Clara Jara de Soto
| Clara Jara de Soto | ||
|---|---|---|
| Información pressonal | ||
| Nacencia |
1750 Murcia (España) | |
| Muerti | 1800 | |
| Nacionalidá | Española | |
| Información prehessional/profissional | ||
| Oficiu | Escrevienti | |
Clara Jara de Soto (Murcia, 1750 - 1800) fue una escrebiora española dela segunda metá del sigru XVIII.
Obra
[adital | adital cóigu]Juntu María Egual están considerás las únicas novelistas del sigru XVIII.[1]
Dió-si a conocel cuna novela costumbrista intitulá El instruíu ena corti i aventuras del estremeñu, que sigui l'estela de Quevedo i Diego de Torres Villarroel,[2] Comienza col encuentru fortuítu dun licenciau cun curiosu pressonagi ena ribera del canal de Manzanaris, Juan Vegas, que acaba de aportar ala capital i apaeci descritu comu un paletu.[3] Siguirá la novela con el relatu dela via del licenciau llena de aventuras picarescas i terminará con el licenciau siendu guía delos barrius de Madrid pal estremeñu. Assin describirá la Plaza Mayor, el Rastro, Huertas, la plaza de la Cebada, la Puerta del Sol, el Paseo del Prado, teatrus, hosterías, mesonis… La narración siguiendu la estética barroca está interrumpía por poémas popularis. Termina la novela en primera pressona esperandu que aia complacíu al lectol.[3] Debió de tenel éssitu ya qu'en el Diariu de Madrid - el 13 de agostu de 1790- hue publicáu un sonetu ena su alabança. Presentó a la censura una continuación, Las tertulias murcianas i sigunda parti del instruíu ena corti, peru no logró pasala. Tambien incluía una comedia.[4]
Nel relatu del licenciau solu apaeci una décima improvisá por otru forasteru, nostanti quandu están junttus, improvisan vessus pa ca ocación conos qu'illustran tolo que están contemplandu. Las décimas finalis son una recopilación del desengañu qu'el instruíu ena corti confía al paletu pa qu'la divulguen pa futurus forasterus. La mayoria delas décimas critican el comportamientu sexual delas mugeris. La novela nos amuestra que los valoris moralis del pueblerinu, a pesal dela su simpleça, son mayoris que los dela ciá.[5]
Siguió publicandu poémas en el Diariu de Madrid en 1790 i 1799.[4]
Notas
[adital | adital cóigu]Referencias
[adital | adital cóigu]- ↑ Ballesteros García, Rosa María.; Escudero Gallegos, Carlota A. (2008). Feminismus enas dos orillas. Universidá de Málaga. ISBN 978-84-9747-197-8.
- ↑ Nava Rodríguez, Teresa. (2007). Cambiu social i ficción literária ena España de Moratín. Publicacionis Nuversidá Complutensi de Mairil. ISBN 978-84-669-3052-9.
- ↑ 3,0 3,1 «Clara Jara de Soto | Real Academia dela Estória». dbe.rah.es. Consultáu el 19 de abostu de 2019.
- ↑ 4,0 4,1 Serrano y Sanz, Manuel, 1868-1932. (1975). Apuntis pa una biblioteca de escritoras españolas. Atlas. ISBN 84-363-0477-2.
- ↑ López, Dolores Romero; Guil, Itzíar López; Imboden, Rita Catrina (2007). Seis sigrus de poesía española escrebía por mugeris: pautas poéticas i revisionis críticas. Peter Lang. ISBN 978-3-03911-439-9.