Luenga china

Dendi Güiquipeya
(Rederigíu dendi Chinu)
Mapa que muestra los deferentis dialeutus chinus.

El chinu (中文, zhōngwén) es una luenga sino-tibetana, oficial en China, Taiwán i Singapul, i palrau en Indonésia i Malásia. En ralidá, mas que una luenga es una familia de luengas, enque la tradicion coltural china prefieri llamal dialetus a las sus variedais lingüisticas.

El chinu es la idioma mas palrá en el mundu (mas de 900 millonis de palrantis comu luenga materna). Es unu las seis idiomas oficiails de la ONU.

Dialetus chinus[Edital | Editá'l códigu]

Tradicionalmenti, los chinus án llamau dialetus (方言, fāngyán) alo que en ralidá es una familia de luengas mutuamenti ininteligiblis. Se puei dizil que las deferencias entri estus "dialetus" son parecías alas que puea essistil entri las diversas luengas romancis.

Una clasificacion común de los dialetus chinus es la siguienti:

  • Mandarín (北方話 / 北方话), 836 millonis de palrantis.
  • Wú (吳語 / 吴语), 77 millonis
  • Cantonés o yuè (粵語 / 粤语), 71 millonis
  • Dialetus mǐn (閩語 / 闽语), 60 millonis
  • Jìn (晉語 / 晋语), 45 millonis
  • Xiāng o hunanés (湘語 / 湘语), 36 millonis
  • Hakka o kèjiā (客家語 / 客家语), 34 millonis
  • Gàn (贛語 / 赣语), 31 millonis
  • Huī (徽語 / 徽语), 3,2 millonis
  • Pínghuà (平話 / 平话), 2 millonis