Categoría:Geografia

Parqui natural de Cornalvu.

Cornalvu es un embalsi romanu assitiau a unus 10 quilómetrus de Méria, i al mesmu tiempu, tamién se llama Cornalvu al parqui natural ondi s´alcuentra iziu embalsi.

La presa es una eificación romana sobri el arroyu Albarregas, que se gastaba p´abastecel d´áugua a parti e la ciá d´Emerita Augusta (uguañoti ciá e Méria). La contención es una muralla e 220 metrus de largu pol 18 de artu, siendu la parti que se alcuentra en contatu con el agua en horma e graeriu. Esta costrución hue declará Monumentu Nacional el 13 de diciembri e 1912, inque el embalsi s´acontina gastandu ena atualiá.

Universiá d´Ovieu

Ovieu (Uviéu en asturianu) es una ciá i concehu asturianu d´orihin meyeval (sigru VIII), capital el Prencipau d´Asturias (España). Tiini 215.371 abitantis nel municipiu (mayu e 2006) i 196.156 ena ciá (INE 2005). Amás, ostenta los entítulus de "La mu nobri, mu leal, benemérita, envita, eroica i güena ciá d´Ovieu", i asín lo arrecohi una praca asiahá ena fachá el eificiu el ayuntamientu.

Ríu Xerti es un afrujenti del ríu Alagón (que ala su veci lo es del Taju) i midi unus 70 kms. (colandu pol Valli del su nombri, al norti la provincia Caçris.

La su nacencia tien lugal enas aldehueras de Torna-Vacas, a unus 900 metrus d´altitú (por baxu'l picu Torreón) i al passal pol Prasencia lo hazi a unus 345 metrus sobri el nivel dela mari, lo que mos endona una idea delo prunu dela su qüenca n´esti trechu de liqueamenti 50 kms.

Parqui la Reina ena ciá e Glasgow

Glasgow es la mayol ciá d´Escocia i la tercera el Reinu Uñiu, alatrás de Londris i Birmingham. Está asiahá enas lowlands el centru-oesti d´Escocia, i la su puebración es hucheá "Glaswegians". Amás, Glaswegian es el nombri con que se conoci al dialetu local de escocés. Es una e las 32 rehionis-concehu d´Escocia, oficialmenti hucheá cumu "City of Glasgow" (Ciá e Glasgow) i cumu abondus municipius el oesti d´Escocia, es un domeñu laborista.