Centru Coltural Coreanu n'España

Centro Coltural Coreanu
Sedi del centro en Mairil.
Atividá	Espandil la coltura de Corea.
Encetu	juñu de 2011
Sedi	Passéu dela Castellana, 15. Mairil, España.
Menisteriu	Menisteriu de Coltura, Deportis i Turismu de Corea del Sul.
Diretol	Jang Jin Sang (dendi 2011)
Páhina web	spain.korean-culture.org

El Prantilla:Coreano, fue criau en juñu de 2011^[1] a través del menisteriu de coltura, deportis i turismu de Corea del Sul como un estitutu qu'el su pesqui es desparramal la coltura coreana pol tol mundu. Representa i promuevi la coltura tradicional coreana, como l'arti, la música i la cinematografía. Impartin cursus de Hangul i talleri colos qu'una pressona se puei metel ena coltura coreana. El pesqui deste centro es consiguil qu'abonda genti tenga la su manu material i enformación pa que conozcan los encantos dela coltura coreana. Está assitiau nel Passéu dela Castellana 15, en Mairil, España.

Estoria

El encetu del Centro Coltural Coreanu en España fue nel mes de juñu de 2011. España fue'l novenu país del mundu ondi Corea del Sul hizu una sedi desta crasi. El su pesqui dendi'l prencepiu fue crial una ponci entre dambos dos paísis, gastandu la coltura como herramienta pa que los españolis conocieran las traicionis i la moerniá coreana.

Dendi la su inaguración, el centro á teníu un gran desenvolvimiento, d'atanto que s'á convertíu nun referenti col´tural nel centru de Mairil, runchiendu cola su oferta de cursus i la su emportanti biblioteca.

Pesqui

El pesqui prencipal deste centro es espandil el "Hallyu" (la fola de coltura coreana) pol toda la Península Ibérica. Pa consiguil-lo, el centro trebaja en dambas a dos direcionis:

Traición: Amostrandu l'arti de la caligrafía, la música Gukak i las ceremonias del té.
Moerniá: Promoviendu el cini moernu, la teunulohía i el fenómenu del K-Pop.

El centro tamién búscala colaboración cotras estitucionis españolas pa hazel eventus en común, como festivalis de cini o muetras d'artesanía.

Programas desenvolvíus

El Centru Coltural Coreanu tini programas comu:

Coltura

Eventus/Esposicionis colturais

Cini coreanu

Luenga

Cursus de Hangul: prencipiantis i básicu

Baduk: nivel prencipianti

Pintura

Pintura coreana: Sumukhwa, tinta coreana

Artesanía

Taller de papel coreanu Hanji: Muñecas de papel coreanu, papiroflexia

Música

Gukak, Música tradicional coreana: Precuru Janggo

Taller de K-Pop: compricación dela letra, estoria del k-pop etc.

Atualidá i eventus

Ogañu, el centro acontina con un gran polvoreu d'ativiais que runchan ena socieá española. Entre setembri de 2025 se celebró la primera "K-EXPO Spain" nel Círculu de Bellas Artis de Mairil, un eventu d'atanto éxito que muertó l'interés pol K-Style, la moda i la teunulohía coreana con más de 15.000 visitantis.^[2]

Amás, el centro á aviau nuevas esposicionis d'emportancia. Dendi setembri de 2025 ata febreru de 2026, s'estrena la muetra "Tesoros que a mí llegan, tesoros como mis días" en colaboraçión col Muséu Nacional de Corea, ondi se puein vel pieças de gran balol.^[3] Tamién s'á anunciau pa marçu de 2026 la esposición "Sereno y Resplandeciente" del fotógrafu Koo Bohnchang ena Galería Han-ul del centro.^[4]

Colaboracionis

El centro tieni el pesqui de tender poncis con otras estitucionis. En outubri de 2025, el diretol Shin Jaekwang firmó un conveniu col Festival Enternacional de Cini de Gijón (FICX) pa espandil el cini d'autol coreanu en España.^[5] Esti alcuerdu s'amañó cona proyeción de películas del diretol Hong Sangsoo ena 63ª edición del certami.

Tamién s'á aviau el "Ciclo de Música Clásica Corea 2026" cona Real Academia de Bellas Artis de San Fernando, ondi s'ofrecin conciertus de bardi pa tós los púbricus.^[6]

Estalacionis

El centro s'alcuentra nun eificiu moernu nel Passéu dela Castellana i tieni por suyas dambas dos prantas ondi s'esperrian los sus servicius:

Galería d'Artesanía i Multimedia: Es una sala remanenti de 207 m² ondi se puein vel muetras d'artesanía tradicional i videos d'ogañu sobri Corea del Sul.
Biblioteca i Videoteca: El centro tieni una hucia de librus (abondus en español i coreanu) i revistis sobri la estoria, l'arti i la socieá coreana.
Aulas de Hangul: Son salas ondi se dan los cursus d'idioma coreanu pa pressonas de tós los nivelis.
Sala de Talleri: Un espaciu aviau pa deprendel a hazil Hanji (papel coreanu) o papiroflexia.