumu coreógrafu i bailaol, Sara Baras, Ara Malikian, Juan Manuel Cañizares, Nacho del Río i Carlos Núñez. Jota de Saura hue produziya pol Movistar Plus+ i Tresmonstruos Media.
En 2017, el realizaol Félix Viscarret estrena el decumental Saura(s), nu el primeru de los decumentalis dedicaus al cineasta, peru sí el más ambiciosu e incisivu d'estus, ondi queda patenti la peculiar personalidad del cineasta, en cuantú antepón la su obra artística a tou lo demás (asuntus familiaris encluyíus). El decumental hue nomináu a los premius Goya esi añu ena categoría de mejor film decumental.
En 2021 ha rodáu el cortumetraji tituláu Goya 3 de mayo, un innovaol proyetu impulsáu pol Aragón TV, nel que recreará en luengaji fírmicu el liençu de Francisco de Goya, Los fusilamientos del 3 de mayo. Esi mesmu añu tuvo cumu proyetu una série sobri el poeta Federico García Lorca.
Pa 2022 había previstu rodal una película biográfica sobri Pablo Picasso.
El 3 de hebreru de 2023 estrenó la su úrtima película “Las Paredes Hablan”, una producción de María del Puy, Malvalanda, montaje de Vanessa Marimbert i guion de José G. Morillas. Una búsqueda de los lazos que unan las primeras manifestaciones gráficas i pitóricas de la Umanidá, que nos definierun cumu especii, i l'arti más modernu, en particulal l'arti urbanu i el grafiti. Una propuesta inédita i valienti ena línia d'un Saura interesáu pola memória i polas pulsións que muevin a los Seris Umanus dendi los sus inicios.
Espernamientu
[adital | adital cóigu]Espernó ena su casa de Collado Mediano (Madril) el 10 de hebreru de 2023, a los noventa i un añus, a causa d'una insuficéncia respiratória, un día antis de recibí-lo Premio Goya honoríficu.
Filmografía
[adital | adital cóigu]Cortometrajis
[adital | adital cóigu]- Flamenco (1955). Documental
- El pequeño río Manzanares (1956). Documental
- Sinfonía de Aragón (2008). Documental realizado para la Exposición Internacional de Zaragoza 2008
- Goya 3 de mayo (2021). Ficción
- Rosa Rosae. La Guerra Civil (2021). Animación
Mediometrajis
[adital | adital cóigu]- La tarde del domingo (1957). Ficción
- Cuenca (1958). Documental
- Los Cuentos de Borges: El Sur (1990). Ficción (TV)
Largometrajis
[adital | adital cóigu]- Los golfos (1960)
- Llanto por un bandido (1964)
- La caza (1966)
- Peppermint frappé (1967)
- Stress-Es Tres-Tres (1968)
- La madriguera (1969)
- El jardín de las delicias (1970)
- Ana y los lobos (1973)
- La prima Angélica (1974)
- Cría cuervos (1976)
- Elisa, vida mía (1977)
- Los ojos vendados (1978)
- Mamá cumple cien años (1979)
- Deprisa, deprisa (1981)
- Bodas de sangre (1981). Musical
- Dulces horas (1982)
- Antonieta (1982)
- Carmen (1983). Musical
- Los zancos (1984)
- El amor brujo (1986). Musical
- El Dorado (1988)
- La noche oscura (1989)
- ¡Ay, Carmela! (1990)
- ¡Dispara! (1993)
- Taxi (1996)
- Pajarico (1997)
- Tango (1998). Musical
- Goya en Burdeos (1999)
- Buñuel y la mesa del rey Salomón (2001)
- Salomé (2002). Musical
- El séptimo día (2004)
- Io, Don Giovanni (2009). Musical
- El rey de todo el mundo (2021). Musical
Documentalis
[adital | adital cóigu]- Sevillanas (1992)
- Maratón (1992)
- Flamenco (1995)
- Iberia (2005)
- Fados (2007)
- Flamenco, Flamenco (2010)
- Zonda, folclore argentino (2015)
- Jota de Saura (2016)
- Renzo Piano, an Architect for Santander (2018)
- Las paredes hablan (2022)
- Ese niño de la fotografía. Carlos Saura (2026). Documental biográfico dedicado a su figura dirigido por Anna Saura Ramón.
Premius i distincionis
[adital | adital cóigu]En noviembri de 1992 se le concédi la Medalla d'Oru de l'Academia de las Artis i las Céncias Cinematográficas d'España. Asimesmu, se l'han otorgau emportantis condecoracións pol parti de los gobiernus francés (en agostu de 1993 se l'empón la Ordin de las Artis i las Letras de Fráncia) e italianu (Gran Oficial de la Ordin al Méritu de la Repúbrica Italiana), asina cumu los galardonis más emportantis que concédi l'Estau español. En marçu de 1994 hue envistiu dotol honoris causa pola Nuversidá de Çaragoça. En 2014 honoris causa pola Nuversidá Complutensi de Mairil.
En 2011, hue galardonau con el Premiu UIMP a la Cinematografía, otorgau pola Nuversidá Internacional Menéndez Pelayo.[[
El 15 de hebreru de 2023 se le concedió, a títulu póstumu, la Gran Crús de la Ordin de Alfonsu X el Sabiu.[3]
Referencias
[adital | adital cóigu]- ↑ cita web|url=https://www.infolibre.es/cultura/muere-91-anos-carlos-saura-mejores-directores-cine-espanol_1_1424743.html%7Ctítulo=Muri alos 91 añus Carlos Saura, unu delos mejolis diretolis del cini español|fechaacceso=10 de hebreru de 2023|fecha=10 de hebreru de 2023|editorial=Infolibre
- ↑ Cita web|url=https://www.cronicasdesiyasa.com/los-90-de-carlos-saura/%7Ctítulo=Los 90 de Carlos Saura|fechaacceso=2023-08-15|apellido=Mateo Hidalgo, Javier|fecha=2022-01-13|sitioweb=Crónicas de Siyâsa|idioma=es
- ↑ «Real Decretu 111/2023, de 14 de hebreru, pol que se concédi, a títulu póstumu, la Gran Crús de la Ordin Civil de Alfonsu X el Sabiu a don Carlos Saura Atarés.». Boletín Oficial del Estau. 15 de febrero de 2023. Consultado el 15 de febrero de 2023.
Atijus esternus
[adital | adital cóigu]
En Commons ai conteníu multimedia sobre Carlos Saura.- Prantilla:Cita vídeo Primera parte del homenaje a Saura con motivo de su fallecimiento.
- Prantilla:Cita vídeo Segunda parte del homenaje a Saura con motivo de su fallecimiento.
- Vídeo-Entrevista a Carlos Saura sobre el rodaje de Jota de Saura
- Antonio Martínez y Elio Castro (5 de febrero de 2023). «Mankiewicz, Saura y Éxtasis». Transcripción. Madrid: Cadena SER. min. 16:00.
- Carlos Saura, fotógrafo en el Centro Virtual Cervantes
- Bibliografía de Carlos Saura Prantilla:Wayback
- Página oficial de Carlos Saura
- Prantilla:Imdb nombre
